ZEFANYA 3:3 - Sura' Madatu

³ Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

ZEFANYA 3:3 ပူးပေါင်းရင်းမြစ်များ

SARAMBU PEADA’ 28:15

Susi singa umburrung sia susi beruang tangdia’, susi dukamo a’ganna to tu pangulu tang mekaaluk umparenta misa’ bangsa malamma’.

YESAYA 1:23

Iatu tedong pariu’mu pabali-balimo sia sibaa to bokomo; pantan ungkaduangi pamengan sia unnanga’ pappe’, tae’ anna pasipatui patunna tu pia biung sia tae’ naperangii kara-karana baine balu.

YESAYA 5:29

Angnga’na susi gamara singa birang, susi urrungna singa mangura; iatu tau iato mai unnarrak la undamak pangrampa anna pallaianni male, natae’ misa’ tau la urrampananni.

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.

YEREMIA 23:11

Belanna la nabi la to minaa urruttakki apa maindan; akkenna nalan banuangKu Kulolongan tu kakadakeanna tau iato mai, kadanNa PUANG.

YEREMIA 34:19

iamotu mintu’ arungna Yehuda sia Yerusalem sia mintu’ to mase’ponna datu sia mintu’ to minaa sia mintu’ pa’tondokan, tu lumingkamo lan lu alla’ panta’tak anak sapi iato.

YEREMIA 5:6

Iamoto anna dammakki singa lan mai pangala’ tu tau iato mai sia nasanggangi guruk lan mai padang aak sia naodo’ arimau buluh tu mintu’ kotana, naminda-minda tu tassu’ lan mai la nase’bu-se’bu, belanna budamo tu kasalanna sia tang dikemba’mo tu kakelokanna.

YEHEZKIEL 22:6

Manassa iatu arungna to Israel pantan umpembelai la umpatibollo rara sabuda-budanna.

YEHEZKIEL 33:26

Sakka’ bangkomi la ma’pa’dangi, sia umpogau’komi apa megallian, sia pantan urruttakkikomi bainena solami – umba la mikua umpomana’i tu tondok ia to?

HABAKUK 1:8

Iatu darangna mandu malinta’ na iatu arimau buluh, sia mandu matira’ na iatu guruk ke bonginna; mintu’ tu darangna sia pakkanarangna sae tiantak-antak, mambela nanii sae langkan maega tu ussiok kandena.