1 Kotindi 2:14 - Panake Pi La: Ula: Buka pita: Kine Pieke Buka

¹⁴ Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

1 Kotindi 2:14 ပူးပေါင်းရင်းမြစ်များ

Ma꞉tiu 16:23

Yesuma꞉ la꞉ka꞉la mina Pida handolo hata꞉ alota꞉ Sadani. Neke puma. Neketa꞉ ya pota꞉ a꞉mbaluekema꞉ taapeleme. Pa ekipeke. Do naka꞉ wili hone manuta꞉ Koda꞉ pa꞉ta꞉ yama꞉ na ipula꞉pate pa hali pa꞉ta꞉ yama꞉ ipula꞉me leekeme.

Dioni 10:20

Mandane haliweki wopuma꞉ alota꞉ Ipiki pa꞉ta꞉ hoke temoko pita꞉ pa꞉la꞉me laa ipikita꞉ keaaso pita꞉la꞉me. Ipika꞉ pita꞉ ekipeke opitelemepe laa lea꞉tiki pimikipate

Dioni 12:37

Ipikana꞉ma꞉ta꞉ wanda꞉halina꞉ leke popelekena꞉ hata꞉ kone wele wotu pieke ekimanu mo wanda꞉halima꞉ handaa kone ipiki pa꞉ta꞉ hone na tulaemekeme.

Dioni 14:26

Kutu pitolopate hande iki Tamba꞉ Mulu pa꞉la꞉ Hali yaka Apa꞉ma꞉ yaka bikina꞉ tapaalo pa꞉la꞉ halita꞉ Holi Sipitidi kone ala꞉ta꞉ paeyao ipikana꞉ma꞉ walieke. Kutupa make I̱ma꞉ hande iki pa꞉ta꞉ walo ekimanu paeyaota꞉ ikana꞉ma꞉ hone uemena꞉yeke ipikana꞉ma꞉ ika꞉ hone u tiaalieke.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Dioni 5:44

Ikana꞉ma꞉ ika꞉ ika꞉ kone ika꞉ pi lao alualu piteleme ekita꞉ hone pa꞉la꞉pate hande homeke hala꞉ Koda꞉ma꞉ ika꞉ pi laasa꞉ ekita꞉ hone na witelememe. Kutu piteleme ekina꞉ ika꞉ honeta꞉ I̱ pa꞉ta꞉ ekipa tulaalimikipe.

Dioni 8:43

Ikana꞉ma꞉ I̱ma꞉ alo pita꞉ ekipeke hone na witelemepe. I̱ma꞉ aloeki na opulumeke hone witeleme ekina꞉ loa꞉me.

Aposolo 16:14

Wanda꞉ homeketa꞉ Lidiama꞉ mo Daetaeda daoni nane wanda꞉ a꞉pa wepiki alemanu hambo hatiki pina꞉ laata꞉ Koda꞉ pa꞉ta꞉ panda꞉puniao yeni pu haota꞉ nika꞉ pi opia꞉me. Poloma꞉ waleeke pi opina꞉yeke Tekehalima꞉ mo wanda꞉na꞉ puki la꞉ka꞉laeyekeme.

Aposolo 17:18

Kutupa mandane Epikutiani Sitoiki sukulu tapake yaapona꞉ haliwekima꞉ Polo manda꞉hande pea alota꞉ Do hande pi wopu ala꞉ halima꞉ eki leliepe lemekeme. Mandaneeki manuma꞉ alota꞉ Da ma꞉nda꞉ nane koda꞉ manuna꞉ hau wala꞉la꞉ hali ya꞉ka꞉ta꞉me lemekeme. Poloma꞉ Yesu pa꞉ta꞉ make mo hande wanda꞉hali homa pa tiaalo piekeeki waleeke handa lemekeme.

Aposolo 17:32

Kutupa mo hande homa pa mea tiaeyekeeki opuaata꞉ mandane haliwekima꞉ ki taemekepate mandane haliwekima꞉ alota꞉ Do alo ekina꞉ta꞉ hoto ma꞉nda꞉ naka꞉ pi opulumekee laa lemekeme.

Aposolo 18:15

ika꞉ Lo Pi manuna꞉ lota꞉ pita꞉la꞉ ekita꞉ kota꞉ ika꞉ kone epeaapa꞉peke. Koto pi manuna꞉ta꞉ I̱ma꞉ na lalueke. Ki pa꞉la꞉me leekeme.

Aposolo 25:19

Ikana꞉ma꞉ ipiki samani pitolo leme ekita꞉ ika꞉ yeni pu haleme hauna꞉ make pa amba꞉ homeeke hali Yesu pa꞉ta꞉ make samani pitolo lememe. Koto hali Yesuta꞉ Poloma꞉ alota꞉ koto hali ame paa tiao hala꞉me lea꞉me.

1 Kotindi 1:18

Hoke hauna꞉ alupulu pa꞉la꞉ wanda꞉halima꞉ta꞉ hande a꞉ka꞉tei wape piki tina꞉ endiaemeke pi pa꞉ta꞉ta꞉ Pa ekie alemepate pa Koda꞉ma꞉ mea da꞉taasa꞉ wanda꞉halima꞉ta꞉ do pi pa꞉ta꞉ta꞉ Koda꞉na꞉ wele pita꞉la꞉ ekie aloma꞉me.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

1 Kotindi 1:23

Kutu pelemepateta꞉ nikana꞉ma꞉ hande a꞉ka꞉tei wape piki tina꞉ Ketiso endiaemekeme laa pi walo haloma꞉me. Do waloma꞉ pina꞉ta꞉ mo Diu wanda꞉halima꞉ta꞉ ya handa꞉olu bepi pu halememe. Kutupa mo Kitiki wanda꞉halima꞉ta꞉ Pa ekie lo halememe.

1 Kotindi 1:25

Koto ekina꞉ kenke haliwekima꞉ta꞉ Koda꞉na꞉ hone wotu wita꞉la꞉eki manuta꞉ Pa ekie alemepate pa Koda꞉ma꞉ ipika꞉ hone wita꞉la꞉ ekima꞉ta꞉ mo kenke haliwekina꞉eki lu ankulala꞉me. Kutupa make mo kenke haliwekima꞉ta꞉ Koda꞉na꞉ wele pita꞉la꞉ ekita꞉ damako pupa ula꞉ ekie alemepate pa mo Koda꞉na꞉ wele pita꞉la꞉ ekima꞉ta꞉ mo kenke haliwekina꞉eki lu ankulala꞉me.

1 Kotindi 15:44

Hoitolo haena꞉ta꞉ kenke loke homeke ya꞉la꞉pate paa mea tiaeya꞉ka꞉na꞉ta꞉ pa epeke temokona꞉eki halieke. Do kenkena꞉ loke mindiki hala꞉ tupa꞉ kota꞉ pa mo epeke epeke temokona꞉eki make ota꞉ halieke.

1 Kotindi 15:46

Epeke temokona꞉eki amba꞉la haena꞉ la꞉la꞉ eki dia꞉me. Do kenke loke amba꞉la haena꞉ laata꞉ mo epeke temokona꞉ ekita꞉ wetepena꞉e.

1 Kotindi 2:12

Koda꞉ma꞉ta꞉ do kenkena꞉ hau pita꞉la꞉eki handomono na la꞉la꞉pate ipikana꞉ma꞉ amba꞉ ka꞉la꞉ alemanu paeyao handomonoyeke ipika꞉ Sipitidi kone amba꞉ ka꞉la꞉me.

1 Kotindi 3:1

Koto pa꞉la꞉pate ya kametitio. I̱ma꞉ ikita꞉ mo Holi Sipitidi meleme wanda꞉hali pa꞉ta꞉ lo haloma꞉ tupa꞉ ana꞉ na pa꞉leke handaa pa mo kenke wanda꞉hali haememe o mo Ketisona꞉ panake weki wandikisunu haememe laa hone witolo hata꞉ I̱ma꞉ iki pa꞉ta꞉ pi waloa꞉me.

Dia꞉mesi 3:15

Dupiki hone wita꞉la꞉ ekita꞉ hepeni naneeki dia꞉me. Kenkena꞉ ula꞉ ekima꞉ kenke lokena꞉eki make hoke temokona꞉eki make kotoeki tepoma꞉ pita꞉la꞉me.

1 Dioni 2:20

Kutu pimipate pa ya wekiwandikio. Ikita꞉ mo hande Ketisoma꞉ kua꞉neala꞉ Holi Sipitidi amba꞉ koto miniki halememe. Koto ekina꞉ iki paeyaoma꞉ta꞉ mo ota꞉ ekita꞉ hone wilimime.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.

1 Dioni 5:20

Nika꞉ hone uluma꞉ ekita꞉ mo Koda꞉na꞉ Eiyeketa꞉ niki hone lenkipa wita꞉la꞉eki kulu a꞉pa꞉la꞉me. Pa ekipeke nikana꞉ma꞉ mo ota꞉ Koda꞉ hone ulu poloma꞉ tupa꞉ pa꞉la꞉me. Ipiki ame̱le̱ hone homeke witolo hata꞉ pa ipika꞉ Eiyeke Yesu Ketiso kone hone homeke wia haloma꞉me. Ipikita꞉ mo ota꞉ Koda꞉e. Kutupa ipikita꞉ deto hala꞉ ekina꞉ tekee.

Diudi 1:19

Do ika꞉ lokena꞉ hone pa꞉la꞉ hau manuma꞉ handeteke hata꞉ mo hande ka꞉taasa꞉ hau pu halememe. Ikita꞉ mo hande Sipitidi na pila꞉ wanda꞉halie.