1 Kotindi 3:23 - Panake Pi La: Ula: Buka pita: Kine Pieke Buka

²³ ikita꞉ Ketisona꞉ekie. Kutupa Ketisota꞉ Koda꞉na꞉eki hala꞉me.

1 Kotindi 3:23 ပူးပေါင်းရင်းမြစ်များ

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Dioni 17:18

Nakana꞉ma꞉ I̱ do kenkena꞉ tapae tupa꞉ta꞉ I̱ma꞉ do haliweki kenke ta꞉ta꞉ ta꞉ta꞉ pa꞉ta꞉ tapaowa꞉me.

Dioni 17:21

Paeyaota꞉ homekeeki haena꞉yeke yeni pitolome. Apa꞉o. Neketa꞉ I̱ yaapo haleeki make I̱ neke yaapo haloeki make iki make koto tupa꞉ diki ame̱le̱ haemeka꞉na꞉ta꞉ epelieke. Kenke wanda꞉halima꞉ nakana꞉ma꞉ I̱ tapaaleeki hone wina꞉yeke ikita꞉ homekeeki haemeka꞉na꞉ta꞉ epelieke.

Loma꞉ 14:8

Nikana꞉ma꞉ niki da꞉ta hata꞉ta꞉ Tekehalina꞉ pi lao haluekema꞉ haloma꞉me. Niki homolo poloma꞉eki make Tekehalina꞉ pi laaluekema꞉ homolumeke. Koto ekina꞉ nikita꞉ pa haoma꞉ka꞉na꞉ make homoma꞉ka꞉na꞉ make nikita꞉ Tekehalina꞉ ekie.

1 Kotindi 11:3

Koto pa꞉la꞉pate do alo pita꞉ wotu opua꞉pa꞉peke. Haliweki paeyao pa꞉ta꞉ Ketisota꞉ you hala꞉me. Kutupa ipika꞉ wanda꞉na꞉ youta꞉ haliki hala꞉me. Kutupa Ketisona꞉ youta꞉ Koda꞉ hala꞉me.

1 Kotindi 15:23

Kutu piliepate pa Koda꞉ma꞉ lelie natena꞉ kone paa tiaalieke. Dupae. Hande puki napeke ne tupa꞉ Ketiso titina꞉e. Kutupa wetepena꞉ mo Ketisona꞉ ipilie natena꞉ta꞉ ipika꞉ wanda꞉hali mea tiaalieke.

1 Kotindi 15:28

Dia꞉me. Ala꞉ta꞉ ala꞉ta꞉ paeyao Ketisoma꞉ kilu tombuao hata꞉ta꞉ ipikana꞉ma꞉ kone Eiyeke hata꞉ mo ipika꞉ anke oto pa꞉ta꞉ ala꞉ta꞉ ala꞉ta꞉ paeyao mea wiaeyeke Koda꞉ pa꞉ta꞉ ipiki kone oto pa꞉ta꞉ halieke. Kutu pia꞉ka꞉na꞉ta꞉ kota꞉ Koda꞉ma꞉ta꞉ ota꞉ paeyao tapao manda hata꞉ ota꞉ kilu tombuao halieke.

1 Kotindi 7:22

Do ekina꞉yeke loa꞉me. Mo pa hameke e pokaasa꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Tekehalima꞉ ka꞉la꞉pa꞉ tapao haena꞉ la꞉la꞉ halie. Koto tupa꞉ kone mo pa hala꞉ halima꞉ta꞉ Tekehalima꞉ ipiki wi ala꞉eki opuata꞉ kota꞉ ipikita꞉ mo Ketisona꞉ e pa hameke pokaasa꞉ halie.

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

2 Kotindi 10:7

Ikana꞉ma꞉ta꞉ mo ala꞉ta꞉ ala꞉ta꞉na꞉ hama꞉ naneeki handelememe. Iki ame̱le̱ ma꞉nda꞉ma꞉ ipikita꞉ Ketiso pa꞉ta꞉ tunaalome ala꞉ some hala꞉pe. Kota꞉ ipikana꞉ma꞉ ipika꞉ hau pita꞉la꞉eki kone pa hone wina꞉e. Pa ekipeke ipikana꞉ma꞉ pita꞉la꞉ tupa꞉ kone niki make Ketiso pa꞉ta꞉ tunaaloma꞉me.

Ka꞉leisia 3:29

Ikita꞉ Ketiso ipika꞉eki haemeka꞉na꞉ta꞉ kota꞉ ikita꞉ mo Eipoloha꞉ma꞉na꞉ hoki nane wanda꞉hali hata꞉ Koda꞉na꞉ kulueke laa pi la꞉ wiekeeki milimikie.

Ka꞉leisia 5:24

Mo Yesu Ketisona꞉ wanda꞉halima꞉ta꞉ ika꞉ lokena꞉ hau make koto loke ipika꞉ namonamo hata꞉ na꞉na꞉ na꞉na꞉ pitolo loke tiaasa꞉eki make koto hau paeyaota꞉ Ketiso yaapo apa꞉tao mo a꞉ka꞉tei wape piki tina꞉ lia endialememe.

Epesese 1:10

Koda꞉ma꞉ ipika꞉ hone u hala꞉ ekita꞉ dupae. Kenke ya yaapo nane ula꞉ ale hala꞉ ekimanu paeyaota꞉ hande Koda꞉ma꞉ wepia haena꞉ la꞉la꞉ ekimanu paeyao ipikana꞉ma꞉ mea momba꞉laota꞉ kutupa Ketisota꞉ you haena꞉ lelieke. Ipika꞉ di tunkulia꞉ka꞉na꞉ta꞉ Koda꞉ma꞉ koto hau pu paeyaalieke.