1 Kotindi 3:9 - Panake Pi La: Ula: Buka pita: Kine Pieke Buka

⁹ Dikita꞉ mandake pa꞉ta꞉ hata꞉ Koda꞉na꞉ e pokaasoma꞉ haliweki halopa꞉me. Kutupa ikita꞉ Koda꞉na꞉ e kone halememe. Kutupa ikita꞉ Koda꞉na꞉ da make halememe.

1 Kotindi 3:9 ပူးပေါင်းရင်းမြစ်များ

Ma꞉tiu 15:13

Ya hepeni hala꞉ Apa꞉ma꞉ na nokopeke pa opa꞉la꞉ waemanu paeyao yokilieke laa Yesuma꞉ hombo peaaso hata꞉ alota꞉

Ma꞉tiu 16:18

Koto ekina꞉ dupa alome. Neketa꞉ Pidae. (nika꞉ pima꞉ta꞉ Toopie) Koto toopi mandaata꞉ ya siosi a꞉elueke. Kutupa mo homo hala꞉ ekina꞉ honkopuma꞉ kone koto siosi ota꞉ na bepolao halieke.

Ma꞉tiu 9:37

Koto ekina꞉ ipika꞉ hoki nane telimiki haliweki handolo alota꞉ Ne napeke tieke wopu pota꞉la꞉pate mo mea momba꞉laapeke wanda꞉halita꞉ aneke dia꞉me.

Maka 16:20

Yesuta꞉ oli hepeni nane pua hata꞉ disaipolo wanda꞉halima꞉ kenke paeyaona꞉ do pi seliapo wala꞉tiki pu hayekeme. Kutupa Tekehalima꞉ mandakena꞉ e pokolo hata꞉ wanda꞉halima꞉ ika꞉ pi ota꞉ pie lena꞉yeke wele pieke ekimanu pimikime. Kutu pimikime.]

Aposolo 4:11

Pa ekipeke Yesu pa꞉ta꞉ta꞉ mo Baiboloma꞉ alota꞉ Koto toopita꞉ iki mo da a꞉eteleme haliwekima꞉ kipa꞉la꞉me lemepate pa ameta꞉ koto toopi kone mo keneme toopi pa ula꞉me laa la꞉la꞉me.

1 Kotindi 3:16

Ikita꞉ Koda꞉na꞉ yakopiki da hamina꞉ta꞉ kutupa Koda꞉na꞉ Sipitidi iki tukiki pa꞉ta꞉ amba꞉ pitaala꞉eki make ikana꞉ma꞉ hone na witelemepe.

1 Kotindi 3:6

I̱ta꞉ wae noka꞉polo hali haowa꞉me. Kutupa Apolosima꞉ta꞉ mo ikali naa hala꞉la꞉ hali haya꞉me. Dikita꞉ kutu pupa꞉pate opaake hauta꞉ Koda꞉ma꞉ piekeme.

1 Kotindi 6:19

Ika꞉ lokemanu tukiki pa꞉ta꞉ta꞉ mo Holi Sipitidi pitina꞉ ipika꞉ yakopiki da haleme ekita꞉ hone na witelemepe. Kutupa mo Holi Sipitidi pila꞉ ekita꞉ Koda꞉ma꞉ iki pa꞉ta꞉ kita꞉la꞉ ekita꞉ hone na witelemepe. Ikita꞉ ika꞉eki dia꞉me. Koda꞉na꞉eki halememe.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

2 Kotindi 6:16

Mo Koda꞉na꞉ tembolota꞉ mo pi na miki wanda꞉halina꞉ toopi ti wepia ula꞉ alemanu yaapota꞉ ekipa hone homeke wia꞉peke ya꞉la꞉pe. Pa ekipeke. Nikita꞉ mo da꞉ta hao hala꞉ Koda꞉na꞉ tembolo da haloma꞉me. Koda꞉ ipikana꞉ma꞉ leeke tupa꞉ta꞉ dupae. Yaka data꞉ yaka wanda꞉hali ame̱le̱ wepulueke. Kutupa iki ame̱le̱ hao halueke. I̱ta꞉ ika꞉ Koda꞉ halueke. Kutupa ikita꞉ yaka wanda꞉hali halimikie leekeme.

Epesese 2:10

Koda꞉ta꞉ niki wepia hamono la꞉la꞉ Halie. Ipikana꞉ma꞉ta꞉ nikita꞉ Yesu Ketiso yaapo ta꞉ma꞉ni pea hata꞉ epeke haumanu pu hamonoyeke nikita꞉ panake wanda꞉hali wepia hamono la꞉la꞉me. Nikana꞉ma꞉ kutupiki hau peomonoyeke Koda꞉ma꞉ amba꞉ kone pota꞉ pilao pa꞉la꞉me.

Kolosi 2:7

Ika꞉ piki manuta꞉ ota꞉ onina꞉ toluma꞉ ipiki pa꞉ta꞉ pena꞉ lapa꞉peke. Ika꞉ haleme ekita꞉ ipiki manda a꞉eya꞉pa꞉peke. Kutupa mo iki walea꞉ tupa꞉ ika꞉ hone tulaaleme ekita꞉ ota꞉ honkopu wopu hapa꞉peke. Kutupa keiyae ala꞉ ekima꞉ iki pa꞉ta꞉ tumbina꞉ lapa꞉peke.

1 Timodi 3:15

ale ma꞉nda꞉ma꞉ I̱ sa꞉sa꞉ pia꞉ka꞉na꞉ta꞉ kota꞉ nika꞉ Koda꞉na꞉ tapakema꞉ hata꞉ pulu poloma꞉eki manuta꞉ do wapema꞉ walieke. Koto tapaketa꞉ mo da꞉taa hao hala꞉ Koda꞉na꞉ siosi tapake loa꞉me. Koto siosita꞉ mo hande Koda꞉na꞉ ota꞉ pita꞉ tia haena꞉ la꞉la꞉ pinki tieke leke hala꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

1 Pida 2:5

Iki make da꞉ta hala꞉ toopi ula꞉ tupa꞉ halememe. Kutupa ikana꞉ma꞉ Koda꞉ma꞉ ikita꞉ mea ipika꞉ yakopiki temokona꞉ da a꞉ena꞉ lapa꞉peke. Do da tukiki pa꞉ta꞉ ikana꞉ma꞉ yako piki yeni peao hala꞉ haliweki hata꞉ Koda꞉ ta꞉na꞉ma꞉ homolo hata꞉ mina꞉ ika꞉ temoko Yesu Ketiso pa꞉ta꞉ yama꞉ Koda꞉ pa꞉ta꞉ halo hapa꞉peke.

3 Dioni 1:8

Koto ekina꞉ta꞉ niki Ketiso wanda꞉halima꞉ta꞉ dupiki wanda꞉hali tamba꞉ mumana꞉e. Pa ekipeke ika꞉ mo ota꞉ ekina꞉ e pokelemeeki telipumana꞉ loa꞉me.