ZEFANYA 3:8 - Sura' Madatu

⁸ Iamoto, tayanNa’, kadanNa PUANG, to allo la Kunii ke’de’ unnala pangrampa; belanna mangkamo Kura’ta’ la urrampunni tu bangsa sia umpulungi tu kadatuan, sia umbarrakanni tu kare’dekan ara’Ku lako tau iato mai, iamotu mintu’ kasengkean dukkungKu, belanna api kamangimburuangKu la umpurai nakande tu mintu’ kuli’na padang.

ZEFANYA 3:8 ပူးပေါင်းရင်းမြစ်များ

PA’PUDIAN 12:5

Iamotu mintu’ to ma’kada nakua: Lilaki la kipopatalo! Sia pudukki umpangeaikan; mindapara tu la umparentakan?

PA’PUDIAN 123:2

Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

PA’PUDIAN 37:34

TayanNi tu Puang sia karitutui tu lalanNa, anna Ia umpamatandeko muurunganni umpomana’i tu padang iato. Sia la mutiro umba nakua kadirotosanninna tu to tang mekaaluk.

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 62:1

Lu lakona pangala sengo. Unturu’ baenan sengo Yedutun. Pa’pudianna Daud.

PA’PUDIAN 62:5

Ia manna nabisara tu la umpasisayuranni kamala’biranna, naporai tau iato mai tu mo’rang; iatu pudukna ma’passakke, apa iatu penaanna ma’tampakki ropu. Sela

PA’PUDIAN 79:5

Sangapapira, o PUANG? La tontong bangraka tu kasengkeamMi? Sia iatu kapangimburuamMi la ma’pamampu’raka susi api?

PA’PUDIAN 79:6

Patu’ba’i kasengkeamMi lako to tang untandaiKomi, sia lako mintu’ lili’ parenta tang metamba ussa’bu’ sangamMi.

SARAMBU PEADA’ 20:22

Da muma’kada kumua: la kupabala’i tu kakadakean, sangadinna kampai tu PUANG, na Iamora untunduiko.

PA’TENDENG BALLO 8:6

– Toke’na’ dio ara’mi susi misa’ sissin peca’, sia susi misa’ peca’ dio takia’mi. Belanna iatu kamatotoranna kamamaliran susi kamawatanganna kamatean, tang disaka’ tu tukka’na kamamaliran susi pattalo’-talo’na lino tomate, iatu mellepa’na susi mellepa’na api, api ma’lulu-luluNa PUANG.

YESAYA 14:26

Iamote tu mangka dilampak lako mintu’ lino sia iamote tu lima tie’te’ lako mintu’ bangsa.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

YESAYA 34:2

Belanna sengke tu PUANG lako mintu’ bangsa sia magi’gi’ lako mintu’ tuntunanna; sia Napamanassamo la Nasabu’i sia Nasorongmo la direre’ tu tau iato mai.

YESAYA 63:6

AngKu lullu’i kasengkeangKu tu mai bangsa iato sia Kupalangoi kare’dekangKu sia Kupatibollo tu rarana rokko padang.

YEREMIA 10:25

Barrakanni tu kare’dekamMi lako mintu’ bangsa, tu tae’ natandaiKomi, sia lako mintu’ pa’rapuan tu tang metamba ussa’bu’ sangamMi; belanna naampello’mo tau iato mai tu Yakub, ondongpi naampello’ sia nasappii sia napopempadang lo’bang tu tondok natorroi.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

YOËL 3:2

la Kurampun tu mintu’ bangsa, angKu solanni rokko lombok Yosafat, na inde to diong la Kunii urra’ta’i tu ukunganna tau iato mai belanna taungKu sia taa mana’Ku, iamo tu Israel, tu napatitale’ tau iato mai dio lu mintu’ bangsa, tonna taa-taai tu padangKu.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

ZEFANYA 1:18

Moi salakana moi bulaan tae’ nakullei urrampananni tu tau iato mai, ke allo kare’dekan ara’Na PUANG. Api kamangimburuanNa la umpurai nakande tu mintu’ lino, belanna la Napaden tu kasanggangan, ondongpi katappuran megiangan lako mintu’ to untorroi kuli’na padang.

HAGAI 2:22

Pokadanni Zerubabel, to maraya Yehuda, kumua: La Kupatigega’ tu langi’ sia lino.

MATIUS 25:32

mintu’ bangsana tolino la dirampun dio oloNa, anNa sarakki simisa’i, susi to manglaa ussarakki domba dio mai to’ bembe’.

2 PETRUS 3:10

Apa iatu alloNa Puang la sae butung to boko; allo iato mintu’ langi’ la sappi anna mongngo’, sia mintu’na anasi’ la nakande api nasisarak-sarak, sia iatu lino sola mintu’ penggauran lan, la dimampu’i.

KADA OMBO’ LAKO RASULU’ YOHANES 16:1

Kurangi poleomi misa’ gamara kapua lan mai banuanNa Puang Matua ma’kada lako malaeka’ sola pitui nakua: Malekomi sia bolloanni tu pitu gori-gori kasengkeanNa Puang Matua tama lino.

KADA OMBO’ LAKO RASULU’ YOHANES 16:14

belanna sola tallui to, iamo penaa deata masussuk, tu umpabu’tu ba’tu pira-pira tanda kalle-kallean sia male umpellambi’i mintu’ datu lino la umpasipulungi la unnea ke allo kapuai, iamotu alloNa Puang Matua Umpoissan angge maritik.