ZEFANYA 2:9 - Sura' Madatu

⁹ Iamoto, la lelukraka tuoKu, kadanNa PUANGna mintu’ ma’dandan maritik, Kapenombanna Israel, tonganna iatu Moab la dadi susi Sodom, sia iatu to Amon la susi Gomora, iamotu padang nanii a’da’ sia nanii pangkalian sia, sia padang lo’bang sae lakona. Iatu torronapa tu taungKu, la urrampai tu tau iato mai na iatu sesanna sangpetayanangKu la umpomana’i.

ZEFANYA 2:9 ပူးပေါင်းရင်းမြစ်များ

YESAYA 11:14

Sangadinna la sanginaa sola duai la ma’palulako matampu’ undammak palempengna to Filistin, anna pangrampai tu to rampe matallo; iatu limanna la ussabak to Edom sola to Moab sia mintu’ to Amon la mengkanorong lako kalena.

YESAYA 25:10

Belanna iatu limanNa PUANG la mendemme’ indete buntu, apa iatu Moab la dilullu’ rokko to’ inanna, butung to dalame dilullu’ rokko to’ uai patuang pangangku’.

YESAYA 49:18

Bangunanni tu matammu tiku lao, ammu tiroi tu mintu’ tau iato mai; sirampunmo anna sae unpengkareke’iko. La lelukraka tuoKu, kadanNa PUANG, mula umpakeanri kalemu butung to belo, sia la mukassaran kalemu sangtinti baine diparampo.

YEREMIA 46:18

La lelukraka tuoKu, kadanNa Datu, tu diganti PUANGna mintu’ ma’dandan maritik, kumua: Susitu buntu Tabor dio lu mintu’ buntu sia buntu Karmel dio randan tasik, susimo kasaeanna to.

YEREMIA 48:1

Diona Moab. Inde sia tu kadanNa PUANGna mintu’ ma’dandan maritik, Kapenombanna to Israel: A’a dikka’ tu Nebo, belanna disanggangmo; matunamo tu Kiryataim sia ditalomo’; iatu tambakuku malangka’ matunamo sia tiramban.

YEREMIA 49:1

Diona to Amon. Nakua kadanNa PUANG: Tae’raka anakna tu to Israel, tae’raka to ma’mana’na? Ma’apai anna alai Milkom tu Gad la napomana’ sia iatu mintu’ taunna male umpa’tondokki kotana Gad?

YEREMIA 49:18

Susitu Sodom sola Gomora mangka diro’pok sola mintu’ lili’na, kadanNa PUANG, susi dukato moi misa’ tau tae’mo la torro dio sia moi misa’ ma’rupa tau tae’mo la mempue dio.

YEREMIA 49:33

Iatu Hazor la napoinan serigala sia la mendadi misa’ padang lo’bang sae lakona; na moi misa’ tau tae’ untiroi sia tae’ ma’rupa tau la mempue dio.

YEREMIA 50:40

Susitu Sodom sola Gomora sola mintu’ lili’na mangka Naro’pok Kapenomban, kadanNa PUANG, susi dukamoto moi misa’ tau tae’mo la torro dio sia moi misa’ ma’rupa tau tae’mo la mempue dio.

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

AMOS 2:1

Inde sia tu kadanNa PUANG Nakua: Belanna tallu tu kapatodo-tintinganna Moab, ondongpi belanna a’pa’, iamoto natae’ Kula undampai to. Belanna natunumo tu bukunna datu Edom napadadi kapu’,

ZEFANYA 2:14

Inde to dio la nanii torro tu olo’-olo’ sikapan, iamotu mintu’ olo’-olo’, tu biasa torro ma’rampun; la mundan la kayo la membuya dao parande lentongna; perangii umba nakua tu ongngo’na ullendu’i pentiroan; iatu ampangna nalolinni apa tuan, belanna nasanggangi tau tu pareanna kayu arasi’.

ZEFANYA 2:7

Iatu randan tasik la napotaa to Yehuda torronapa, la nasolan tu domba inde to lako anna kande riu, lan lu banuanna to Askelon la nanii torro ma’bongi, belanna PUANG iamo Kapenombanna, la umparinaai sia la umpopembalii tu dalle’na.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 2:13

Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.

KADIBILANGAN 14:21

Apa la lelukraka tuoKu sia tae’ nasalai kamala’biranNa PUANG la ussamboi mintu’ lino.

ROMA 14:11

Belanna den disura’, nakua: La lelukraka tuoKu, kadanNa Puang, nala tang malinguntu’ nasang tu mintu’ guntu’ dio oloKu, sia mintu’na lila la unnaku Puang Matua.

PA’TOLE 29:22

Sia la dadi undinna lako bati’ undi – iamotu anakmi muane, tu la tunannang ussondakomi – sia to salian lembang, tu dio mai tondok mambela, ke natiroi tu kamandasan sia kamarammunan, tu Napabu’tu PUANG lan te tondok,

PA’TOLE 29:23

iamotu mintu’ padang la susito solo’, susi sia, na susi padang mampu’, naurungan tae’ nadiambo’i sia tae’ apa-apa tuo diong mai sia tae’ nakembura, susi tonna kasangganganna tondok Sodom na Gomora, Adma na Zeboim, tu Nasanggang PUANG diona kasengkeanNa sia kare’dekan ara’Na –