ZEFANYA 1:2 - Sura' Madatu

² La Kuputtai nasang tu mintu’ apa dao mai kuli’na padang, kadanNa PUANG.

ZEFANYA 1:2 ပူးပေါင်းရင်းမြစ်များ

KADADIAN 6:7

Ma’kadami tu PUANG kumua: la Kusabu’i lan mai lino tu tolino mangka Kupadadi, la tolino la patuoan sia olo’-olo’ mendonglo’, sia manuk-manuk dao lu langi’ belanna menassanMo’ mangka ungkombongi tu mintu’iannato.

2 OSSORANNA DATU 24:24

Moi nasidi’ri tu surodadu Aram, Nasorong duka PUANG tu surodadu lendu’ ia budanna tama limanna, belanna (iatu to Yehuda) umboko’imo PUANG, Kapenombanna nene’ to dolona. Naparampoimo ukungan tu Yoas.

2 OSSORANNA DATU 36:21

dikua anna dipalanda’ tu kadanNa PUANG nalopian Yeremia; sae lako disondaimo taun katorroanna tu padang iato. Natorroimi tu padang iato lan mintu’ allo kasangganganna, kumua anna ganna’i pitungpulo taunna.

YESAYA 6:11

Kukuami: O Puang, la sangapai? Nakuami: Sasanggangna tu mai tondok iato sae lako puranna tu pa’tondokan sia banua sae lako tae’na tau lan sia samempadang talona tu tana iato.

YEREMIA 34:22

La Kuben parenta, kadanNa PUANG, sia la Kupasule tu tau iato mai indete kota iate, anna laoi sia nataloi sia pura nasumpun; mintu’ kota Yehuda la Kupopempadang talo, anna moi misa’ tau tae’mo torro lan.

YEREMIA 36:29

Sia pokadai tu diona Yoyakim, datu Yehuda, kumua: Nakua kadanNa PUANG: Mangkamo muballa tu lulunan sura’ iate sia mukua: Ma’apai misura’i lan, kumua manassa la sae tu datu Babel la ussanggangi te tondok iate sia ussabu’i mintu’ tolino sia patuoan?

YEREMIA 7:20

Iamoto, kadanNa Puangta PUANG, iatu kasengkeangKu sia kare’dekanna ara’Ku la tibarrak indete inan iate, lako tolino sia lako mintu’ olo’-olo’, lako mintu’ garonto’ kayu dio lu padang sia lako mintu’ bura padang; iamoto tu la dukku tang pa’de-pa’de.

BATING 2:17

Napogau’mo PUANG tu apa mangka Natangnga’, Napalanda’mo tu apa mangka Napokada, tu apa mangka Napa’parentan tempon dio mai; Mangrabunnimo, tang Nakatirinnai len. Napasende tu ualimmu diona iko, Napalayangmo tu tandukna mintu’ to umbali-baliko.

MIKHA 7:13

Apa iate lino la mempadang lo’bang natumang to untorroi, belanna bua penggauranna.