1 Kotindi 4:11 - Panake Pi La: Ula: Buka pita: Kine Pieke Buka

¹¹ Amba꞉ make ame make nikita꞉ ne ikali tea꞉ma꞉ homa꞉tiki pu hata꞉ mo dau make wotu dia꞉ya꞉la꞉ haliweki haloma꞉me. Haliwekima꞉ niki pa litolo ombu haena꞉ make kutupa ota꞉ nika꞉ da pa꞉ta꞉ na hake pa pominolo hata꞉ta꞉

1 Kotindi 4:11 ပူးပေါင်းရင်းမြစ်များ

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 16:23

Kutupa mo hali yaapota꞉ wopu yombua baota꞉ dipula da pa꞉ta꞉ mea lopao mo dipula handeteke hayeke hali pa꞉ta꞉ alota꞉ Wopu handeteke hapeke laa pi la halemekeme.

Aposolo 23:2

Kutupa mo yeni peao haemeke you haliwekina꞉ you hali A꞉na꞉naisima꞉ Polo teke pa꞉ta꞉ haemeke haliwekima꞉ Polona꞉ kake da꞉ka꞉pa꞉ lina꞉e leekeme.

Loma꞉ 8:35

Ketisoma꞉ niki pa꞉ta꞉ pukima꞉ homa꞉la꞉ ekita꞉ hali epima꞉ ka꞉taalu peaapeke ya꞉la꞉pe. Kota꞉ mo ka꞉nda꞉ pa꞉la꞉eki minolo hamono kone o tanda tanda minolo hamono kone o mandane wanda꞉halima꞉ a꞉nda꞉ litolo haena꞉ kone o tea꞉ma꞉ homolo hamono kone o yamolo poloma꞉ daumanu dia꞉yolo hamono kone o mandane wanda꞉halima꞉ niki paala꞉ tiaaso haena꞉ kone o niki litolo haena꞉ kone kutupa koto hau paeyao homeke a꞉nda꞉ma꞉ Ketiso ipika꞉ pukima꞉ homa꞉la꞉ ekita꞉ niki pa꞉ta꞉ na pina꞉ leliepe. Dia꞉ma꞉

1 Kotindi 9:4

I̱ta꞉ yaka ena꞉ yenkita꞉ mo ne ikali napekeeki ana꞉ na pa꞉la꞉pe.

2 Kotindi 11:20

Ikana꞉ma꞉ta꞉ mo iki dupi dupi lo haleme haliweki make o iki teke puleke lao haleme haliweki make o iki hona꞉ma̱o̱ haleme o iki handa꞉niao haleme o iki kadapo ku haleme haliweki paeyao pa꞉ta꞉ ta꞉na꞉ma꞉ homolo hata꞉ ika꞉ pi opu halememe.

2 Kotindi 4:8

Nikita꞉ hoto ma꞉nda꞉ nina꞉ta꞉ ka꞉nda꞉ma꞉ homo haloma꞉pate ota꞉ lu tumbaaso dia꞉me. Hoto ma꞉nda꞉ nina꞉ta꞉ hone eleke eleke u haloma꞉pate nika꞉ hone pua doka꞉tiki yaala꞉ dina꞉ta꞉ pa pina꞉e hone na u haloma꞉me.

Pilipai 4:12

Mo miniki hapeke ya꞉la꞉ alemanu ota꞉ dia꞉ya꞉la꞉ hau pita꞉ mo aneke hapu haka꞉ta꞉pao miniki hapeke ya꞉la꞉ hau yaapota꞉ I̱ pa꞉ta꞉ epeeke pea handa hone ulume. I̱ma꞉ aneke hapu noluekema꞉ make tea꞉ma꞉ homuluekema꞉ make aneke hapu haka꞉ta꞉pao wia haluekema꞉ make hosikieki siki wia haluekema꞉ make nate ma꞉nda꞉ epina꞉ I̱ma꞉ hando pa꞉ta꞉ hata꞉ do hau paeyaota꞉ handa halo ekina꞉ ta꞉na꞉ma꞉ homuluekema꞉ hone witolome.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.