1 Kotindi 1:14 - Panake Pi La: Ula: Buka pita: Kine Pieke Buka

¹⁴ Iki paeyao bapitaisi na puake pa Kitisipusi pita꞉ Kaiasi yaapo homeke peaowa꞉ ekina꞉ Koda꞉ pa꞉ta꞉ keiyae pi alome.

1 Kotindi 1:14 ပူးပေါင်းရင်းမြစ်များ

Aposolo 10:48

Kutupa Pidama꞉ koto wanda꞉hali Yesu Ketisona꞉ bikina꞉ bapitaisi peaapa꞉pekee leekeme. Kutupa ikana꞉ma꞉ Pida pa꞉ta꞉ nate mandaneeki do pa꞉ta꞉ hamana꞉e laa honke lemekeme.

Aposolo 18:8

Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Loma꞉ 16:23

Hande siosi wanda꞉hali mombolo haleme do da pa꞉ta꞉ I̱ handeteke hala꞉ da teke hali Kaiasima꞉ make iki pa꞉ta꞉ a꞉taloe pi la꞉niaasa꞉me. Do daonina꞉ kapomanina꞉ mani handeteke hala꞉ hali Eta꞉situsima꞉ make nika꞉ Ketiso kame Kuodasima꞉ make ipilikana꞉ma꞉ iki pa꞉ta꞉ a꞉taloe pi la꞉niaasepeme.

1 Kotindi 1:15

Kutu pua꞉ ekita꞉ ma꞉nda꞉ma꞉ Polona꞉ bikina꞉ I̱ bapitaisi peaeya꞉me laama꞉na꞉yeke loa꞉me.

1 Kotindi 1:4

Koda꞉ma꞉ iki pa꞉ta꞉ mo Yesu Ketiso pa꞉ta꞉ yama꞉ pa a꞉ta꞉ma꞉ homa tamba꞉ mina꞉la꞉eki handolo hata꞉ I̱ma꞉ ipiki pa꞉ta꞉ keiyae pi lo halome.

1 Kotindi 14:18

Do hande da ta꞉ta꞉ ta꞉ta꞉ pi ala꞉ hauta꞉ I̱ma꞉ alo ekima꞉ta꞉ iki paeyao ankulao halo ekina꞉ Koda꞉ pa꞉ta꞉ keiyae pi alome.

2 Kotindi 2:14

Kutu pua꞉pate Koda꞉ pa꞉ta꞉ keiyae lomana꞉e. Pa ekipeke Ketiso pa꞉ta꞉ apa꞉tao haloma꞉ ekima꞉ta꞉ Koda꞉ma꞉ nikita꞉ Ketisona꞉ bepolaala꞉ ekima꞉ta꞉ dipula wanda꞉hali leke sama꞉ titina꞉ hatuku pu hala꞉me. Mo Ketiso hone wita꞉la꞉ ekita꞉ Koda꞉ma꞉ niki pa꞉ta꞉ yama꞉ e pokolo hata꞉ mo hande totopopiki ale putu pa꞉la꞉ tupa꞉ kenke honiki paeyao pa꞉ta꞉ putu pa꞉la꞉me.

Epesese 5:20

Tekehali Yesu Ketisona꞉ bikina꞉ ala꞉ta꞉ ala꞉ta꞉ paeyao kita꞉la꞉ ekina꞉ hoto paeyao nika꞉ Apa꞉ Koda꞉ pa꞉ta꞉ keiyae pi la꞉tiki pea꞉pa꞉peke.

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

1 Desalonaika 5:18

Kutupa eki a꞉nda꞉ paeyaona꞉ make Koda꞉ pa꞉ta꞉ keiyae pi lo hapa꞉peke. Do haumanu ikana꞉ma꞉ Yesu Ketiso ame̱le̱ ta꞉ma꞉ni pea hata꞉ puemena꞉yeke Koda꞉ma꞉ hone pa꞉la꞉me.

1 Timodi 1:12

Ya e pokono wele peaasa꞉ Ketiso Yesu nika꞉ Tekehali pa꞉ta꞉ keiyae pi alome. Ipika꞉ e I̱ma꞉ ana꞉na꞉ pokaalieke hone wia I̱ ma̱leke lieke ekina꞉ keiyae alome.

Pailimono 1:4

Pailimono I̱ma꞉ yeni pu moneaaso toma꞉na꞉ta꞉ naka꞉ biki alo hata꞉ta꞉ Koda꞉ pa꞉ta꞉ keiyae pi lo halome.