1 Kotindi 12:3 - Panake Pi La: Ula: Buka pita: Kine Pieke Buka

³ Koto ekina꞉ ikana꞉ma꞉ hone uemena꞉yeke do alome. Hali homeke ma꞉nda꞉ a꞉nda꞉ma꞉ta꞉ Koda꞉na꞉ Holi Sipitidima꞉ handeteke haena꞉ alo hata꞉ alota꞉ Yesuta꞉ hoeyaena꞉e laa pi lapeke na ya꞉la꞉me. Kutupa ma꞉nda꞉ma꞉ make Yesuta꞉ ota꞉ Tekehalie laa loluekema꞉ mo Holi Sipitidima꞉ na handeteke haena꞉ kone kutupiki pi lapeke na ya꞉la꞉me.

1 Kotindi 12:3 ပူးပေါင်းရင်းမြစ်များ

Ma꞉tiu 22:43

Koto leeke Yesuma꞉ alota꞉ Kota꞉ kotota꞉ ota꞉ ya꞉ka꞉na꞉ta꞉ pa ekipeke handaa mo Holi Sipitidima꞉ Deipidina꞉ hone u tiaaso haena꞉ Deipidima꞉ Ketisota꞉ Tekehalie laa leekepe.

Maka 9:39

Koto leekepate Yesuma꞉ alota꞉ Pa sa꞉sa꞉ na pea꞉pa꞉peke. Hali epima꞉ yaka biki alo hata꞉ wele pita꞉la꞉eki pia꞉ka꞉na꞉ta꞉ wetepena꞉ koto halima꞉ta꞉ yaka biki na hoeyaalieke leekeme.

Dioni 13:13

Ikana꞉ma꞉ I̱ biki yaapo alo hata꞉ Disa make Tekehali make aleme ekita꞉ ana꞉piki pi alememe. I̱ta꞉ koto polome.

Dioni 13:14

Koto ekina꞉ I̱ma꞉ta꞉ ika꞉ Tekehali make Disa make hata꞉ ika꞉ anke tandepoa꞉ ekina꞉ ikana꞉ma꞉ make ika꞉ ika꞉ kone ika꞉ ankemanu tanda꞉pa꞉ alualu pea꞉pa꞉peke aleo.

Dioni 15:26

Kutu pitelemepate mo Tamba꞉ Mu Hala꞉ Hali ipilieke. Ipikita꞉ Ateke yaapo hala꞉ hali kone I̱ma꞉ tapaalueke. Ipikita꞉ ota꞉ hau pu hala꞉ Temokoe. Ipikita꞉ Ateke pa꞉ta꞉ hao ipilieke. Kutupa yaka pi la꞉ mea halawaasa꞉ wekitisi hali halieke.

Aposolo 8:37

[Kutupa Pilipima꞉ alota꞉ Nakana꞉ma꞉ naka꞉ puki paeyaoma꞉ hone wikina꞉ta꞉ kota꞉ naka꞉e leekeme. Kutupa mo halima꞉ alota꞉ I̱ma꞉ta꞉ Yesu Ketisota꞉ Koda꞉na꞉ Eiyeke hala꞉me hone witolome leekeme.]

Loma꞉ 10:9

Nakana꞉ma꞉ naka꞉ kakema꞉ Yesuta꞉ Tekehali hala꞉me laa peneme yao alo make naka꞉ puki pa꞉ta꞉ Koda꞉ma꞉ Yesu homa lapa꞉ pa꞉ta꞉ wieke alena꞉ paa mea tiaeyekeme laa hone tulaeka꞉na꞉ta꞉ kota꞉ da꞉ta halipikie.

Loma꞉ 9:3

I̱ma꞉ iki tamba꞉ mulueke alo hata꞉ pa Koda꞉ma꞉ I̱ hoeyaena꞉ laata꞉ Ketiso yaapo ta꞉ma꞉ni pea haloeki ka꞉taalu pea ta꞉ta꞉ halo polo pua꞉ka꞉na꞉ yoluta꞉ koto ana꞉ polu pia꞉me.

1 Kotindi 16:22

Tekehali pa꞉ta꞉ pukima꞉ na homeke pa kiaasa꞉ hali epita꞉ ota꞉ hoeyaena꞉e. Nika꞉ Tekehalio. Epoe.

1 Kotindi 8:6

nikana꞉ma꞉ nika꞉ Koda꞉ homeke kone nika꞉ Apa꞉ hata꞉ ipikita꞉ ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ hala꞉me laata꞉ Nikita꞉ ipiki pa꞉ta꞉ ti lao haloma꞉me. Kutupa make mo Tekehali homeke homeketa꞉ Yesu Ketiso hala꞉me. Ipikana꞉ma꞉ ala꞉ta꞉ ala꞉ta꞉ paeyao wepia wina꞉ laata꞉ niki make amba꞉ da꞉taala꞉me.

2 Kotindi 11:4

Pa ekipeke ikana꞉ma꞉ta꞉ iki pa꞉ta꞉ ma꞉nda꞉ epima꞉ a꞉pa mo Yesu ma꞉nda꞉na꞉ wala꞉la꞉ pita꞉ pa ta꞉na꞉ma꞉ homaa opu halememe. Mo nikana꞉ma꞉ waloma꞉ Yesuna꞉ dia꞉me. Ikana꞉ma꞉ mimi sipitidi pita꞉ pi seliapo yaapota꞉ ota꞉ ta꞉ta꞉ pa꞉la꞉me. Mo hande nikana꞉ma꞉ mea epoma꞉ Sipitidi pita꞉ Pi Seliapo yaapo ota꞉ dia꞉me.

2 Kotindi 3:5

Nikana꞉ma꞉ ana꞉na꞉ kone do eta꞉ pokaalumeke pi lapeketa꞉ ota꞉ waleke ma꞉nda꞉ na ula꞉me. Nikana꞉ma꞉ pea꞉peke honkoputa꞉ Koda꞉ pa꞉ta꞉ yama꞉ ipula꞉me.

Ka꞉leisia 3:13

Hali epima꞉ ti manda endiaeya꞉ka꞉na꞉ta꞉ kota꞉ koto halita꞉ Koda꞉na꞉ esihou pi la꞉la꞉eki oto pa꞉ta꞉ hala꞉me mo Baibolona꞉ wape pea ula꞉ tupa꞉ Ketisoma꞉ mo pi ula꞉ ekina꞉ esihou pi niki pa꞉ta꞉ a꞉paama꞉na꞉yeke ipikana꞉ma꞉ nika꞉ anketeke mieke handaata꞉ mo esihou pita꞉ ipiki pa꞉ta꞉ yapeekeme.

Peneme Yaeyekeeki 1:10

Mo Tekehalina꞉ natena꞉ta꞉ hande Sipitidima꞉ I̱ handeteke hata꞉ e pokea꞉me. Kutupa bu kanakena꞉ e̱ma꞉ handeke pi ho̱la̱꞉make tiekema꞉ yaka hoki nane pi lea꞉eki opua꞉me.