1 Kotindi 11:3 - Panake Pi La: Ula: Buka pita: Kine Pieke Buka

³ Koto pa꞉la꞉pate do alo pita꞉ wotu opua꞉pa꞉peke. Haliweki paeyao pa꞉ta꞉ Ketisota꞉ you hala꞉me. Kutupa ipika꞉ wanda꞉na꞉ youta꞉ haliki hala꞉me. Kutupa Ketisona꞉ youta꞉ Koda꞉ hala꞉me.

1 Kotindi 11:3 ပူးပေါင်းရင်းမြစ်များ

Kini Pieke 3:16

Kutupa Koda꞉ma꞉ mo wanda꞉ pa꞉ta꞉ alota꞉ I̱ma꞉ neketa꞉ naka꞉ weki loke lombilipi ale pa꞉ta꞉ta꞉ ka꞉nda꞉ pa꞉la꞉eki haka꞉ta꞉peao make weki milipi ale pa꞉ta꞉ta꞉ tanda pa꞉la꞉eki make haka꞉ta꞉palueke. Dupina꞉ kone nakana꞉ma꞉ta꞉ naka꞉ haliki hone wopu wia ipiki oto pa꞉ta꞉ halipikie.

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Dioni 14:28

I̱ma꞉ iki mina꞉pa꞉lao polueke laa loa꞉pateta꞉ paa la꞉ka꞉la ipulueke laa loa꞉ pita꞉ amba꞉ opimime. Ikana꞉ma꞉ I̱ pa꞉ta꞉ pukima꞉ homemeka꞉na꞉ yoluta꞉ mo yaka Apa꞉ pa꞉ta꞉ I̱ pulume loa꞉ ekina꞉ ta꞉na꞉ma꞉ homolo pimime. Pa ekipeke yaka Apa꞉ta꞉ I̱ ankulao hala꞉ ekina꞉ loa꞉me leekeme.

1 Kotindi 3:23

ikita꞉ Ketisona꞉ekie. Kutupa Ketisota꞉ Koda꞉na꞉eki hala꞉me.

Epesese 4:15

Koto ekita꞉ ana꞉ na pa꞉la꞉me. Nikana꞉ma꞉ta꞉ pukima꞉ homolo hata꞉ ota꞉ pimanu lomana꞉e. Kutu puma꞉ka꞉na꞉ta꞉ ota꞉ hau pitolo hata꞉ Yesu ame̱le̱ mandakena꞉ halumeke. Ipikita꞉ nika꞉ you hata꞉ tieke hala꞉me.

Kolosi 1:18

Ipikita꞉ ipika꞉ lokena꞉ you halie. Mo siosina꞉ loa꞉me. Ipikita꞉ mo lokena꞉ da꞉ta꞉la꞉ ekina꞉ tekee. Ipikita꞉ mupeke weki hata꞉ homeekepate paa mea tiaeyeke ekita꞉ ipiki homeke mo ale paeyaona꞉ titina꞉ hali haena꞉yeke piekeme.

Kolosi 2:10

Kutupa ipiki pa꞉ta꞉ ta꞉ma꞉ni peleme ekima꞉ta꞉ ikita꞉ da꞉ta꞉la꞉eki tumbao melememe. Ketisota꞉ kenke ya paeyao pa꞉ta꞉ ula꞉ welemanu paeyao make handeteke hala꞉ ekimanu paeyaona꞉ you hali hala꞉me.

Kolosi 2:19

Ipikita꞉ mo lokena꞉ you hali Ketisota꞉ pa na miniki hala꞉me. Pa ekipeke Ketisona꞉ handeteke hala꞉eki oto pa꞉ta꞉ta꞉ mo loke ipika꞉ ne ana꞉na꞉ minolo hata꞉ ipika꞉ kilikadu pita꞉ honkopu manuta꞉ tuna tuna pa꞉leke loa꞉me. Kutupa Koda꞉ma꞉ hone pa꞉la꞉ tupa꞉ daeyo hala꞉me.

Kolosi 3:18

Wanda꞉wekio. Hande Ketiso wanda꞉weki hata꞉ pea꞉peke ekita꞉ ika꞉ haliki tonu pa꞉ta꞉ homu pea hapa꞉peke.

1 Pida 3:1

Koto tupa꞉ kone weteke tonu ikita꞉ ika꞉ haliki tonu pa꞉ta꞉ homu pea hao hapa꞉peke. Mandane haliki tonuma꞉ Koda꞉na꞉ pi na miki haemeka꞉na꞉ta꞉ kota꞉ ika꞉ epeke hau pilimi ekima꞉ta꞉ mo haliweki pi mina꞉ yola꞉ milimikie.