1 Kotindi 15:54 - Panake Pi La: Ula: Buka pita: Kine Pieke Buka

⁵⁴ Koto ekina꞉ mo alu pea꞉peke ekita꞉ pa mo hao hala꞉ ekima꞉ yamia꞉ka꞉na꞉ta꞉ kutupa mo homo hala꞉ ekita꞉ pa mo deto hala꞉ ekima꞉ yamia꞉ka꞉na꞉ta꞉ kota꞉ hande Baibolo bukana꞉ wape pa꞉la꞉ ekita꞉ ota꞉ yaalieke. Dupa. Homo hala꞉ ekita꞉ ota꞉ hoeya꞉ la꞉pa pa꞉la꞉me. Koda꞉na꞉ bepolaasa꞉ ekita꞉ ota꞉ bepola꞉pa pa꞉la꞉me.

1 Kotindi 15:54 ပူးပေါင်းရင်းမြစ်များ

Luku 20:36

Ikita꞉ enisoloma꞉ handaa paa na homeke hao halimikie. Ikita꞉ Koda꞉na꞉ wekiwandiki halimikie. Pa ekipeke ikita꞉ homa paa tialememe.

Loma꞉ 1:23

hande na homeke pa hao hala꞉ Koda꞉ pa꞉ta꞉ panda꞉puniao yeni na piki pa mo wanda꞉halima꞉ wa꞉pa꞉la꞉ alemanu pa꞉ta꞉ kone panda꞉puniao yeni pu halememe. Koto ale manuta꞉ mo homa꞉la꞉eki pila꞉ halima꞉ make ba titima꞉ make kenkena꞉ pomineleme ale manuma꞉ make kutupiki ekima꞉ handeke ekimanu pa꞉ta꞉ panda꞉puniao yeni pu halememe.

Loma꞉ 2:7

Mandane wanda꞉halima꞉ta꞉ epeke haumanu pu hatiki peaata꞉ ika꞉ biki epeke wina꞉ lolo pa꞉la꞉eki make Koda꞉ma꞉ ika꞉ pi lawalo pa꞉la꞉eki make homa꞉peke na yeke da꞉ta hao halo pa꞉la꞉eki make weiyu halememe. Kutu piki wanda꞉hali pa꞉ta꞉ Koda꞉ma꞉ da꞉ta hao halo pa꞉la꞉eki halieke.

Loma꞉ 6:12

Ika꞉ loke tieke paeyaona꞉ hoke hone u tiaasa꞉ ekimanu pa putia pulu hamono hoke hau pita꞉la꞉ ekima꞉ ika꞉ homa꞉peke ya꞉la꞉ loke tieke paeyao lu tombuaasa꞉me. Kutu pa꞉la꞉pate koto hau manuma꞉ iki paa na lu tombuaena꞉ lapa꞉pekema.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

2 Kotindi 4:11

Yesuna꞉ ekina꞉ nika꞉ hatia puluma꞉ ale pa꞉ta꞉ manuta꞉ homa꞉la꞉eki teke pa꞉ta꞉ hao haloma꞉me. Pa ekipeke ipika꞉ deto hala꞉ ekita꞉ nika꞉ do kenke loke pa꞉ta꞉ handena꞉yeke pitoloma꞉me.

2 Kotindi 5:4

Niki do kenkena꞉ palai da pa꞉ta꞉ hata꞉ta꞉ ka꞉nda꞉ma꞉ homolo hata꞉ wese lo haloma꞉me. Do ekita꞉ mo nika꞉ kenke loke mea baaluekema꞉ dia꞉ya꞉la꞉pate nika꞉ hone pa꞉la꞉ ekita꞉ mo hepenina꞉eki nikina꞉ pambaena꞉yeke loma꞉me. Pa ekipeke mo homo hala꞉ ekita꞉ da꞉ta꞉la꞉ ekima꞉ da panda꞉ meaka꞉na꞉ bepolalieke.

2 Desalonaika 1:10

Mo ponka꞉di pilu wieke nate opolo epea꞉ka꞉na꞉ta꞉ Tekehalina꞉ wanda꞉hali paeyaoma꞉ ipiki biki yeiya꞉ laena꞉ make ipiki pa꞉ta꞉ hone tulaaseme wanda꞉halima꞉ ipiki pa꞉ta꞉ ta꞉na꞉ma꞉ homena꞉yeke Tekehali ipilieke. Nikana꞉ma꞉ iki pa꞉ta꞉ waloma꞉ opua꞉ hone tulao haeme ekina꞉ iki make mo hande wanda꞉hali ame̱le̱ mandakena꞉ mombilimikie.

Peneme Yaeyekeeki 20:14

Kutupa homa꞉la꞉eki pita꞉ homo hala꞉ kenke yaapota꞉ oni ti uleke pa꞉ta꞉ yola꞉ mea lopaeya꞉me. Do ti uleke kiaketa꞉ yaapo peao homa꞉la꞉ekie.

Peneme Yaeyekeeki 21:4

Ipikana꞉ma꞉ta꞉ ika꞉ e̱ pankekemanu honialieke. Koto pa꞉ta꞉ta꞉ homa꞉la꞉eki pa na handilimikie. Kutupa puki tanda pitolo a꞉ta꞉ma꞉ homa꞉la꞉eki make e̱ ala꞉eki make tanda mina꞉la꞉eki make ota꞉ dia꞉ya꞉lieke. Mo amba꞉ haumanu paeyaota꞉ alu paeya꞉me laa lea꞉me.