1 Kotindi 15:3 - Panake Pi La: Ula: Buka pita: Kine Pieke Buka

³ Mo hande pi teke tieketa꞉ I̱ma꞉ mua꞉ pi kone iki pa꞉ta꞉ la kua꞉ ekita꞉ dupae. Ketisota꞉ nika꞉ hoke hauna꞉ homeekeme. Koto mo Baibolo bukana꞉ wape pa꞉la꞉ tupa꞉ loa꞉me.

1 Kotindi 15:3 ပူးပေါင်းရင်းမြစ်များ

Kini Pieke 3:15

Kutupa I̱ma꞉ neketa꞉ mo wanda꞉ yaapo a꞉nda꞉ tunkula꞉ alu peao ipika꞉ monduma꞉ monduma꞉ pilia꞉ wekiwandikima꞉ make naka꞉ ekima꞉ make a꞉nda꞉ tunkula꞉ alu alu pu haena꞉ lolueke. Ipikana꞉ma꞉ naka꞉ you da꞉ka꞉pa꞉ tombuaeya꞉ka꞉na꞉ta꞉ nakana꞉ma꞉ ipika꞉ anke kinuku handulu nelipikie leekeme.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Ma꞉tiu 26:28

ipikana꞉ma꞉ iki pa꞉ta꞉ alota꞉ Panake pi la꞉ uluekema꞉ yaka we doe. Wanda꞉halina꞉ hoke hau paeyaena꞉ loluekema꞉ yaka we lopilieke laa

Luku 24:25

Kutupa Yesuma꞉ mo hali yaapo pa꞉ta꞉ alota꞉ Meimei liake some yaapoo. Mo hande potopede halima꞉ leeke pimanu homeke a꞉nda꞉ hone a̱i̱ na tulao pipika꞉ta꞉me.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Aposolo 17:2

Kutupa Poloma꞉ honda꞉ pambaata꞉ hande pu hayekeeki pitolo hata꞉ kutupa Hoto Pila꞉ Nate tepona꞉ mo Baibolo buka pina꞉ pi yokaalu alu pitolo hata꞉

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

Loma꞉ 3:25

Koda꞉ma꞉ta꞉ Yesu Ketiso mea haena꞉ laata꞉ ipiki homolo hata꞉ ipika꞉ we lopolo piekeme. Lopeeke ekima꞉ ipiki pa꞉ta꞉ hone tulaalo peleme wanda꞉halina꞉ hoke hau pelemeeki manuta꞉ pa paeyaena꞉ leekeme. Koda꞉ma꞉ koto pa꞉la꞉ ekita꞉ ipika꞉ tikitiki hau pita꞉la꞉eki peneme yao waluekema꞉ piekeme. Amba꞉ta꞉ Koda꞉ma꞉ wanda꞉halina꞉ hoke hau peleme ekimanu leke honikima꞉ hando ankulao handeteke hao hayekepate

Loma꞉ 4:25

Nika꞉ hoke hauna꞉ Koda꞉ma꞉ Yesu homolo epena꞉ tapaeyekeme. Kutupa nikita꞉ ipiki yaapo tikitiki yao hamonoyeke Yesu paa mea da꞉taeyekeme.

1 Kotindi 11:2

Ikana꞉ma꞉ hoto paeyao I̱ pa꞉ta꞉ hone wiata꞉ I̱ma꞉ iki pa꞉ta꞉ walolo ekimanu pu haleme ekina꞉ta꞉ I̱ma꞉ iki pi laasome.

1 Kotindi 11:23

I̱ma꞉ hande waloa꞉ ekita꞉ mo Tekehalima꞉ I̱ pa꞉ta꞉ la kia꞉me dupa. Tekehali Yesuma꞉ta꞉ hande timba ipiki pa꞉ta꞉ a꞉nda꞉ lombeeke natena꞉ta꞉ hande palaowa mea mina hata꞉

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

Ka꞉leisia 1:12

Kuta make hali ma꞉nda꞉ma꞉ I̱ pa꞉ta꞉ na laku make na walo pia꞉me. Ota꞉ Yesu Ketisoma꞉ I̱ pa꞉ta꞉ peneme yao walea꞉me.

Ka꞉leisia 1:4

Ketisoma꞉ nika꞉ Apa꞉ Koda꞉na꞉ hone pa꞉la꞉ ekina꞉ ipika꞉ kakena꞉ homolo hata꞉ nika꞉ hoke hauna꞉ yenkita꞉ ipika꞉ lokema꞉ mina꞉ homeekeme. Kutu pieke ekita꞉ do hoke natena꞉ haloma꞉eki pa꞉ta꞉ niki peteluekema꞉ piekeme.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Epesese 5:2

Hande Ketisoma꞉ niki pa꞉ta꞉ pukima꞉ homa꞉la꞉ tupa꞉ ikana꞉ma꞉ make pukima꞉ homa hapa꞉peke. Ipikana꞉ma꞉ Koda꞉ ta꞉na꞉ma꞉ homaaso hata꞉ ma꞉na꞉ lia halo haemeke tupa꞉ totopo piki ale leke ipika꞉ da꞉ta꞉la꞉eki kone nika꞉eki halawaeyekeme.

Hibulu 5:1

Hali homeke mo wanda꞉halina꞉ yeni peaasa꞉ you hali haena꞉ make Koda꞉na꞉ e pokaasa꞉ hali hao pina꞉ ipika꞉ tapake ma꞉nda꞉ hondo ma̱leke lu mia꞉tiki pu hala꞉me. Mo yeni peaasa꞉ you halima꞉ta꞉ wanda꞉halina꞉ hoke hau a꞉mbawaluekema꞉ ma꞉na꞉ lia hala꞉la꞉eki make totopo yolepiki ale hala꞉la꞉eki make Koda꞉ pa꞉ta꞉ hala꞉tiki pu hala꞉me.

Hibulu 5:3

Ipiki make detepiki hali hata꞉ kone mo wanda꞉halina꞉ hoke hauma꞉ homeke dia꞉ yekepate ipika꞉ hoke hau make a꞉mbawaena꞉ Koda꞉ pa꞉ta꞉ ma꞉na꞉ lia hala꞉tiki pia꞉peke yekeme.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

1 Dioni 2:2

Kutupa Ketisota꞉ nika꞉ hoke hau paeyawala꞉ ekina꞉ tekee. Nika꞉ hoke hau homeke dia꞉ya꞉la꞉pate pa paeyao sikina꞉ hoke hau make loa꞉me.

Peneme Yaeyekeeki 1:5

Kutupa make mo Koda꞉na꞉ pi ota꞉ tupa꞉ laasa꞉ hali mo hande homa꞉la꞉eki bepolao tiaeyeke titina꞉ hali make do kenke honiki paeyaona꞉ kini haliwekina꞉ handeteke hala꞉ hali Yesu Ketisoma꞉ make homeke hau kone pina꞉e. Ipikana꞉ma꞉ta꞉ niki pukima꞉ homo hala꞉me. Ipika꞉ a꞉ka꞉tei wape piki tina꞉ lopeeke wema꞉ta꞉ nika꞉ hoke hau pa꞉ta꞉ niki ka꞉la꞉pa꞉ tapaala꞉me.