1 Kotindi 12:9 - Panake Pi La: Ula: Buka pita: Kine Pieke Buka

⁹ Do homeke Sipitidima꞉ hali ma꞉nda꞉ pa꞉ta꞉ ota꞉ hone tulaasa꞉eki hala꞉la꞉pate pa mo homeke Sipitidima꞉ kone hali ma꞉nda꞉ pa꞉ta꞉ mo yeni haaseme wanda꞉halina꞉ yeni tandelaasa꞉eki hala꞉la꞉me.

1 Kotindi 12:9 ပူးပေါင်းရင်းမြစ်များ

Ma꞉tiu 10:8

Koto alo hata꞉ta꞉ mo yeni haleme wanda꞉halina꞉ yeni wamo peao make mo homemeke tokomanu mea da꞉tao make wanda꞉halina꞉ lokena꞉ hala꞉ kindi yenimanu epeaaso hata꞉ mo hoke temokomanu tolu lu pia꞉pa꞉peke. Do koto pea꞉pa꞉peke alo ekita꞉ pa hameke mimi ekina꞉ ikana꞉ma꞉ make pa hameke hala꞉pa꞉peke.

Ma꞉tiu 21:21

Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.

Maka 16:18

Hoke ketomanu kikima꞉ minilimikie. Hali homaasa꞉ ikali nemeka꞉na꞉ta꞉ na homilimikie. Yeni haaseme wanda꞉halina꞉ ika꞉ kiki wimika꞉na꞉ta꞉ koto wanda꞉hali tiaalimikie leekeme.

Maka 6:13

hoke temokomanu wopu tolu liaata꞉ yeni haemeke wanda꞉hali wopuna꞉ youna꞉ honkuma꞉ handeke ale lekeeki holaota꞉ tandelena꞉ peaemekeme.

Luku 10:9

Koto da yu pa꞉ta꞉ yeni haleme wanda꞉hali wopu mea epeapa꞉peke. Kutupa koto pa꞉ta꞉ haleme wanda꞉hali pa꞉ta꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ opolo a꞉pa꞉la꞉me lapa꞉peke.

Luku 9:2

Kutupa mo haliwekima꞉ Koda꞉na꞉ Kilu Tombuao Hala꞉ ekina꞉ pi walolo hata꞉ yeni haleme wanda꞉hali mea epeawaena꞉ Yesuma꞉ iki tapaeyekeme.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 5:15

Mo aposolo haliwekima꞉ koto haumanu pu haemeke ekina꞉ da wanda꞉halima꞉ yeni hapa papu wimiki wanda꞉halita꞉ tu mea pua pota꞉na꞉ yapa꞉ta꞉ yamaoma꞉ yamaoma꞉ peaata꞉ mandaneeki bedina꞉ uma꞉ uma꞉ pea paeyao pota꞉na꞉ wimikime. Koto hau pimiki ekita꞉ Pida pota꞉na꞉ yopulu hata꞉ ipika꞉ suasuama꞉ kone mo wimiki mandane wanda꞉hali ankulatiki yapena꞉ pimikime.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

1 Kotindi 12:30

Paeyaoma꞉ta꞉ yeni tandelaasoma꞉ haliweki haloma꞉pe. Paeyaoma꞉ta꞉ mo ta꞉ta꞉ ta꞉ta꞉piki pi aloma꞉pe. O paeyaoma꞉ta꞉ mo pimanu la꞉ka꞉loloma꞉ haliweki haloma꞉pe.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

2 Kotindi 4:13

Mo Baiboloma꞉ alota꞉ I̱ma꞉ pi loa꞉ ekina꞉ teketa꞉ I̱ma꞉ hone tulaowa꞉ ekina꞉ pua꞉me la꞉la꞉me. Nikana꞉ma꞉ make homeke hone tulaasa꞉ hauma꞉ dupa aloma꞉me. Mo loma꞉eki manuna꞉ teketa꞉ nika꞉ hone tulaoma꞉ ekina꞉ puma꞉me.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Hibulu 11:33

Ikana꞉ma꞉ hone tulaaso hata꞉ a꞉nda꞉ pea mandane kenkemanu bepolayekeme. Ikana꞉ma꞉ tiki tiki hau pitolo hata꞉ Koda꞉ma꞉ kulueke laa la꞉ wieke ekimanu miekeme. Kutupa mo laeono manuna꞉ kake a꞉mbaemekeme.