1 Kotindi 13:7 - Panake Pi La: Ula: Buka pita: Kine Pieke Buka

⁷ Pukima꞉ homa꞉la꞉ hau pu hala꞉ somema꞉ta꞉ soka꞉la꞉ma꞉ na homilieke. Dia꞉me. Ipika꞉ hone tulao hao haasa꞉eki make hone ti lao haasa꞉eki make kutupa ipika꞉ kima꞉ na homeke Koda꞉ pa꞉ta꞉ yu wia haasa꞉eki make kutupiki haumanu pea꞉tiki pu haluekema꞉ta꞉ ana꞉na꞉ honkopu hao halieke.

1 Kotindi 13:7 ပူးပေါင်းရင်းမြစ်များ

Kini Pieke 29:20

Dieikopema꞉ta꞉ Leisolo mulueke alo hata꞉ta꞉ bapi wataake hata꞉na꞉ e pokeekeme. Ipikana꞉ma꞉ta꞉ Leisolo pukima꞉ homeekeeki yalo ipiki pa꞉ta꞉ta꞉ mo bapi manuta꞉ pa nate tepo a꞉nda꞉ hone wiekeme.

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Maka 9:23

Koto leeke Yesuma꞉ ipiki pa꞉ta꞉ alota꞉ Aowe. Naka꞉ hone tulaasa꞉ ekita꞉ ana꞉ pia꞉ka꞉na꞉ kota꞉ I̱ma꞉ epeaalueke. Wanda꞉hali epi amedama꞉ hone tulaeka꞉na꞉ta꞉ hau paeyao pea꞉peke ya꞉la꞉me leekeme.

Loma꞉ 15:1

Nikana꞉ma꞉ta꞉ nika꞉ hone tulao haloma꞉eki honkopu hao hata꞉ta꞉ mo damako piki wanda꞉hali ika꞉ ka꞉nda꞉ pa꞉la꞉ ekimanu meatia pena꞉yeke tamba꞉ mumana꞉e. Nikana꞉ma꞉ niki kone ta꞉na꞉ma꞉ na homaamana꞉e.

Loma꞉ 8:24

Nikana꞉ma꞉ honema꞉ tumao hamono Koda꞉ma꞉ niki da꞉taala꞉me. Koto pa꞉la꞉pate nikana꞉ma꞉ nika꞉ honema꞉ tumao witoloma꞉eki ota꞉ yao puma꞉ka꞉na꞉ta꞉ kota꞉ nika꞉ honema꞉ tumaasoma꞉eki ta paeyaasoma꞉me. Hali homekema꞉ ipika꞉ kone ipika꞉ handa꞉la꞉eki honema꞉ tumaapeke na ya꞉la꞉me.

1 Kotindi 13:4

Pukima꞉ homa꞉la꞉ hau pu hala꞉ somema꞉ta꞉ kima꞉ na homeke pa wotu handeteke hata꞉ make paeyao pa꞉ta꞉ a꞉ta꞉ma꞉ homolo hata꞉ pa tamba꞉ mu halieke. Pukima꞉ homa꞉la꞉ hau pu hala꞉ somema꞉ta꞉ wamili na piki ipika꞉ hakoko na liki handaena꞉ hau na pilieke.

1 Kotindi 9:12

Mandane haliwekima꞉ta꞉ iki pa꞉ta꞉ ula꞉ alemanu muluekema꞉ hone wia꞉peke yaeya꞉ka꞉na꞉ta꞉ kota꞉ nikana꞉ma꞉ iki lombei pitolo hata꞉ ota꞉ muluekema꞉ ana꞉ na pa꞉la꞉pe. Dia꞉me ota꞉ mea꞉peke ya꞉la꞉pate pa na minoloma꞉me. Do ekina꞉yeke loa꞉me. Mo Ketisona꞉ Pi Seliapo pula꞉eki sa꞉sa꞉ peaapa꞉na꞉yeke hande ka꞉nda꞉manu paeyao niki honumake sikima꞉ wotu mu haloma꞉me.

Ka꞉leisia 6:2

Ika꞉ ka꞉nda꞉ pa꞉la꞉ ekimanu ika꞉ ika꞉ kone tamba꞉ mu alualu pea꞉pa꞉peke. Kutu piki hau pilimi ekima꞉ta꞉ Ketisona꞉ pi la ula꞉ ekima꞉ la꞉la꞉eki telielememe.

2 Desalonaika 1:4

Koto peleme ekina꞉ nikita꞉ mo siosi paeyao pa꞉ta꞉manu ta꞉na꞉ma꞉ puki na hake hata꞉ ika꞉ pi lawao haloma꞉me. Ika꞉ pi lawaasome ekita꞉ ika꞉ a꞉nda꞉ tunkuliki halima꞉ iki tekipuleke laaseme ekimanu make mandane ka꞉nda꞉ peaasa꞉ haumanu tukiki pa꞉ta꞉ tonka꞉na꞉ ikana꞉ma꞉ taka꞉lao hata꞉ hone tu alo haleme ekina꞉ lawaasoma꞉me.

2 Timodi 2:24

Mo Tekehalina꞉ e pokaasa꞉ halima꞉ta꞉ta꞉ ape ape na lelieke. Kotoeki na pikita꞉ ipikana꞉ma꞉ wanda꞉hali paeyao pa꞉ta꞉ a꞉ta꞉ma꞉ homolo epeke disa hali hata꞉ ika꞉ pu hoeyaaseme haumanu pa꞉ta꞉ ka꞉nda꞉ma꞉ a̱i̱ na homake yu wia hapeke ya꞉la꞉me.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Hibulu 13:13

Niki make mandake tupa꞉ kone mo tikene pua mo ipikana꞉ma꞉ mieke yaala꞉ apa꞉tao mumana꞉e.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

1 Pida 2:24

Nikana꞉ma꞉ hoke hau pa꞉ta꞉ homomono kutupa tikitiki hau pa꞉ta꞉ da꞉ta hamono Ketisoma꞉ kone ipika꞉ lokema꞉ nika꞉ hoke hau mea tia a꞉ka꞉tei wape ti manda peekeme. Ipika꞉ loke lieke ekima꞉ta꞉ iki da꞉taala꞉me.

1 Pida 4:8

Pukima꞉ homa꞉la꞉ ekima꞉ta꞉ hoke hau eleke eleke a꞉mbao haleke handa ika꞉ titina꞉ hauta꞉ pukima꞉ ota꞉ wopu homa꞉ alualu pu hapa꞉peke.