1 Kotindi 3:11 - Panake Pi La: Ula: Buka pita: Kine Pieke Buka

¹¹ Do alo pita꞉ do ekina꞉yeke loa꞉me. Mo hande da pinkimanu nokopa꞉la꞉ ekita꞉ Koda꞉ma꞉ Yesu Ketiso homeke amba꞉ mea haena꞉ la꞉la꞉me. Kutupa mandane pinki manuta꞉ noka꞉pea꞉peke na ya꞉la꞉me.

1 Kotindi 3:11 ပူးပေါင်းရင်းမြစ်များ

Ma꞉tiu 16:18

Koto ekina꞉ dupa alome. Neketa꞉ Pidae. (nika꞉ pima꞉ta꞉ Toopie) Koto toopi mandaata꞉ ya siosi a꞉elueke. Kutupa mo homo hala꞉ ekina꞉ honkopuma꞉ kone koto siosi ota꞉ na bepolao halieke.

1 Kotindi 3:10

Koda꞉na꞉ pa a꞉ta꞉ma꞉ homa kita꞉la꞉eki meata꞉ I̱ma꞉ta꞉ mo da a꞉eta꞉la꞉ ekina꞉ hone wotu wiki kapenda you hali hata꞉ pinki amba꞉ nokopolome. Kutupa hali ma꞉nda꞉ma꞉ da a꞉eluekema꞉ mo pinkimanu manda a꞉eta꞉la꞉me. Koto pa꞉la꞉pate mo da a꞉eta꞉la꞉ hali ma꞉nda꞉ epima꞉ta꞉ wotu handeteke hata꞉ a꞉eya꞉ka꞉na꞉ta꞉ kota꞉ pa ana꞉ pilieke.

1 Kotindi 3:12

Kutupa mo hande pinkimanu manda da a꞉eluekema꞉ mandane haliwekima꞉ta꞉ koloma꞉ make silipama꞉ make yenki tieke toopima꞉ make a꞉elimikie. Kutupa mandane haliwekima꞉ta꞉ tima꞉ make yenki katakema꞉ make liki manuma꞉ make da a꞉elimikie.

Epesese 2:20

Ikita꞉ Koda꞉ma꞉ a꞉eta꞉la꞉ da tupa꞉ halememe. Ipikana꞉ma꞉ koto da a꞉etolota꞉ niki aposolo haliweki make potopede haliweki make mea apa꞉tao pinkimanu tupa꞉ noka꞉pa꞉la꞉me. Kutu pa꞉la꞉pate Yesu Ketisota꞉ ota꞉ titina꞉ noka꞉pa꞉la꞉ pinki hala꞉me.

2 Timodi 2:19

Koda꞉ma꞉ nokopeeke taka꞉lake pinkita꞉ da̱o̱la꞉pa pa꞉la꞉me. Koto pinkina꞉ pi yaapo wape pea ula꞉ ekita꞉ dupa. Tekehalima꞉ ipika꞉ wanda꞉halita꞉ ipika꞉ amba꞉ hando ulume laa wape pea ula꞉me. Kutupa pi ma꞉nda꞉ make dupa. Ma꞉nda꞉ hali epima꞉ I̱ta꞉ mo Tekehalina꞉eki halome lea꞉ka꞉na꞉ta꞉ kota꞉ mo hokeeki paeyao ota꞉ mina꞉pa꞉lao hoki walaa pua꞉peke ya꞉la꞉me pi yaapo wape pa꞉la꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.