1 Kotindi 13:2 - Panake Pi La: Ula: Buka pita: Kine Pieke Buka

² I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

1 Kotindi 13:2 ပူးပေါင်းရင်းမြစ်များ

Ma꞉tiu 13:11

Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Ma꞉tiu 17:20

Yesuma꞉ hombo peaaso alota꞉ Ika꞉ hone tulaleme ekita꞉ aneke hapu na tulaemeke handa pia꞉me. I̱ma꞉ iki pa꞉ta꞉ ota꞉ ota꞉ pi alome. Ika꞉ hone tulaleme ekita꞉ mo ki̱mi̱le̱ma꞉ handeke ale masidadi waema꞉ handekeeki wimika꞉na꞉ta꞉ kota꞉ ikana꞉ma꞉ do pote pa꞉ta꞉ alo hata꞉ Mo pate leke pue laa la halemeka꞉na꞉ta꞉ kota꞉ koto pa꞉ta꞉ yola꞉ monealieke. Kutu piki hone tulalimi ekima꞉ta꞉ hau paeyao pea꞉pa꞉peke yelimikie.

Ma꞉tiu 21:19

Kutu pieke pulu hata꞉ mo pota꞉ nepokona꞉ hayeke nose homeke handaata꞉ mo ti teke pa꞉ta꞉ peekepate kiliki na a꞉etolo hata꞉ pa katake homeke hayekeeki handeekeme. Kutu pieke handaa ipikana꞉ma꞉ mo nose pa꞉ta꞉ alota꞉ Wetepena꞉ nakana꞉ma꞉ kilikimanu ota꞉ pa na a꞉elipikie leekeme. Koto leeketa꞉ mo nose kutaa kone hapiekeme.

Ma꞉tiu 21:21

Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Loma꞉ 15:14

Yaka kame titio. Ikana꞉ma꞉ epeke haumanu putia pulu hata꞉ mo piteleme ekimanu make wotu handelememe. Kutupa ika꞉ ika꞉ kone mana꞉ la alualu pea꞉pa꞉peke ekita꞉ I̱ma꞉ ota꞉ handa꞉ ulume.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

1 Kotindi 11:4

Koto ekina꞉ hali homeke a꞉nda꞉ma꞉ta꞉ wanda꞉hali ame̱le̱ hata꞉ ipika꞉ you aka꞉ pambao pi wala o yeni pia꞉ka꞉na꞉ta꞉ kota꞉ Ketiso pa꞉ta꞉ yaala꞉ma꞉ homaasa꞉me.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

1 Kotindi 13:1

Da ta꞉ta꞉ ta꞉ta꞉ pimanu make mo enisolo titina꞉ pi make alo hali hata꞉ta꞉ pukima꞉ homa꞉la꞉ hau na pitolo hata꞉ la꞉tiki pu haowa꞉ka꞉na꞉ta꞉ kota꞉ yaka pi aloeki manuta꞉ mo beto pa lita꞉la꞉ ekima꞉ handekeeki o pa ti ka꞉ka꞉pa꞉ ka꞉ka꞉pa꞉ laasa꞉ ekima꞉ handekeeki kone alome.

1 Kotindi 13:3

Yaka wia halo alemanu paeyao ma꞉nda꞉ ma꞉nda꞉ pa꞉ta꞉ hale hale pea make kutupa ya loke kone mo ti ulekema꞉ yankena꞉ haloa꞉ka꞉na꞉ta꞉ kota꞉ pukima꞉ homa꞉la꞉ hau na piki pua꞉ka꞉na꞉ta꞉ kota꞉ koto haumanu pitolo ekima꞉ I̱ na epeaasa꞉me.

1 Kotindi 13:8

Pukima꞉ homa꞉la꞉ hauta꞉ ota꞉ na paelieke. Mo wanda꞉hali pa꞉ta꞉ Koda꞉na꞉ pi la꞉ mea hala꞉la꞉ hauta꞉ wetepena꞉ paelieke. Kutupa da ta꞉ta꞉ ta꞉ta꞉ pi ala꞉eki make wetepena꞉ta꞉ paelieke. Kutupa mo pita꞉la꞉eki manuna꞉ handa꞉la꞉ hau make wetepena꞉ paelieke.

1 Kotindi 14:29

Koda꞉ma꞉ hala꞉la꞉eki mineleme hali yaapo tepoma꞉ta꞉ ika꞉ mineleme pimanu iki pa꞉ta꞉ la kia꞉peke ya꞉la꞉me. Kutupa opiteleme wanda꞉halima꞉ ika꞉ alemeeki opua honema꞉ mo ota꞉eki weilimikie.

1 Kotindi 14:39

Koto ekina꞉ ya kametitio. Ikana꞉ma꞉ ota꞉ Koda꞉na꞉ pi waluekema꞉ honkopu hao hata꞉ kone pa mo da ta꞉ta꞉ ta꞉ta꞉ pimanu ala꞉ ekita꞉ ikana꞉ma꞉ sa꞉sa꞉ na pea꞉pa꞉peke.

1 Kotindi 14:4

Hande ta꞉ta꞉ ta꞉ta꞉ piki pi ala꞉ halima꞉ta꞉ ipiki kone tamba꞉ mina꞉la꞉pate hande Koda꞉na꞉ pi la꞉ mea hala꞉la꞉ halima꞉ta꞉ siosi wanda꞉hali paeyao tamba꞉ mina꞉la꞉me.

1 Kotindi 15:51

Do la kitoloma꞉ a꞉mbaasa꞉ pita꞉ opua꞉pe. Niki paeyao ota꞉ na homolo poloma꞉pate pa mo paeyaaso haena꞉ la꞉la꞉ ekina꞉ bu kanake litolo haya꞉ka꞉na꞉ta꞉ kota꞉

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

1 Kotindi 7:19

Mo hande sekemesaisi hau pita꞉la꞉eki make na pita꞉la꞉eki make telipina꞉ aleta꞉ ma꞉nda꞉ dia꞉ya꞉la꞉pate pa mo Koda꞉na꞉ pi ula꞉ ekimanu opua pita꞉la꞉ ekita꞉ kotota꞉ hau tiekee.

1 Kotindi 8:4

Kutupa mo toopi tima꞉ wepia ula꞉ ale pa꞉ta꞉ halea꞉ nemanu pa naleme ekita꞉ nikana꞉ma꞉ handoloma꞉ ekita꞉ dupa. Mo homeke Koda꞉ homeke hala꞉ ekina꞉ hande toopi tima꞉ wepia ula꞉ aleta꞉ ota꞉eki dia꞉me hone witoloma꞉me.

2 Kotindi 12:11

I̱ta꞉ hone na wiki halima꞉ pita꞉la꞉eki leke pitolopate ikana꞉ma꞉ I̱ma꞉ kutu pono lelememe. Ikana꞉ma꞉ ta꞉na꞉ma꞉ homelemeeki I̱ pa꞉ta꞉ ota꞉ peneme yao wala꞉peke ya꞉la꞉me. I̱ta꞉ biki na wiki hali yana꞉ kone mo ika꞉ leleme ta꞉ta꞉piki aposolo haliweki pa꞉ta꞉ta꞉ ota꞉ hau homekesiki kone oto pa꞉ta꞉ na halome.

Ka꞉leisia 5:16

I̱ma꞉ta꞉ dupiki pi alome. Mo Sipitidima꞉ ika꞉ pu haleme haumanu kilu tombuao handeteke hata꞉ tikitiki yawaena꞉ lapa꞉peke. Kutu pimika꞉na꞉ta꞉ kota꞉ ikana꞉ma꞉ mo ika꞉ lokema꞉ na꞉na꞉ pa꞉la꞉ hau manuta꞉ na telia pilimikie.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Ka꞉leisia 6:3

Iki tukiki pa꞉ta꞉ ma꞉nda꞉ma꞉ ipikita꞉ biki na wilia꞉ some haliepate kone I̱ta꞉ biki ula꞉me hone wia꞉ka꞉na꞉ta꞉ koto somema꞉ ipika꞉ kone makeaasa꞉me.

Epesese 3:4

Ikana꞉ma꞉ koto wapesiki handa yata꞉pemeka꞉na꞉ta꞉ Ketiso ipika꞉ a꞉mbao u hala꞉ hone I̱ma꞉ handoloeki kone ikana꞉ma꞉ make handilimikie.

Epesese 6:19

Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.

Kolosi 1:26

Do pita꞉ amba꞉ hatia epemeke wanda꞉hali paeyao pa꞉ta꞉ta꞉ a꞉mbao wiekepate ameta꞉ ipika꞉ wanda꞉hali pa꞉ta꞉ peneme yaala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

1 Dioni 4:8

Ma꞉nda꞉ epima꞉ pukima꞉ na homo haya꞉ka꞉na꞉ta꞉ ipikita꞉ Koda꞉ na handa꞉la꞉me. Pa ekipeke Koda꞉ta꞉ pukima꞉ homa꞉la꞉ekie.