ZEFANYA 3:2 - Sura' Madatu

² Tae’ naperangii pa’pakilala, sia tae’ natarima peada’; tae’ naposande’ PUANG sia tae’ namengkareke’ lako Kapenombanna.

ZEFANYA 3:2 ပူးပေါင်းရင်းမြစ်များ

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

PA’PUDIAN 50:17

Na mukabiri’ tu peada’, sia mutibe lako boko’mu tu mintu’ kadangKu?

PA’PUDIAN 73:28

Apa iatu akunna melo aku tu mase’pon lako Puang Matua, iatu Puangku PUANG kupoperinding pala’, dikua angku pa’peissananni tu mintu’ penggauramMi.

PA’PUDIAN 78:22

Belanna tae’ anna katappa’i tu Puang Matua sia tae’ narannuanni tu pa’tunduanNa.

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

SARAMBU PEADA’ 5:12

Sia ma’kadako kumua: Umba kukua to kukagi’gi’i tu peada’ sia nasayui penaangku tu pa’pakilala!

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

YESAYA 29:13

Sia susipate tu kadanNa Puang, nakua: Iate bangsa iate dio bangri pudukna umpengkareke’iNa’ sia dio bangri lilana umpakala’bi’Na’, apa iatu penaanna mambela dio mai Kaleku; iatu a’ganna ungkasiri’Na’, pepasan tolino bangri.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 43:22

Apa tae’ ammu meongli’ lako Kaleku, e Yakub, tae’ ammu issanni masara’ dio Aku, e Israel.

YESAYA 9:12

Belanna tae’ anna mengkatoba’ te bangsa iate lako To umpa’dikki sia tae’ anna daka’i tu PUANGna mintu’ ma’dandan maritik.

YEREMIA 13:25

Susimoto tu toto’mu sia taamu tu Kusukarangko, kadanNa PUANG, belanna tae’mo mukilalaiNa’ sia kabuttokammo tu muposande’.

YEREMIA 2:30

Tae’ gai’na Kubamba tu anakmi, inang tae’ namorai untarima peada’; iatu pa’dangmi ungkandemo mintu’ nabimmi susi singa ma’sa’mak.

YEREMIA 22:21

Iatommu marampa’ siapa, ma’kadaNa’ lako kalemu; apa mukua: Manokana’ umperangii! Susimo lalanmu to, randuk dio mai mangurammu, belanna tae’ len muperangii tu gamarangKu.

YEREMIA 32:33

Iatu tau iato mai untananniNa’ boko’, tangia lindona; moi Kuada’i ke makale’ sia kekaroen, tae’ naperangii sia tae’ duka namorai untarima peada’.

YEREMIA 35:13

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: Maleko pokadai lako mintu’ to Yehuda sia lako mintu’ to lan Yerusalem: Manokakomiraka untarima peada’ lan unturu’ kadangKu? kadanNa PUANG.

YEREMIA 35:17

Iamoto Nakua PUANG, Kapenombanna mintu’ ma’dandan maritik, Kapenombanna to Israel: Tonganna la Kuparampoi mintu’ kamandasan tu Yehuda sia mintu’ pa’tondokan Yerusalem, tu mangka Kupokada la urrampoi, tu belanna ma’kadaNa’ lako kalena, apa tae’ naperangii sia metambaNa’ lako, apa tae’ namebali.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YEHEZKIEL 22:24

E ma’rupa tau, ma’kadako lako tondok kumua: Ikomo misa’ padang tang marumpe sia tang nasakka’i uran tonna allo kasengkean.

YEHEZKIEL 24:13

Belanna kamaruttakan gau’ salamu, sia belanna la moraiNa’ umpemaseroiko, apa manokako dipemaseroi, iamoto inang tae’mo mula dipamasero dio mai kamaruttakammu sae lako Kupasau tu kare’dekan ara’Ku lako kalemu.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

2 TIMOTIUS 3:16

Mintu’na tu Sura’ Napa’patudu-tuduan Puang Matua sia den gai’na lako kapangadaran, lako kapa’pakilalan, la umpakalolo kelokna sia la ma’patudu diona kamaloloan,

IBRANI 10:22

Melo ke tapengkareke’i naturu’ penaa lambu’ sia kapatonganan kalebu, anna dipi’pikki tu penaanta, naurungan masero pindanmo dio mai pa’inaan kadake, sia iatu batang kaleta dibasei uai malino.