1 Kotindi 15:2 - Panake Pi La: Ula: Buka pita: Kine Pieke Buka

² Hande Pi Seliapota꞉ mo I̱ma꞉ iki pa꞉ta꞉ waloa꞉ pi kone loa꞉me. Ikana꞉ma꞉ honkopu hao wopu miniki haemeka꞉na꞉ta꞉ kota꞉ koto pima꞉ iki homaapa꞉na꞉ pa꞉ta꞉la꞉ milieke. Kota꞉ a꞉nda꞉ dia꞉ya꞉ka꞉na꞉ta꞉ pi pa hameke opimika꞉ta꞉me.

1 Kotindi 15:2 ပူးပေါင်းရင်းမြစ်များ

Luku 8:13

Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 8:13

Kutupa Saimono make Koda꞉na꞉ pi minolo haena꞉ ipiki bapitaisi peaeyekeme. Kutupa Saimonota꞉ Pilipi yaapo hata꞉ mo wele pita꞉la꞉ ekimanu make na hando haemeke ekimanu make hando haota꞉ leke opa꞉ mina꞉ bepi piekeme.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Loma꞉ 11:22

Kutu pieke ekina꞉ ikana꞉ma꞉ta꞉ Koda꞉ ipika꞉ a꞉ta꞉ma꞉ homa꞉la꞉ hau make ipika꞉ taka꞉lake hau pita꞉la꞉eki make hone wotu wia꞉pa꞉peke. Koda꞉ma꞉ta꞉ lopeleme wanda꞉hali pa꞉ta꞉ taka꞉lake hau peata꞉ ikita꞉ ipika꞉ a꞉ta꞉ma꞉ homa꞉la꞉eki taapuna꞉ hao hamina꞉ ipika꞉ a꞉ta꞉ma꞉ homa꞉la꞉ hau iki pa꞉ta꞉ ka꞉la꞉me. Koto a꞉nda꞉ iki make ipika꞉ a꞉ta꞉ma꞉ homa꞉la꞉eki taapuna꞉ na hao haemeka꞉na꞉ta꞉ ipikana꞉ma꞉ iki make tonda꞉pa꞉ mepi pilieke.

1 Kotindi 1:18

Hoke hauna꞉ alupulu pa꞉la꞉ wanda꞉halima꞉ta꞉ hande a꞉ka꞉tei wape piki tina꞉ endiaemeke pi pa꞉ta꞉ta꞉ Pa ekie alemepate pa Koda꞉ma꞉ mea da꞉taasa꞉ wanda꞉halima꞉ta꞉ do pi pa꞉ta꞉ta꞉ Koda꞉na꞉ wele pita꞉la꞉ ekie aloma꞉me.

1 Kotindi 1:21

Koda꞉ma꞉ ipika꞉ hone wotu wita꞉la꞉ ekima꞉ta꞉ do kenkena꞉ hone wotu witeleme wanda꞉halima꞉ ipiki handaapa꞉na꞉ yeke sa꞉sa꞉ piekeme. Kutupa mo wanda꞉halima꞉ do nikana꞉ma꞉ walo haloma꞉ pi pa꞉ta꞉ Pa ekie alemepate pa mo opiteleme wanda꞉halita꞉ Koda꞉ma꞉ mea da꞉taasa꞉me.

1 Kotindi 11:2

Ikana꞉ma꞉ hoto paeyao I̱ pa꞉ta꞉ hone wiata꞉ I̱ma꞉ iki pa꞉ta꞉ walolo ekimanu pu haleme ekina꞉ta꞉ I̱ma꞉ iki pi laasome.

1 Kotindi 15:14

Kutupa make Ketisota꞉ na mea tiaeya꞉ka꞉na꞉ yoluta꞉ nikana꞉ma꞉ pi ma꞉nda꞉ wala꞉peke na yolo pia꞉me. Kutupa ikana꞉ma꞉ make ma꞉nda꞉ pa꞉ta꞉ hone tulaapeke na yolo pia꞉me.

2 Kotindi 2:15

Nikita꞉ mo hande Ketisoma꞉ Koda꞉ pa꞉ta꞉ hala꞉la꞉ totopopiki alema꞉ handoloma꞉me. Koto aleta꞉ mo da꞉taasa꞉ wanda꞉hali make alu pa꞉la꞉ wanda꞉hali anka꞉lopuna꞉ putupu hala꞉ alema꞉ handoloma꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Ka꞉leisia 3:4

Holi Sipitidina꞉ welema꞉ pua꞉tiki pu haeme hau manuta꞉ pa ekie hone witemepe. Dia꞉me. Ota꞉ hau teke wala꞉la꞉me hone witolome.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

2 Desalonaika 2:15

Kametonuo. Koto ekina꞉ta꞉ mo ota꞉ pimanu nikana꞉ma꞉ wapena꞉ loma꞉eki make kakema꞉ waloma꞉eki make koto pi paeyao miniki hata꞉ taka꞉lao hao hapa꞉peke.

2 Timodi 1:9

Nikita꞉ ipika꞉ wanda꞉hali hamono yeke Koda꞉ma꞉ pa꞉ta꞉la꞉ mea wi la꞉la꞉me. Koto hau pieke ekina꞉ teketa꞉ nikana꞉ma꞉ epeke hau puma꞉ ekina꞉ dia꞉pate pa ipikana꞉ma꞉ a꞉ta꞉ma꞉ homolo hata꞉ ipika꞉ hone pieke ekima꞉ kone niki wi la꞉la꞉me. Koda꞉ma꞉ do kenke a̱i̱ na wepia wina꞉ leeke pita꞉ma꞉ta꞉ do a꞉ta꞉ma꞉ homa꞉la꞉ hauta꞉ niki miomono yeke Ketiso Yesu pa꞉ta꞉ yama꞉ wina꞉ leekeme.

Hibulu 10:23

Koda꞉ma꞉ ipika꞉ pi la꞉ ula꞉eki manuta꞉ ota꞉ na tunkulieke hone witoloma꞉ ekina꞉ta꞉ kota꞉ nika꞉ hone tulaasome aloma꞉ ekita꞉ ota꞉ wopu miniki hamana꞉ pia꞉pa꞉peke.

Hibulu 2:1

Koto ekina꞉ta꞉ niki ipilipa lopa mo opuma꞉ ota꞉ pimanu mina꞉pa꞉lao puaama꞉na꞉ma꞉ koto pita꞉ hone ota꞉ wopu wia miniki hamana꞉ pea꞉peke alee.

Hibulu 3:14

Mo hande nika꞉ titina꞉ hone ti laoma꞉ ekita꞉ na mina꞉pa꞉lake homolo kia꞉naluekema꞉ honkopu hao hata꞉ miniki hao hamana꞉e. Koto hau a꞉nda꞉ puma꞉ka꞉na꞉ta꞉ kota꞉ nikita꞉ ota꞉ Ketiso ame̱le̱ apa꞉tao tunaa haloma꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Hibulu 4:14

Koto pa꞉leke handaata꞉ mo nika꞉ Yeni peao hala꞉ You hali tieketa꞉ Koda꞉na꞉ eiyeke Yesuta꞉ mo hepeni da tukiki pa꞉ta꞉ ota꞉ honda꞉ pambeeke yeke handaata꞉ kota꞉ nikana꞉ma꞉ make mo nika꞉ hone tulaaloma꞉eki wopu handeteke hao hamana꞉e.

Dia꞉mesi 2:14

Ya kametitio. Hali ma꞉nda꞉ma꞉ alota꞉ I̱ta꞉ Ketiso pa꞉ta꞉ hone tulao halome ala꞉pate ipikana꞉ma꞉ ota꞉ hau na pia꞉ka꞉na꞉ta꞉ ota꞉ ekita꞉ ekipape. Koto tupa꞉ hone tulaasa꞉ ekima꞉ta꞉ da꞉ta꞉la꞉eki mea꞉peke ya꞉la꞉pe.

Dia꞉mesi 2:17

Hande Ketiso pa꞉ta꞉ hone tulao halome ala꞉ halita꞉ dupae. Pa pima꞉ homeke laa ota꞉ hau pitolo hata꞉ na lea꞉ka꞉na꞉ta꞉ kota꞉ ipika꞉ hone tulao hala꞉ ekita꞉ paeki pita꞉la꞉me.

Dia꞉mesi 2:26

Kutupa temoko na pila꞉ ekima꞉ta꞉ hali toko ula꞉ tupa꞉ hali epima꞉ ota꞉ hau na piki hone tulaala꞉ ekita꞉ homa꞉la꞉ hali tokoma꞉ handa꞉la꞉me.