ZEFANYA 1:3 - Sura' Madatu

³ La Kuputtai tu tolino sia olo’-olo’ la Kuputtai tu manuk-manuk dao lu langi’ sia bale diong lu tasik, sia iatu kamasaki-inaan tete dio mai to tang mekaaluk, tu umpabu’tu kamasussan; ondongpi la kupisanni tu tolino dao mai kuli’na padang, kadanNa PUANG.

ZEFANYA 1:3 ပူးပေါင်းရင်းမြစ်များ

KADADIAN 6:7

Ma’kadami tu PUANG kumua: la Kusabu’i lan mai lino tu tolino mangka Kupadadi, la tolino la patuoan sia olo’-olo’ mendonglo’, sia manuk-manuk dao lu langi’ belanna menassanMo’ mangka ungkombongi tu mintu’iannato.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

YESAYA 6:11

Kukuami: O Puang, la sangapai? Nakuami: Sasanggangna tu mai tondok iato sae lako puranna tu pa’tondokan sia banua sae lako tae’na tau lan sia samempadang talona tu tana iato.

YESAYA 6:12

AnNa patoyangi PUANG male tu tau iato mai sia biung-biungammo tu tondok lo’bang lan bamba iato.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YEREMIA 50:3

Belanna misa’ bangsa lu daa mai ullaoi, tu la umpopempadang lo’bangi tu padangna, naurunganni tae’mo tau untorroi; la tolino la patuoan mallai nasangmo anna lanna’.

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEHEZKIEL 44:12

Belanna natoeammo to Lewi tu pengkaranganna tau iato mai dio tingayona rapang-rapang dipodeatanna, sia napobatu titodoammo to Israel umpogau’ kakadakean, iamoto Kuangka’ limangKu umpalao sumpa unnea tau iato mai, kadanNa Puangta PUANG, kumua natanggungi tu kakadakeanna.

YEHEZKIEL 7:19

Iatu mai salakana la natibe lako lalan sia iatu mai bulaanna la susi misa’ apa megi’giran; iatu mai salakana sia bulaanna tae’ nabela urrampananni, ke allo kasengkeanNa PUANG; tae’ nakullei undampianni topona sia umpediaranni, belanna iamoto tu katitodoanna, tu untua’i tama kakadakean.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

HOSEA 14:8

Tau iato mai, tu torro umpentionganni, natananni pole’ gandung. Ondongpi la menta’bi susitu garonto’ anggoro’, nakalelean susito uai anggoro’ Libanon.

HOSEA 4:3

Iamoto anna makarorrong tu tondok sia mintu’ apa lan silayuan sia sipa’du’dunan, la mintu’ olo’-olo’ dio lu padang, la manuk-manuk dao lu langi’; ondongpi ia duka tu bale lan lu tasik siaangan mate.

ZAKHARIA 13:2

Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 23:39

Belanna Kukua mati’, kumua randuk te attu iate, tae’mo milaungkitaNa’ sae lako mikuanna: Kurre sumanga’na tu saeNa umpotete sanganNa Puang.

KADA OMBO’ LAKO RASULU’ YOHANES 2:14

Apa den sidi’ Kusayuangko, belanna denkomi tu mentoe lako pangadaranna Bileam, tu mangka unnada’i Balak umpaden katitodoan lako to Israel, naurunganni tau iato mai ungkandei tu apa dipemalaran lako deata, sia ma’gau’ sala.