ZEFANYA 3:6 - Sura' Madatu

⁶ Kusabu’imo tu ba’tu pira-pira bangsa; sanggangmo tu manarana dio tetuk kota; Kusanggangngimo tu batattana, naurunganni moi misa’ tau tae’mo unnolai; iatu mintu’ kotana daun lauanmo, tae’mo tau lan sia tae’mo tau umpa’tondokki.

ZEFANYA 3:6 ပူးပေါင်းရင်းမြစ်များ

1 KORINTUS 10:6

Apa mintu’nato mendadi sangka’ lako kaleta, kumua da anta kaduangi tu apa kadake susi tau iato.

1 KORINTUS 10:11

Mintu’nato, mangkamo urrampoi tu tau iato la dadi misa’ sangka’ sia mangka disura’ la mendadi pa’pakilala lako kaleta, tu kita to nalambi’ tiparanta’na lino.

ZEFANYA 2:5

Upu’ allomi, e mintu’ to dio randan tasik, iamotu bangsa Kreti! Iatu kadanNa PUANG la sae ullaoikomi, e Kanaan, tondokna to Filistin, sia la Kusanggangko, naurungan moi misa’ pa’tondokan tae’mo torro lan.

ZAKHARIA 7:14

Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.

YESAYA 37:36

Attu iato tassu’mi tu Malaeka’Na PUANG, Napateimi tu surodadunna to Asyur saratu’ karua pulona llima sa’bunna. Iatonna millik tu tau melambi’, natiroi tu mintu’nato, batang rabuk mannamo.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

MATIUS 23:38

Tiromi midisa’bianganan tu banuammi.

YESAYA 6:11

Kukuami: O Puang, la sangapai? Nakuami: Sasanggangna tu mai tondok iato sae lako puranna tu pa’tondokan sia banua sae lako tae’na tau lan sia samempadang talona tu tana iato.

YESAYA 14:26

Iamote tu mangka dilampak lako mintu’ lino sia iamote tu lima tie’te’ lako mintu’ bangsa.

YEREMIA 9:12

Mindara tu paissan la untandai te apa iate? Mindara tu mangka Nanii PUANG ma’kada, naurungan ma’din umpa’peissananni, kumua apa bannangna anna sanggang te padang iate sia talo susi padang pangallaran to moi misa’ tau tae’mo unnolai?

YOSUA 23:4

Kupamanassamo pa’loterei te bangsa torronapa la napotaa mana’ sukummi randuk dio mai Yordan, – susitu mintu’ bangsa mangka kusabu’i – sae lako tasik Kapua rampe matampu’.