1 Kotindi 14:3 - Panake Pi La: Ula: Buka pita: Kine Pieke Buka

³ Kutu pa꞉la꞉pate Koda꞉na꞉ pi la꞉ mea hala꞉la꞉ halima꞉ta꞉ haliweki pa꞉ta꞉ la hala꞉la꞉me. Kutupa ipikana꞉ma꞉ pi la꞉ mea halea꞉ka꞉na꞉ta꞉ kota꞉ mo wanda꞉hali tamba꞉ mina꞉la꞉ pi make ika꞉ puki epeaasa꞉ pi make epekeeki pina꞉ sutiaasa꞉ pi make ala꞉me.

1 Kotindi 14:3 ပူးပေါင်းရင်းမြစ်များ

Luku 3:18

Mo wanda꞉hali ika꞉ hoke haumanu hoki wala puki hone lekelena꞉yeke Dionima꞉ Koda꞉na꞉ Pi Seliapomanu ota꞉ epeke tupa꞉ la hala꞉tiki pominolo hata꞉ wanda꞉hali sutiatia pua꞉tiki pomiekeme.

Aposolo 13:15

Hali ma꞉nda꞉ma꞉ mo Mosesima꞉ wape pea ula꞉ Lo Pimanu make mo potopede haliwekima꞉ wape pea ula꞉ pimanu make yata꞉pa haena꞉ta꞉ mo pi hotu haemeke da you haliwekima꞉ Polo ameda pa꞉ta꞉ pi la꞉moneaaso alota꞉ Kame titio. Wanda꞉hali honkopu hao halo pa꞉la꞉ pi lapa꞉peke yea꞉ka꞉na꞉ta꞉ kota꞉ loa꞉mina꞉e hone witoloma꞉me lemekeme.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

Aposolo 15:32

Kutupa Diudasi Sailasi yaapo potopede hali yaapo hata꞉ kone pi wopu walolo hata꞉ta꞉ honkopu haena꞉ lepekeme.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Loma꞉ 12:8

Koda꞉ma꞉ta꞉ mo wanda꞉hali sutiaasa꞉ ekita꞉ niki pa꞉ta꞉ kia꞉ka꞉na꞉ta꞉ kota꞉ sutiatiki pumana꞉e. Hali ma꞉nda꞉ma꞉ ipika꞉ wia hala꞉ alemanu kone wanda꞉hali pa꞉ta꞉ teli teli peaeya꞉ka꞉na꞉ta꞉ kota꞉ epeke moke pitolo hata꞉ pea꞉peke ya꞉la꞉me. Hali ma꞉nda꞉ ipikita꞉ biki ula꞉ hali haya꞉ka꞉na꞉ta꞉ kota꞉ honkopu hao e poka꞉peke ya꞉la꞉me. Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homolo hata꞉ pa꞉ta꞉lea꞉ka꞉na꞉ta꞉ kota꞉ ta꞉na꞉ma꞉ homolo hata꞉ pa꞉ta꞉la꞉peke ya꞉la꞉me.

Loma꞉ 14:19

Koto pa꞉la꞉ ekina꞉ nikana꞉ma꞉ta꞉ a꞉nda꞉ pelia pata꞉ pea halo poloma꞉eki make nika꞉ nika꞉ kone honkopu hatia alualu pea halo poloma꞉eki koto hau manuta꞉ ota꞉ pumana꞉e.

Loma꞉ 15:2

Dia꞉me. Nika꞉ Ketiso yankeke ipika꞉ hone tulaasa꞉eki sutialuekema꞉ kota꞉ niki paeyao homeke homekema꞉ ipiki epeaaso ta꞉na꞉ma꞉ homa꞉tiamana꞉e.

1 Kotindi 10:23

Mandane wanda꞉halima꞉ alota꞉ Nikana꞉ma꞉ nika꞉ hone pa꞉la꞉ hau paeyao pa pea꞉peke ya꞉la꞉me la alemepate pa ika꞉ hau paeyao piteleme ekima꞉ta꞉ iki epeaasa꞉pe. Ikana꞉ma꞉ alota꞉ Nikana꞉ma꞉ nika꞉ hone pa꞉la꞉ hau paeyao pa pea꞉peke ya꞉la꞉me la alemepate hande hau paeyao pitelemeeki manuma꞉ta꞉ niki honkopu haasa꞉ Ketiso wanda꞉hali hamono na ala꞉me.

1 Kotindi 14:12

Koto ekina꞉ ikana꞉ma꞉ mo Sipitidima꞉ kita꞉la꞉ ekimanu muluekema꞉ hone wopu peleme ekina꞉yeke kota꞉ mo hande siosi wanda꞉hali daena꞉ lapeke ekimanu ota꞉ titina꞉ epeke tupa꞉ mea puluekema꞉ honkopu hao hapa꞉peke.

1 Kotindi 14:17

Neketa꞉ Koda꞉ pa꞉ta꞉ keiyae pi alepateta꞉ mo halita꞉ na tamba꞉ mineleme.

1 Kotindi 14:26

Ya kametitio. Eki haumanu pea꞉peke ya꞉la꞉pe. Koda꞉ pa꞉ta꞉ yeni puluekema꞉ mombelemeka꞉na꞉ta꞉ kota꞉ hali homekema꞉ emeli lelieke. Kutupa hali ma꞉nda꞉ma꞉ pi walelieke. Kutupa hali ma꞉nda꞉ma꞉ Koda꞉ma꞉ ipiki pa꞉ta꞉ la hala꞉la꞉eki iki pa꞉ta꞉ la kilieke. Kutupa hali ma꞉nda꞉ma꞉ da ta꞉ta꞉ ta꞉ta꞉ pi laa leliepate hali ma꞉nda꞉ma꞉ koto ala꞉ pi lekelieke. Kutu pea꞉peke ya꞉la꞉pate mo hau paeyaoma꞉ mo siosi wanda꞉hali epeaaluekema꞉ pimika꞉na꞉ta꞉ epelieke.

1 Kotindi 14:31

Siosi wanda꞉halima꞉ opua minolo hata꞉ hone wopu wia honkopu hao haena꞉yeke iki paeyaoma꞉ ta꞉ta꞉ ta꞉ta꞉ lo Koda꞉ma꞉ la kita꞉la꞉ pimanu wanda꞉hali pa꞉ta꞉ wala꞉peke ya꞉la꞉me.

1 Kotindi 8:1

Kutupa hande toopi tima꞉ wepia ula꞉ ale pa꞉ta꞉ ne hala꞉la꞉ hauna꞉ wape pea lota꞉ pimi ekita꞉ dupa alome. Niki paeyaoma꞉ta꞉ mo handa꞉la꞉ hauta꞉ hone uluma꞉me. Pate mo handa꞉la꞉ hauma꞉ta꞉ mo hakoko lita꞉la꞉ hau pu tiaasa꞉pate pa mo pukima꞉ homa꞉la꞉ hauma꞉ta꞉ wanda꞉halina꞉ hone tulaasa꞉ ekita꞉ daeya haena꞉ ala꞉me.

2 Kotindi 1:4

Ipikana꞉ma꞉ nika꞉ ka꞉nda꞉manu minoloma꞉ pa꞉ta꞉ tamba꞉ mu hala꞉me. Pa ekipeke ipikana꞉ma꞉ niki tamba꞉ mia꞉eki muma꞉ ekita꞉ mo mandane ka꞉nda꞉ma꞉ homa꞉la꞉ wanda꞉hali tamba꞉ miomono pa꞉la꞉me.

2 Kotindi 2:7

Ameta꞉ epeke ekita꞉ mo somema꞉ ka꞉nda꞉ma꞉ homolo hata꞉ Ketiso mina꞉pa꞉laapa꞉na꞉ iki paeyaoma꞉ ipika꞉ hoke hau pa paeyao epeke hau pina꞉ sutiaapa꞉peke ya꞉la꞉me.

Epesese 4:29

Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Epesese 6:22

Ika꞉ puki hana꞉ noka꞉paaluekema꞉ nikana꞉ma꞉ pitoloma꞉ ekimanu paeyao ipikana꞉ma꞉ iki la kina꞉yeke Tikikasi iki pa꞉ta꞉ ta tapaaso handa꞉pe.

Kolosi 4:8

Koto ekina꞉ yeke ipikita꞉ iki a꞉pa ta꞉na꞉ homa꞉ tiaena꞉ tapaneaasome. Nikana꞉ma꞉ pitoloma꞉ ekimanu iki pa꞉ta꞉ la kina꞉ yeke loa꞉me.

1 Desalonaika 2:11

Atekema꞉ ipika꞉ weki wandiki pa꞉ta꞉ pu hala꞉ tupa꞉ niki make iki ame̱le̱ hata꞉ koto tupa꞉ puma꞉eki ikana꞉ma꞉ handememe.

1 Desalonaika 2:3

Nikana꞉ma꞉ a꞉pa aloma꞉ pita꞉ wanda꞉hali hoeyao pamba꞉ na piki hau ma꞉nda꞉ puluekema꞉ kutu pitolo hata꞉ wanda꞉hali makealuekema꞉ na epoma꞉me.

1 Desalonaika 3:2

hata꞉ta꞉ hande Ketisona꞉ Pi Seliapo walolo hali nika꞉ mandakena꞉ Koda꞉na꞉ e pokaasoma꞉ hali dika꞉ kame Timodi tapaopa꞉me. Timodi tapaopa꞉ ekita꞉ mo iki pa꞉ta꞉ a꞉nda꞉ limiki ekina꞉ hali ma꞉nda꞉ paa la꞉ka꞉la peliekeyeke ipikana꞉ma꞉ iki taka꞉lao hata꞉ ika꞉ hone tulaalemeeki daeyamena꞉ petelo epeekeme. Kutupiki a꞉nda꞉ lita꞉la꞉eki manuta꞉ niki pa꞉ta꞉ a꞉pa꞉tiki pilieke laa Koda꞉ma꞉ la꞉ wiekeeki ikana꞉ma꞉ hone wilimime.

1 Desalonaika 4:1

Kametitio. Ameta꞉ paeyaaso hata꞉ ikana꞉ma꞉ Koda꞉ ta꞉na꞉ma꞉ homa꞉ tiaaso hata꞉ halo peleme tupa꞉ta꞉ nikana꞉ma꞉ amba꞉ waloma꞉me. Koto waloma꞉ tupa꞉ kone hata꞉ pelememe. Kutupa ameta꞉ iki honke alo hata꞉ ikana꞉ma꞉ Tekehali Yesu ipika꞉ bikina꞉ ikana꞉ma꞉ mo hande hau mandaneeki wopu pu hamina꞉ iki sutiaasoma꞉me.

1 Desalonaika 4:18

Koto ekina꞉ta꞉ do pima꞉ ika꞉ yankeketiti ame̱le̱ ta꞉na꞉ma꞉ homa꞉ alualu pea hao hapa꞉peke.

2 Desalonaika 3:12

Tekehali Yesu Ketisona꞉ bikina꞉ koto wanda꞉hali pa꞉ta꞉ iki handeteke hapa꞉peke laa pi dupa witoloma꞉me. Ikana꞉ma꞉ pa na pomu lopo hake tikitiki yao hata꞉ ika꞉ halo peleme ekina꞉ e pokolo hata꞉ haena꞉e.

1 Timodi 1:4

Mo haliweki ika꞉ napeke na pitiki pimanu make ika꞉ apa꞉meina꞉ atekena꞉ atekena꞉ bikimanu yata꞉po hata꞉ alemeeki make paeyao mina꞉pa꞉laena꞉ lapeke. Kutu piki pi lo haleme ekima꞉ ikana꞉ma꞉ Koda꞉na꞉ epeaalo pa꞉la꞉ ekimanu mina꞉ na tamba꞉ mikita꞉ ape ape la꞉ tiaalieke. Mo epeaalo pa꞉la꞉eki manuta꞉ nika꞉ hone tulaaloma꞉ ekima꞉ homeke mia꞉peke ya꞉la꞉me.

1 Timodi 4:13

I̱ a꞉pono mo̱lu̱ hata꞉ta꞉ naka꞉ natemanu wiaata꞉ paeyaoma꞉ opina꞉ mo Baibolo pimanu yata꞉pa꞉la꞉eki make mo pi wala꞉la꞉eki make wala꞉ tiaaso la hala꞉la꞉eki make koto hau manuta꞉ ota꞉ honkopu hao putia pua꞉peke.

1 Timodi 6:2

Mandane pa hameke e pokaaseme tapakema꞉ ika꞉ you halita꞉ Ketiso hali haya꞉ka꞉na꞉ta꞉ ipikita꞉ nika꞉ Ketiso yankeke hone witolo hata꞉ paa pa alema꞉ na handaapa꞉peke. Kotoeki na pikita꞉ ikana꞉ma꞉ dupiki hone witolo Ipikita꞉ ya Ketiso kame haleka꞉na꞉ta꞉ I̱ma꞉ ipiki hone pa꞉la꞉me. I̱ma꞉ ipika꞉ e pokawa꞉ka꞉na꞉ta꞉ ipikana꞉ma꞉ do e pa꞉ta꞉ yama꞉ epeke ale mina꞉e hone wiaata꞉ ikana꞉ma꞉ amba꞉ pokeme e tupa꞉ na pokeketa꞉ kotoeki lombei peao pokaapeke. Do alo pi manuta꞉ nate paeyao wopu sa̱꞉tiaaso hata꞉ wala꞉tiki pu hapeke.

2 Timodi 4:2

Koda꞉na꞉ pi walo hapeke. Kutu polo halena꞉ wanda꞉halima꞉ opuluekema꞉ ta꞉na꞉ma꞉ na homolo haena꞉ make o ta꞉na꞉ma꞉ homa opitolo haena꞉ make na kiaake pa walolo walolo ombu hapeke. Nakana꞉ma꞉ mo puki nala꞉ pima꞉ make mineke pima꞉ make kutupa mo hone u tiaasa꞉ pima꞉ make koto pi manuma꞉ ikana꞉ma꞉ epeke honemanu wina꞉ loluekema꞉ ta꞉na꞉ma꞉ homa꞉ tiaaso handeteke hao hapeke.

Taitasi 1:9

Kuta make ipikita꞉ mo hande ti lao hapeke ya꞉la꞉ ota꞉ pi wala꞉la꞉eki da̱o̱la miniki hapeke yelieke. Kutu pilie ekima꞉ta꞉ mandane wanda꞉hali pa꞉ta꞉ ota꞉ tupa꞉ walolo hata꞉ tamba꞉ mea꞉peke yelieke. Kutupa make mo hande ota꞉ tupa꞉ wala꞉la꞉ pimanu pa tupa꞉ alo hata꞉ kiaaseme wanda꞉hali tikitiki yaasa꞉ hali hapeke yelieke.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Taitasi 2:6

Kota꞉ tupa꞉ kone mo panake haliweki ika꞉ honemanu wopu handeteke haena꞉ma꞉ nakana꞉ma꞉ ika꞉ hone u tiaapeke.

Taitasi 2:9

Mo pa hameke e pokaasa꞉ haliweki pa꞉ta꞉ta꞉ dupiki pi lapeke. Ika꞉ e pokemeeki paeyaoma꞉ mo ika꞉ handeteke hala꞉ haliwekina꞉ pi oto pa꞉ta꞉ hata꞉ ika꞉ epeke e pokeme ekima꞉ iki ta꞉na꞉ma꞉ homaapa꞉peke. Kutu pimika꞉na꞉ta꞉ mo iki handeteke hala꞉ haliwekina꞉ pi eto eto na lao make

Hibulu 10:25

Mo nika꞉ Ketiso kametonu ame̱le̱ mombolo haloma꞉eki manuta꞉ mandane wanda꞉halima꞉ mina꞉pa꞉lao haleme tupa꞉ nikana꞉ma꞉ na mina꞉pa꞉lamana꞉e. Kotoeki na pikita꞉ mo Tekehalina꞉ epolo pa꞉la꞉ nate teke pa꞉ta꞉ yoma꞉ a꞉pa꞉la꞉ ekina꞉ta꞉ nikana꞉ma꞉ nika꞉ nika꞉ kone hone utia alualu pumana꞉e.

Hibulu 13:22

Ya kame tonuo. I̱ma꞉ ika꞉ hone u tialuekema꞉ wape polo pimanu yopu opua꞉pa꞉peke laa honke alome. Pa ekipeke. Do I̱ma꞉ wape polo ekita꞉ ota꞉ hokulu na wape polome.

Hibulu 3:13

Koto hau na pikita꞉ mo hoke hauma꞉ iki makeao haama꞉na꞉ laa ika꞉ puki taka꞉lawaama꞉na꞉ nate paeyao ika꞉ ika꞉ kone epeke pi manuma꞉ tikitiki ya alualu pu hapa꞉peke. Mo Baiboloma꞉ Ame do natee la꞉la꞉ pita꞉ niki pa꞉ta꞉ waleke kitolo aleketa꞉ kota꞉ koto ala꞉ hau pu hamana꞉e.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

Diudi 1:20

Koto pa꞉la꞉pate ya yankeke tonuo. Ikana꞉ma꞉ta꞉ ika꞉ mo hande wataapeke na ya꞉la꞉ ta꞉ta꞉ putupa ula꞉ hone tulaasa꞉eki pa꞉ta꞉ puki hana꞉ noka꞉pa꞉tiki pu hapa꞉peke. Holi Sipitidina꞉ honkopuma꞉ yeni pu hapa꞉peke.