1 Kotindi 13:3 - Panake Pi La: Ula: Buka pita: Kine Pieke Buka

³ Yaka wia halo alemanu paeyao ma꞉nda꞉ ma꞉nda꞉ pa꞉ta꞉ hale hale pea make kutupa ya loke kone mo ti ulekema꞉ yankena꞉ haloa꞉ka꞉na꞉ta꞉ kota꞉ pukima꞉ homa꞉la꞉ hau na piki pua꞉ka꞉na꞉ta꞉ kota꞉ koto haumanu pitolo ekima꞉ I̱ na epeaasa꞉me.

1 Kotindi 13:3 ပူးပေါင်းရင်းမြစ်များ

Ma꞉tiu 23:5

Ika꞉ pu haleme hau paeyaota꞉ pa wanda꞉halima꞉ handaena꞉ pu halememe. Ika꞉ you taado manda pokede nu dake petipekemanu wepu make kutupa mo kiki maketopa꞉ yaapona꞉ make homeke tupa꞉ kone pokede nu dakemanu wepiaata꞉ Koda꞉na꞉ pi tunkula ula꞉ ekimanu wape pea panko hopa꞉liao yamaata꞉ ta pomua꞉tiki piteme handa꞉e. Kutupa make ika꞉ dau tumiki kake nina꞉ta꞉ ota꞉ haka꞉ta꞉pao au laaseme pu honiki honiki make taa piteme handa꞉e.

Luku 18:22

Yesuma꞉ do pi opuaata꞉ mo hali pa꞉ta꞉ alota꞉ Nakana꞉ma꞉ pulu pele hau ma꞉nda꞉ pa ula꞉me. Naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laa mo milipi manita꞉ mandane natehali wanda꞉hali pa꞉ta꞉ hale hale pea꞉peke. Kutu pikina꞉ta꞉ nakana꞉ma꞉ oli hepeni da tukiki pa꞉ta꞉ta꞉ mo epeke epeke ale wopu mu halipikie. Koto ekina꞉ta꞉ yaka hoki nane telia꞉peke leekeme.

Luku 18:28

Kutupa Pidama꞉ta꞉ dupa leekeme. Handa꞉e. Nikana꞉ma꞉ta꞉ nika꞉ damanu make kiao neke telia꞉ mea epoma꞉me leekeme.

Luku 19:8

Kutu pimikipate Sa꞉kiasi tiao hata꞉ Tekehali pa꞉ta꞉ alota꞉ Tekehalio. Opie. I̱ma꞉ yaka ala꞉ta꞉ ala꞉ta꞉ tukikina꞉ telipa mandane ekita꞉ mo natehali wanda꞉hali pa꞉ta꞉ halueke. Kutupa I̱ma꞉ wanda꞉hali a꞉nda꞉ makeao pake a꞉nda꞉ noa꞉ka꞉na꞉ta꞉ kota꞉ I̱ma꞉ta꞉ hoto tonkopuna꞉ paka꞉lao paa hala꞉tiki pulueke leekeme.

Dioni 12:43

Koda꞉ma꞉ ika꞉ pi laena꞉ hone na wiki kenke haliwekima꞉ laena꞉ hone wopu wimikime.

Dioni 13:37

Koto ekina꞉ Pidama꞉ paa lota꞉ pitolo alota꞉ Tekehalio. Ekipeke neke na telia꞉ mea ipilipiki la alepe laata꞉ I̱ma꞉ neke tamba꞉ muluekema꞉ yaka da꞉ta꞉la꞉eki homaoa꞉ka꞉na꞉ make ana꞉ pilieke laa leekepate

Dioni 15:13

Hali ma꞉nda꞉ma꞉ ipika꞉ yankeke tamba꞉ minolo hata꞉ ipika꞉ da꞉ta꞉la꞉eki kone alu paeya꞉ka꞉na꞉ta꞉ kota꞉ kutupiki pukima꞉ homa꞉la꞉ hauta꞉ ma꞉nda꞉ma꞉ ankulapeke na ya꞉la꞉me.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Aposolo 21:13

Kutupa Poloma꞉ alota꞉ Ikita꞉ do e̱ e̱ aleme ekima꞉ ya puki hoeyaaluekema꞉ alemepe lea꞉me. I̱ma꞉ta꞉ Tekehali Yesuna꞉ bikina꞉ mo Diutuseleme da nane dipula pituluekema꞉ homeke na loa꞉me. Ota꞉ homuluekema꞉ kone tikitiki yao halome lea꞉me.

Ka꞉leisia 5:26

Nikana꞉ma꞉ hakoko lita꞉la꞉ hau na pu make ma꞉nda꞉ soka꞉la꞉ homena꞉ loluekema꞉ toya꞉ toya꞉ piki haumanu na pu make I̱ mia꞉peke alee laa honema꞉ honditi pu alualu pila꞉ hau make paeyao na pumana꞉e.

Pilipai 2:3

Kutupa make naka꞉ honumake homeke hone witolo o honumake hau o handaena꞉ hau ma꞉nda꞉ na pea꞉pa꞉peke. Kotoeki na pikita꞉ iki paeyao homu pu alualu pea hata꞉ ma꞉nda꞉ pa꞉ta꞉ ika꞉ hauma꞉ta꞉ nika꞉ hau lombei pa꞉la꞉me laa hone u hapa꞉peke.

1 Timodi 4:8

Lokena꞉ moka꞉la꞉ hande hande pita꞉la꞉eki manuma꞉ta꞉ niki pa hosikima꞉ epeaaliepate pa Koda꞉na꞉ hau puluekema꞉ moka꞉la꞉ hande hande pita꞉la꞉eki manuma꞉ta꞉ niki ota꞉ epeaalieke. Pa ekipeke. Koto hauma꞉ta꞉ ame do nika꞉ kenkena꞉ haloma꞉eki make wetepe da꞉taa halo poloma꞉eki make ana꞉lawalieke.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.