ZEFANYA 2:3 - Sura' Madatu

³ Daka’i tu PUANG e mintu’ to umpamadiongan penaanna lan tondok, unturu’i tu atoranNa; daka’i tu kamaloloan, daka’i tu kamadiongam penaa; den sia manii upa’, ammi dipopentilindung, ke allo kasengkeanNa PUANG.

ZEFANYA 2:3 ပူးပေါင်းရင်းမြစ်များ

2 SAMUEL 12:22

Nakuami datu: Iamo kuma’puasa sia tumangi’ tonna tuo siapa tu pia, belanna kutangnga’, lan penaangku, kumua: Diisanraka, Nakamasei siana’ manii PUANG, anna tuo tu pia.

PA’PUDIAN 105:4

Anga’i tu PUANG sia tuntunni tu matoto’Na; la tontongkomi undaka’I ammi pellambi’i oloNa.

PA’PUDIAN 149:4

Belanna iatu taunNa naala penaanNa PUANG, sia Napapakei kasalamaran tu to sorong inaa.

PA’PUDIAN 22:26

Lu mati’ Kalemi tu kapa’pudi-pudiangku lan lu kombongan kalua’, sia iatu pangallonangku la kupalesso’ dio tingayona to ungkataku’ Puang.

PA’PUDIAN 31:20

Tangpada kapuana tu kamasokanamMi, tu Miparandanan to ungkataku’Komi, sia iatu Mipogau’namo lako to umpentionganniKomi, tu nata’pai matanna mintu’ ma’rupa tau.

PA’PUDIAN 45:4

Takinni tu la’bo’mi dio aakmi, e lalong, situang kabarre-alloammi sia kamala’birammi.

PA’PUDIAN 57:1

Lu lakona pangala sengo. Unturu’ baenan sengo: Dandi’ bala’-bala’i. Pa’pudianna Daud; misa’ ianan ballo, tonna mallai dio mai olona Saul, anna male tama lo’ko’.

PA’PUDIAN 76:9

Dao mai langi’ Minii umperangii pa’paolaimMi salu, mataku’mi sia bitukmi tu lino.

PA’PUDIAN 91:1

Minda-minda umpoperinding pala’ To Patodoranna, tau iato mai Nakulambu taruno To umpoissan angge maritik.

KATASSURAN 12:27

La mikua mebali: Iamote tu pemala’ Pa’pasa dipemalaran lako PUANG, tu lendu’ mana’pa dio mintu’ banuanna to Israel dio tondok Mesir tonna dipata’pai lima tu to Mesir, Nakatirinnai tu mintu’ banuanta. Sangtukkuammi tu to buda, anna menomba:

SARAMBU PEADA’ 18:10

Iatu sanganNa PUANG sangtinti to menara matoto’; iatu to malambu’ mallai lako natang matumba-tumba dio.

YESAYA 1:17

Pelada’i umpogau’ kameloan, daka’i tu katonganan, ampangi tu to ma’pakario-rio, pasipatui patunna tu pia biung sia pa’tutuanni tu baine balu.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YEREMIA 39:18

Manassa la Kurampanangko, da ammu mate nakande pa’dang, sangadinna iatu pangrampamu iamo deatammu, belanna muposande’Na’, kadanNa PUANG.

YEREMIA 45:5

Na iatu iko sipaturokoka la untuntunan kalemu apa kapua? Da mutun-tunni! Belanna manassa la Kuparampoi kamandasan tu angge menono’, nakua kadanNa PUANG, apa iatu iko la Kukamaseangko pangrampa iamotu katuoammu dio lu mintu’ inan tu munii male.

YEHEZKIEL 13:5

Tae’ milapa’ len kalo’tok dio rinding tembo’, ba’tu umbangun rinding tembo’ untikui to Israel, kumua anna kullei bendan tu tau iato mai lan kasirarian, ke allonai PUANG.

HOSEA 10:12

Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

HOSEA 7:10

Sia iatu matampona Efraim kendek dio tingayona titanan sa’bi umpasalai. Apa tae’ namengkatoba’ lako PUANG, Kapenombanna, sia tae’ nadaka’i tu Puang, moi narampoi te mintu’na apa iate.

YUNUS 3:9

Mindara unnissanni den sia manii upa’ natibalik tu Puang Matua sia menassan, anna pasalai penaa tu kasengkean dukkunNa, naurunganni tae’ anta sanggang.

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

MATIUS 5:5

Maupa’ tu mintu’ to sorong inaanna, belanna tau iato la umpomana’ lino.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

1 TESALONIKA 4:10

Belanna tonganna mipogau’mo susito lako mintu’ sangsiuluran dio lili’na Makedonia. Apa kipakilalakomi, e kamu sangsiulurangku, dikua anna sakendek-kendekna kasiala- maseammi.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

1 PETRUS 3:4

sangadinna sipa’ malammak diong ba’teng, tu umpake pakean tang la sanggang, iamotu kedo sorong inaa sia kappa, tu kapua angga’na dio oloNa Puang Matua.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.