1 Kotindi 2:3 - Panake Pi La: Ula: Buka pita: Kine Pieke Buka

³ Kutupa make iki pa꞉ta꞉ epoa꞉ dina꞉ta꞉ damako pupa wia paala꞉ma꞉ homolo hata꞉ puki la꞉ma꞉ la꞉ma꞉ tonka꞉na꞉ pia꞉me.

1 Kotindi 2:3 ပူးပေါင်းရင်းမြစ်များ

Aposolo 17:1

Kutupa A꞉mbipolisi A꞉polonia da yaapo nane lombei pupa mo Diu haliwekina꞉ pi hotu haemeke da homeke hayeke pa꞉ta꞉ Desalonaika da nane opolo pemekeme.

Aposolo 18:1

Kutupa A꞉ta꞉ni da mina꞉pa꞉lao mo Kotindi da nane puaata꞉

Aposolo 18:12

Kutu piekepate Ka꞉liota꞉ mo Akaya nane kapomani tieke haena꞉ leeke pita꞉ta꞉ mo Diu haliwekima꞉ Polo luekema꞉ apa꞉tao pi yokaalu puluekema꞉ mea pua alota꞉

Aposolo 18:6

Kutu piekepate ipiki tolu luekema꞉ pi la la pimiki pita꞉ Poloma꞉ ipika꞉ dau tandela iki pa꞉ta꞉ alota꞉ I̱ dia꞉me. Ika꞉ youna꞉ ika꞉ we mendia꞉pa꞉peke leekeme. Ya ketete dia꞉me leekeme. Ameta꞉ Diendaili wanda꞉hali pa꞉ta꞉ pulume leekeme.

2 Kotindi 10:1

I̱ta꞉ Poloma꞉ ya kone iki pa꞉ta꞉ honke alome. I̱ta꞉ hande iki ame̱le̱ halo dina꞉ta꞉ homu pea dete polopate iki mina꞉pa꞉lao papate halo dina꞉ta꞉ tanda pola꞉me lo hala꞉ma꞉ somema꞉ loa꞉me. Ketisona꞉ homu toloma꞉ lita꞉la꞉eki pita꞉ a꞉ta꞉ma꞉ homolo hata꞉ puki hala꞉la꞉ ekima꞉ta꞉ I̱ma꞉ iki honke alota꞉

2 Kotindi 10:10

Ma꞉nda꞉ma꞉ta꞉ I̱na꞉ do la꞉lieke. Polona꞉ tameiya꞉ manuta꞉ tanda pea honkopu hala꞉pate pa mo ipika꞉ loke piti niki ame̱le̱ hala꞉ dina꞉ta꞉ ipikita꞉ dete pea ipika꞉ pi manuta꞉ teke na ula꞉me laa lelieke.

2 Kotindi 13:4

Mo damako peaaso haena꞉ kone ipikita꞉ mo kotosina꞉ lu homaeya꞉pate Koda꞉na꞉ honkopuma꞉ta꞉ ipikita꞉ da꞉taa hao hala꞉me. Kutupa make ipiki ame̱le̱ tunaaso hata꞉ niki make damako poloma꞉pate pa iki ame̱le̱ tukikina꞉ hata꞉ nikana꞉ma꞉ta꞉ Koda꞉ma꞉ Ketiso wele peaasa꞉eki ma꞉nda꞉ putupa꞉ meaata꞉ ika꞉ yankeke halumeke.

2 Kotindi 13:9

Niki damako poloma꞉ dina꞉ta꞉ iki honkopu hao haleme ekima꞉ nikita꞉ ta꞉na꞉ wopu pa꞉la꞉me. Koto ekina꞉ta꞉ iki ota꞉eki a꞉nda꞉ na piki wanda꞉hali hamena꞉ nikana꞉ma꞉ yeni pea꞉tiki pu haloma꞉me.

2 Kotindi 4:1

Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ niki do e pokomono ka꞉la꞉me. Koto ekina꞉ta꞉ do e pa꞉ta꞉ta꞉ ka꞉nda꞉manu ipula꞉pate niki ki hone na uluma꞉me.

2 Kotindi 4:16

Koto ekina꞉ta꞉ niki pa꞉ta꞉ ka꞉nda꞉manu epena꞉ kone ki hone na uluma꞉me. Nika꞉ manda loketa꞉ koke yomo yomo pita꞉la꞉pate nika꞉ temokota꞉ hoto paeyao wamo pea꞉tiki pu hala꞉me.

2 Kotindi 6:4

Kotoeki na pikita꞉ nika꞉ pitoloma꞉ hau paeyao pa꞉ta꞉ta꞉ nikita꞉ Koda꞉na꞉ e pokaasoma꞉ haliwekie laa dupa peneme yao haloma꞉me. Mo walolo hata꞉ ka꞉nda꞉ma꞉ homa꞉la꞉ ekimanu make tanda tieke pa꞉la꞉ ekimanu make mamatala꞉ ekimanu pa꞉ta꞉ make ki hone na wiki homu pea yu wia hao haloma꞉me.

2 Kotindi 7:15

Koto ekina꞉ta꞉ ipikana꞉ma꞉ iki pa꞉ta꞉ pukima꞉ homa꞉la꞉ ekita꞉ honkopu hao daeyatia pula꞉me. Mo ikana꞉ma꞉ ipika꞉ walea꞉ ekimanu koto kone opua pimime. Kutupa make ikana꞉ma꞉ ipiki paala꞉ma꞉ make pututuma꞉ make homolo hata꞉ handa꞉ mimi ekina꞉ make loa꞉me.

2 Kotindi 7:5

Mo Ma꞉sedonia opolo poma꞉ dina꞉ maketa꞉ nikita꞉ hoto ota꞉ na pituma꞉me. Ka꞉nda꞉ paeyao manuta꞉ tumbulu baeyekeme. Ma꞉nda꞉ ame̱le̱ ape ala꞉eki make nika꞉ pukimanu pa꞉ta꞉ta꞉ paala꞉ pa꞉la꞉ ekimanu make pitia꞉me.

Epesese 6:5

E pa hameke pokaaseme haliwekio ika꞉ handeteke haleme haliwekina꞉ pi paala꞉ma꞉ homolo hata꞉ opua꞉pa꞉peke. Makeaasa꞉ hau na piki Ketisona꞉ e pokaaseme tupa꞉ opua pea꞉pa꞉peke.