1 Kotindi 4:14 - Panake Pi La: Ula: Buka pita: Kine Pieke Buka

¹⁴ Iki pa꞉ta꞉ I̱ma꞉ do wape polo ekita꞉ iki yaala꞉ma꞉ homaaluekema꞉ na pua꞉me. Pate ikita꞉ yaka weki wandiki leke haleme ekina꞉ ika꞉ hone tikitiki yaluekema꞉ pua꞉me.

1 Kotindi 4:14 ပူးပေါင်းရင်းမြစ်များ

Aposolo 20:31

Koto ekina꞉ ikita꞉ handeteke hao hapa꞉peke. Kutupa I̱ma꞉ta꞉ bapi tepona꞉ u pelia꞉la꞉eki yolao da ka꞉la꞉pa꞉la꞉eki yolao iki paeyao pa꞉ta꞉ e̱ alo hata꞉ pi walo haowa꞉ ekita꞉ hone wia꞉pa꞉peke lea꞉me.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

1 Kotindi 4:15

Ika꞉ Ketiso haleme ekina꞉ pi wala꞉la꞉ haliwekita꞉ mo 10 daosenimanu mea haena꞉ lemeka꞉na꞉ta꞉ epolo pa꞉la꞉pate pa ika꞉ apa꞉ta꞉ homekee. Ika꞉ Yesu Ketiso pa꞉ta꞉ haleme ekina꞉ I̱ta꞉ ika꞉ apa꞉ halome. Koto mo Pi Seliapo iki pa꞉ta꞉ mea epolo ekina꞉ loa꞉me.

1 Kotindi 4:17

Koto ekina꞉yeke hande Timodita꞉ iki pa꞉ta꞉ tapaasome. Ipikita꞉ yaka pukima꞉ homolo weki hata꞉ta꞉ ipika꞉ Ketiso hala꞉eki make ota꞉eki hala꞉me. I̱ma꞉ Ketiso hata꞉ hau pu haloeki make mo siosi paeyaona꞉ wanda꞉hali paeyao pa꞉ta꞉ walo haloeki make Timodima꞉ ika꞉ hone paa u tiaalieke.

1 Kotindi 6:5

Do alo pita꞉ iki yaala꞉ma꞉ homaaluekema꞉ loa꞉me. Iki pa꞉ta꞉ta꞉ epeke hone wita꞉la꞉ hali homeke ma꞉nda꞉ na hala꞉pe. Kutu piki halima꞉ta꞉ mo Ketiso hameke yaapona꞉ pi yokaalu pitelepeeki epeaapeke na ya꞉la꞉pe.

1 Kotindi 9:15

Koto la꞉la꞉pate I̱ma꞉ta꞉ koto tupa꞉ aleta꞉ ma꞉nda꞉ na molome. Kutupa ame make aleta꞉ ma꞉nda꞉ muluekema꞉ iki pa꞉ta꞉ do wape ota꞉ na tapaasome. Kie laapa꞉na꞉ I̱ amba꞉la homa꞉peke aleo. I̱ma꞉ iki ame̱le̱ ota꞉ pa hameke e pokolo ekina꞉ pi laaso ekita꞉ hali homeke a꞉nda꞉ma꞉ Paeki ala꞉me laa pi laapa꞉na꞉yeke loa꞉me.

2 Kotindi 11:11

I̱ma꞉ do alo ekita꞉ iki pukima꞉ na homolome laa alope. Dia꞉me. I̱ma꞉ iki pa꞉ta꞉ pukima꞉ homolo ekita꞉ ota꞉ Koda꞉ma꞉ hone ula꞉me.

2 Kotindi 12:19

Mata꞉la꞉me. Hoto paeyaota꞉ ika꞉ leke popelekena꞉ nikana꞉ma꞉ nika꞉ kone tamba꞉ muluekema꞉ pitoloma꞉me hone witolo pitelememe. Dia꞉me. Nikana꞉ma꞉ta꞉ Koda꞉na꞉ leke popelekena꞉ hata꞉ Ketisoma꞉ niki pi lomono lolo pa꞉la꞉ tupa꞉ aloma꞉me. Kutupa nika꞉ puki piki yankeke tonuo nikana꞉ma꞉ pitoloma꞉ hau paeyaota꞉ iki tamba꞉ muluekema꞉ pitoloma꞉me.

2 Kotindi 7:3

I̱ma꞉ doeki alo ekita꞉ ikana꞉ma꞉ hoke hau pelememe laa ma̱leke litolo na loa꞉me. I̱ma꞉ amba꞉ titina꞉ loa꞉ tupa꞉ ikita꞉ niki pa꞉ta꞉ yole pelemeeki yalota꞉ nika꞉ temokota꞉ hoto paeyao iki ame̱le̱ mandakena꞉ haloma꞉me. Niki pa haloma꞉ dina꞉ make homoloma꞉ dina꞉ make loa꞉me.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

1 Desalonaika 2:11

Atekema꞉ ipika꞉ weki wandiki pa꞉ta꞉ pu hala꞉ tupa꞉ niki make iki ame̱le̱ hata꞉ koto tupa꞉ puma꞉eki ikana꞉ma꞉ handememe.

1 Desalonaika 5:14

Kametitio. Iki sutiaasoma꞉me dupa. Pa pitu haleme wanda꞉halita꞉ mana꞉ laka꞉na꞉ mo pututuma꞉ homeleme wanda꞉hali sa꞉tiaaso hata꞉ mo damakopiki wanda꞉hali pa꞉ta꞉la꞉ mea꞉tiki pea iki paeyao wotu handeteke hatiki pea꞉pa꞉peke.

2 Desalonaika 3:14

Mata꞉la꞉ do tameiya꞉na꞉ wape poloma꞉ pita꞉ iki homeke ma꞉nda꞉ma꞉ na opilieke. Kutu pia꞉ka꞉na꞉ta꞉ koto ipika꞉ hau handolo hata꞉ta꞉ ipikana꞉ma꞉ yaaloma꞉ homaena꞉ mandakena꞉ na apa꞉tao hapa꞉peke.

Pailimono 1:10

Ya Ketiso weki homeke Onisimasi pa꞉ta꞉ nakana꞉ma꞉ pulu pele ekina꞉ neke pa꞉ta꞉ honke alome. I̱ do dipula pita꞉ kone ipiki pa꞉ta꞉ Ketisona꞉ pi waloa꞉ ekima꞉ta꞉ I̱ta꞉ ipika꞉ apa꞉ haowa꞉me.

1 Dioni 2:1

Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

3 Dioni 1:4

Naka꞉ hoto paeyao mo hande ota꞉eki pa꞉ta꞉ hao hale tupa꞉ loa꞉me. Yaka weki wandikita꞉ mo ota꞉eki pa꞉ta꞉ halemeeki opitoloeki homekema꞉ I̱ta꞉ ta꞉na꞉ wopu peaasa꞉me.