ZAKHARIA 9:9 - Sura' Madatu

⁹ Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

ZAKHARIA 9:9 ပူးပေါင်းရင်းမြစ်များ

1 DATU 1:38

Malemi tu to minaa Zadok sola nabi Natan na Benaya, anakna Yoyada, sisola to Kreti sia to Pleti, anna popessakei tu Salomo dao bagala’na datu Daud, anna solanni lako Gihon.

PA’PUDIAN 149:2

La naposande’ to Israel tu To manampana, sia la sila’tekan tu pia to Sion belanna diona Datunna!

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 45:1

Lu lakona pangala sengo. Unturu’ baenan sengo bunga bakung. Misa’ gelong bangunan ada’na to Korah. Londe pa’kaboro’.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 30:6

Inde sia tu kada Napa’petang- gungan Puang Matua diona tu olo’-olo’ lo’ Pollo’na uai. Iatu padang nanii ponno kamaparrisan sia kamegiangan tu nanii singa birang sia singa laki sia ula’ rame sia naga mettia’; indemoto sau’ tu nanii umbaai nateke’ keledai tu eananna sia napadao palasa unta tu mai barang apanna, naban bangsa umpabu’tu apa tae’ gai’na.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

YESAYA 40:9

E Sion, ikomo tu umbaa kareba melo, la kendekko langngan misa’ buntu malangka’; e Yerusalem, ikomo tu umbaa kareba melo, pekapuai tonganni tu gamarammu; pekapuai tu gamarammu, da mumataku’; pokadanni mintu’ kota Yehuda kumua: Inde sia tu Kapenombammi!

YESAYA 43:11

Aku, Akumote tu PUANG, nasaliananna Aku tae’ tu Pela’bak senga’.

YESAYA 43:3

Belanna Akumo, PUANG, Kapenombammu, To maserona Israel, Pela’bakmu; Kusorong tu Mesir, Etiopia sola Syeba la dipasondana ulla’bakko.

YESAYA 45:21

Pa’peissananni sia pokadai tu tanda sa’bimmi, sitimbangi sola nasang. Mindara tu umpa’perangianni dolona sia umpa’peissananni te masaimo? Tae’raka na Aku te, tu PUANG, sia tae’ tu Puang Matua senga’, sangadinna Aku manna, tae’ tu Kapenomban malambu’ sia mangla’bak, sangadinna Aku.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 62:11

Belanna Napa’perangian PUANG landa’ lako randan langi’, Nakua: Pokadanni anak dara Sion kumua: tiromi, iatu kasalamarammu la rampomo; iatu polean diomo Kalena sia iatu pepakkan dolomo dio oloNa.

YEREMIA 30:9

sangadinna tau iato la umpengkaolai PUANG, Kapenombanna, sia Daud, datunna, tu la Kupabendananni.

YEHEZKIEL 21:32

La napokandeko api; lan tangnga tondok tu nanii lolong tu raramu, sia tae’mo nakilalaiko tau, belanna akumo, tu PUANG, mangkamo umpokadai tu iannato.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

MIKHA 4:8

Na iatu iko, e Migdal-Eder, e Ofelna anak dara Sion, la nareke’moko sia narampoiko kaparentan dolo, iamotu kadatuanna anak dara Yerusalem.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

ZAKHARIA 2:10

Mela’tekko sia parannu-rannuko, e anak dara Sion! belanna manassa la sae’Na angKu torro lan lu tangngamu, kadanNa PUANG.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

MATIUS 11:29

Endekammi tu panglembaKu sia melada’komi lako Kaleku; belanna Aku malamma’ sia umpamadiongan penaa; ammi alan kapelayoan kalemi.

MATIUS 2:2

nakua: Umbara nanii tu datu to Yahudi, tu mane dadi? Belanna dellekmo tu bintoenNa kikita, angki sae la umpenombai.

MARKUS 11:7

Nabaami tu anak keledai lako Yesu; sia nalapikki pakeanna Naunno’ko’ dao tu Yesu.

LUKAS 24:27

Naparanduk diomi mai Musa sia mintu’ nabi Nabattuananni lako tu dipokadanna lan mintu’na sura’ diona Ia.

YOHANES 1:49

Nakuami Natanael mebali lako: O Rabi, Kamumo tu AnakNa Puang Matua! Kamumo tu Datunna to Israel!

YOHANES 19:15

Apa ramban tu tau metamba nakua: Tombonni lao, tombonni lao! a’ta’I Ia tu! Nakuami Pilatus ungkuanni: Sipaturaka la kua’ta’ tu datummi? Nakuami mintu’ pangulu to minaa mebali: Tae’ kami datungki senga’na, ia manna tu datu kapua.

TO PARENGNGE’ 10:4

Iatu anakna muane den tallungpulo, ussakei keledai laki tallungpulo sia unnampui tu tallungpulo tondok, tu disangai sae lako allo iate kampongna Hawot-Yair lan lili’na Gilead.