ZEFANYA 2:5 - Sura' Madatu

⁵ Upu’ allomi, e mintu’ to dio randan tasik, iamotu bangsa Kreti! Iatu kadanNa PUANG la sae ullaoikomi, e Kanaan, tondokna to Filistin, sia la Kusanggangko, naurungan moi misa’ pa’tondokan tae’mo torro lan.

ZEFANYA 2:5 ပူးပေါင်းရင်းမြစ်များ

YESAYA 14:29

Da misende paiman, e mintu’ pa’tondokan Filistea, belanna iatu pebambana to umbambakomi le’tomo, belanna la bu’tu dio mai ula’ tu misa’ ula’ rame, na iatu buanna iamo misa’ naga mettia’.

YESAYA 14:30

Attu iato mintu’ anak pa’bunga’na to bitti’ la mamata utan nakalette’ sia mintu’ to bongko manaman mamma’na; apa sae lako uaka’mu la Kupatei katangdiaran, sia iatu torromupa la nasabu’i.

YEREMIA 47:7

Apa umba la mukua untorroi? Na PUANGmo umpepasananni: la ullaoi Askelon sia randan tasik, iamoto Nanii umpapatui.

YEHEZKIEL 25:16

iamoto, inde sia tu kadanNa Puangta PUANG, Nakua: Manassa la Kue’te’ tu limangKu umpata’pai to Filistin sia la Kusabu’i tu to Kreta sia iatu tinampenapa dio lu biring tasik, la Kupisanni.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

AMOS 5:1

Tananni talinga te kada la Kusaurangkomi, iamo misa’ bating, e bati’ to Israel:

ZEFANYA 1:11

Tumangi’komi, e kamu to untorroi Issong batu, belanna iatu mintu’ to ma’balili sanggang sia mintu’ to untimbang doi’ dipisanni.

ZEFANYA 3:6

Kusabu’imo tu ba’tu pira-pira bangsa; sanggangmo tu manarana dio tetuk kota; Kusanggangngimo tu batattana, naurunganni moi misa’ tau tae’mo unnolai; iatu mintu’ kotana daun lauanmo, tae’mo tau lan sia tae’mo tau umpa’tondokki.

ZAKHARIA 1:6

Moi nasusito, apa iatu mintu’ kadangKu sia mintu’ atorangKu, tu mangka Kupatangkean taungKu, iamotu mintu’ nabi iato, tae’raka nalambi’i tu nene’ to dolomi, naurunganni mengkatoba’, anna ma’kada nakua: Susi tanan penaanNa PUANGna mintu’ ma’dandan maritik la umpogau’i lako kaleki, situru’ kedoki sia situru’ penggaurangki, susi dukamoto Napogau’ lako kaleki?

MARKUS 12:12

Undaka’mi lalan tinde tau la untingkan Yesu, apa mataku’ lako tau buda, belanna natandai kumua iatu pa’pasusian iato, gau’na Naparuai. Napopa’elo’nami namale.

YOSUA 13:2

Inde sia tu padang torropa, iamotu mintu’ lili’na to Filistin sia mintu’ padang to Gesur,

YOSUA 13:3

randuk dio mai Sikhor dio rampe matallona Mesir sae lako lili’na Ekron ma’palurekkena – padang iate dipasangbilangan padang to Kanaan –; iatu lima arung to Filistin, iamotu arungna Gaza, Asdod, Askelon, Gat sia Ekron, sia to Awi,

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

1 SAMUEL 30:14

Mangkamokan ullaoi Padang to Kereti rampe lo’na lu, na padang lili’na Yehuda sia padang to Kaleb rampe lo’na lu, sia tondok Ziklag pura kiballa.