ZEFANYA 1:7 - Sura' Madatu

⁷ Pakappako kalemu dio oloNa Puangta PUANG, belanna mareke’mo tu alloNa PUANG; belanna Napasakka’mo PUANG tu misa’ pemala’ sia Napamarimbangammo tu mintu’ to Natambai.

ZEFANYA 1:7 ပူးပေါင်းရင်းမြစ်များ

AYUB 24:1

Ma’apari natae’ Natempoanni To umpoissan angge maritik tu attu kadiukungan, sia tae’ natiroi to untandai Puang tu allo pa’paolai salunNa?

PA’PUDIAN 46:10

Napasoro’ ambun tu tananan ra’ landa’ lako randanna langi’, Narebong-rebong tu tinaran, sia Napolo tu doke, sia Natunu api tu mintu’ kareta.

YESAYA 13:3

Mangkamo Kukuan tu mintu’ to marimbangangKu, sia Kutambai dukamo tu mintu’ pa’baraningKu la umpalalo kasengkeangKu, tu unnarrak-arrak belanna nasau penaanna.

YESAYA 13:6

Sitangirangkomi, belanna mandappi’mo tu alloNa PUANG; sae butung kasanggangan dio mai To umpoissan angge maritik.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

YESAYA 29:2

Apa la Kupakapu’duran tu Pantunuan pemalaran; attu iato iatu tau la sumarro sia unnurruk sia iatu Yerusalem la Kupopantunuan pemalaran.

YESAYA 34:5

Belanna malangomo tu la’bo’Ku lan suruga; tiromi la songlo’mo rokko Edom sia la unnukung misa’ bangsa tu Kupamanassamo la disabu’i butung pepayu.

YESAYA 34:6

Naponnoi rara tu la’bo’Na PUANG, nalumu’i lompo sia rara anak domba sia bembe’ laki sia lompo bale’ke’ domba laki. Belanna dio Bozra Napogau’mo PUANG tu misa’ pemala’ sia misa’ pangreresan kapua dio Edom.

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YEREMIA 46:10

Iamote tu alloNa PUANGna mintu’ ma’dandan maritik, iamo allo pa’pakkan la umpabala’i kakadakeanna mintu’ ualinNa. Iamoto nasamosona tu kandean pa’dang sia malango napobua’ rarana tu tau iato mai, belanna Napogau’mo Puang, iamo PUANGna mintu’ ma’dandan maritik, tu misa’ pemala’ pangrere’ daana lu padang dio randan salu Efrat.

YEHEZKIEL 7:10

Tiromi tu allo! Tiromi rampomo tu kamandasan; tiparandukmo tu lampakmu; mentarukmo tu tekken; menta’bimo tu kamatampoan.

YEHEZKIEL 7:7

Narampoimoko toto’ kamandasammu, e to lan tondok! Nalambi’mo attunna. Mareke’mo tu allona! Denmo tu kamarukkan dao buntu natae’mo kasila’tekan!

YOËL 1:15

A’a tu allo iato! Belanna mandappi’mo tu alloNa PUANG; saemo tu allo iato susi kasanggangan lu dio mai To umpoissan angge maritik.

YOËL 2:11

Napakapua PUANG tu gamaranNa, dio tingayona mintu’ surodadunNa, belanna lendu’ ia budanna tu surodadunNa; iatu surodadunNa mawatang umpalalo kadanNa; ondongpi iatu alloNa PUANG kapua sia tarru’ metakuran! Mindara ma’din la umpatananni?

YOËL 2:31

Iatu mata allo la membali malillin sia iatu bulan la membali rara, to ke la saemi tu allo kapuanNa sia metakuranNa PUANG.

AMOS 6:10

Iake naangka’i pa’amberanna, ba’tu iatu to untunui, la umpatassu’i tu bukunna lan mai banua iato, la ma’kada lako tu to dio boko’ banua lanna lu, kumua: Denparaka tau iti’ misolan? Mebalimi nakua: Tae’mo! Ma’kadami nakua: Kappakomi! Belanna tae’ tasipatu ussa’bu’ sanganNa PUANG diona te.

AMOS 8:3

Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

HABAKUK 2:20

Apa iatu PUANG lan Ia Banua Kabusungan maindanNa. Ma’pakappakomi dio oloNa, e issinna mintu’ lino.

ZEFANYA 1:14

Mareke’mo tu allo kapuanNa PUANG, mareke’mo sia madomi’ bangmo rampo mengkareke’. Perangiimi tu alloNa PUANG. Moi anna iatu to lalong metamba duka diona kamaparrisan.

ZAKHARIA 14:1

Manassa la sae misa’ alloNa PUANG, la dinii untaa-taai lan lu benteng tembo’mu tu pangrampa diala dio mai kalemu.

ZAKHARIA 2:13

Ma’pakappakomi, e mintu’ angge menono’, dio oloNa PUANG belanna ke’de’mo dio mai to’ inan maindanNa.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

MATIUS 22:4

Nasua pole’omi tu kaunan senga’na, nakua: Pokadanni tu to ditambai kumua: suka’-suka’i, kupasakka’mo tu pa’maruasangku, mangkamo kutunu tu mai tedongku sia patuoan maloppokku, sia sakka’ nasangmo; maimokomi umpellindoi te pa’maruasan rampanan kapa’.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

ROMA 9:20

Apa aku pissan mekutanana’: E tolino, mindako la umbali Puang Matua? Ma’dinraka tu apa ditampa la ma’kada lako to untampai kumua: Ma’apari ammu tampa susira’ te?

FILIPI 4:5

Anna issanni mintu’ tau tu kamasokanammi. Sattu’mora Nasae tu Puang.

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

1 SAMUEL 16:5

Mebalimi nakua: Melo sia! Iatu kasaeangku te la memala’ lako PUANG. Seroimi tu kalemi anta male sola memala’. Napamaseromi tu Isai sola tu mintu’ anakna muane, natambai memala’ sola.

1 SAMUEL 20:26

Iato allo iato tae’ bang apa napokada Saul, belanna nasanga: Umbai den sakkalanganna; tae’ namasero, manassa tae’ namasero.