ZEFANYA 2:8 - Sura' Madatu

⁸ Kurangimo tu pelo’bona Moab sia pebe’sena to Amon, tu nalo’boan taungKu sia tu napokapua penaanna unnea lili’na.

ZEFANYA 2:8 ပူးပေါင်းရင်းမြစ်များ

KADADIAN 19:37

Kianakmi tu kakanna undadian misa’ pia muane, nasangaimi Moab, iamo nanii bu’tu mintu’ to Moab sae lako totemo.

KADADIAN 19:38

Na iatu adinna undadian duka misa’ pia muane, nasangaimi Bin-Ami, iamo nanii bu’tu mintu’ to Amon sae lako totemo.

YESAYA 15:1

Inde sia tu kada Napa’petanggungan Puang Matua diona Moab. Manassa bonginna anna disanggang sia disabu’i tu Ar-Moab; bonginna duka anna disanggang sia disabu’i tu Kir-Moab.

YESAYA 16:6

Kirangimo tu kamadaoan penaanna to Moab, kumua matampo maro’ ia, sia kamatampoanna sia kamadoanna penaanna sia kamasa’garanna sia kada tang kebattuanna.

YEREMIA 12:14

Inde sia tu kadanNa PUANG, Nakua: Iatu mintu’ to kadake tu nasikandappiran Yehuda, tu ullaoi mana’ Kukamasean taungKu Israel, la Kusintak lan mai tondokna, sia iatu mintu’ to Yehuda la Kusintak lan mai tangngana tau iato mai.

YEREMIA 48:1

Diona Moab. Inde sia tu kadanNa PUANGna mintu’ ma’dandan maritik, Kapenombanna to Israel: A’a dikka’ tu Nebo, belanna disanggangmo; matunamo tu Kiryataim sia ditalomo’; iatu tambakuku malangka’ matunamo sia tiramban.

YEREMIA 49:1

Diona to Amon. Nakua kadanNa PUANG: Tae’raka anakna tu to Israel, tae’raka to ma’mana’na? Ma’apai anna alai Milkom tu Gad la napomana’ sia iatu mintu’ taunna male umpa’tondokki kotana Gad?

BATING 3:61

Mirangi, o PUANG, tu pelo’bona, sia mintu’ tangnga’na la ussanggangna’,

YEHEZKIEL 21:28

Na iko, e ma’rupa tau, ma’nubua’ko sia ma’kadako kumua: Inde sia tu kadanNa Puangta PUANG diona to Amon sia diona pelo’bona; ma’kadako mukua: E pa’dang, tinonokmoko la ma’tinggoro, diasamoko la papatean, sia la pandillak-dillak

YEHEZKIEL 25:1

Rampomi tu kadanNa PUANG lako kaleku Nakua:

YEHEZKIEL 35:12

Ammu issanni, kumua Akumo tu PUANG. Kurangimo tu mintu’ kada solang, tu mupokada unnea buntunna Israel, kumua: sanggangmo diben nasangmokan, la kunii undaka’ kande.

YEHEZKIEL 36:2

Inde sia tu kadanNa Puangta PUANG, Nakua: Belanna ma’kadamo tu uali diona kamu kumua: Pallakko, iatu mintu’ tanete sipamula lino, taalamo tapomana’.

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

AMOS 2:1

Inde sia tu kadanNa PUANG Nakua: Belanna tallu tu kapatodo-tintinganna Moab, ondongpi belanna a’pa’, iamoto natae’ Kula undampai to. Belanna natunumo tu bukunna datu Edom napadadi kapu’,

ZEFANYA 2:10

Iate apa iate la urrampoi tau iato mai pakkanna kamatampoanna, belanna ullo’bo sia umpakapua penaanna unnea taunNa PUANGna mintu’ ma’dandan maritik.

YOSUA 5:9

Ma’kadami tu PUANG lako Yosua, Nakua: Allo iate Kulendokammo dio mai kalemi tu kanabellerammi to Mesir. Iamoto nasangai tau Gilgal tu inan iato sae lako allo iate.