ZAKHARIA 9:8 - Sura' Madatu

⁸ La torroNa’ ungkampai banuangKu tiku lao unnea tuntunan surodadu tu male sule, sia tae’mo nala ullaoi tu to ma’pakario-rio, belanna totemo matangKu kalenamo untiroi.

ZAKHARIA 9:8 ပူးပေါင်းရင်းမြစ်များ

2 SAMUEL 16:12

Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

2 DATU 19:34

Sia la Kurinding pala’ te tondok iate, angKu lendokanni, belanna sangangKu sia belanna Daud, taungKu.

2 DATU 23:29

Iatonna linona ke’de’mi tu Firaun Nekho, datu Mesir, lako salu Efrat la sirari datu Asyur. Malemi tu datu Yosia umpentammui la unneai; napateimi tu Yosia dio Megido, tonna tiroi.

2 DATU 24:1

Iatonna linona Yoyakim ke’de’mi tu Nebukadnezar, datu Babel, male lako, anna mengkanorong tu Yoyakim tallung taun lako kalena; apa undinnato tibalikomi tu penaanna, anna balii.

PA’PUDIAN 34:7

Iate to mandasa iate meongli’mo, anNa tananni talinga PUANG, sia Nalendokan, dio mai mintu’ kamaparrisanna.

PA’PUDIAN 72:4

Sangapaoi anna ussanda tonganni tu to dipandasa lan bangsa iato, sia urrampanan to mase-mase, anna lullu’ parapai tu to sala’ kedo.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

KATASSURAN 3:9

Tonganna iatu sarrona to Israel rampomo lako oloKu sia Kutiromo tu pa’pakario-rio nagauranni to Mesir tu tau iato mai.

SARAMBU PEADA’ 3:25

Da mukataku’i tu katirambanan tang mukapang-kapang, sia kasangganganna to tang mekaaluk, ke saei.

YESAYA 26:1

Allo iato iatu nanian iate la napopenani tau lan tana Yehuda nakua: Den kami tu kota matoto’ki; kamakarimmanan Nabentenganni sia Natambakukuanni Puang.

YESAYA 31:5

Susi manuk-manuk mettia’, susi dukamoto tu PUANGna mintu’ ma’dandan maritik la umpetayanni Yerusalem, Narampanan sia Nakarimmanni, Nalendokan sia Nakaritutui.

YESAYA 4:5

Attu iato la Napadadi PUANG tu saliu’ ke allona sia iake mabonginna la Napabu’tu tu rambu sola arrang api ma’laka-laka dao lu mintu’ tu apa mala’bi’ la den tu sambona.

YESAYA 52:1

Matangkinko, matangkinko, pakei tu kamawatangammu, e Sion; pakei tu pakean ballomu, e Yerusalem, tondok maindan. Belanna tae’mo anna la tama mati’ tu to tang disunna’ ba’tu to maruttak.

YESAYA 52:12

Belanna tae’ ammi la tikara-kara sun sia tae’ ammi la ussarra’i lumingka, belanna PUANG tu la undoloangkomi sia Kapenombanna to Israel tu la undi dio boko’mi.

YESAYA 54:14

Tete dio kamaloloan ammu dipatangtibendon. Sia la muissan, kumua toyangko dio mai pa’pakario-rio belanna tae’ mumataku’, sia la toyangko dio mai ma’patirambanna belanna iatu iannato tae’ nala urreke’ko.

YESAYA 60:18

Tae’mo dirangi len tu kama’parukuan lan tondokmu, ba’tu kasanggangan sia kamasolangan lan lili’mu, sangadinna iatu benteng tembo’mu la mugente’ kasalamaran sia iatu babangammu Kama’pudian.

YEREMIA 31:12

Iamoto anna sae tu tau iato mai unnarrak-arrak dao tanete Sion sia sangsaean sirampun lako pamengan melona PUANG, iamotu gandung sia uai anggoro’ ba’ru sia minna’ sia anak domba sia anak sapi; iatu penaanna tau iato mai susito pa’lak disakka’i, tae’mo nala kapu’duran len.

YEREMIA 46:13

Inde sia tu kada Napokada PUANG lako nabi Yeremia tu diona kasaeanna Nebukadnezar, datu Babel, la untalo tondok Mesir.

YEREMIA 46:2

Diona tondok Mesir. Diona kataloanna surodadunna Firaun Nekho, datu Mesir, tu dio lu randan salu Efrat, sikandappi’ Karkemis, tu mangka natalo Nebukadnezar, datu Babel, tonna taun ma’penna’pa’ kadatuanna Yoyakim, anakna Yosia, datu to Yehuda.

YEHEZKIEL 39:29

Sia tae’mo angKu la umbunianni lindoKu, ke mangkami Kubarrakan tu PenaangKu lako to Israel, kadanNa Puangta PUANG.

AMOS 9:15

Attu iato la Kutanan tu tau iato mai lan lu padangna, sia tae’mo nala dilampi’i len lan mai padang, tu mangka Kukamaseanni, kadanNa PUANG, Kapenombammu.

ZAKHARIA 12:4

Attu ia dukato, kadanNa PUANG, la Kuparampoi katirambanan tu mintu’ darang, sia la Kupabomboan tu mintu’ to ussakei; lako mintu’ to Yehuda la tontong tibungka’ tu matangKu, apa iatu mintu’ darangna to sangpetayanan la Kupabuta.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

ZAKHARIA 14:11

La natorroi tau tu kota iato, sia tae’mo ukungan pasabu’i, sangadinna iatu Yerusalem la torro marampa’.

ZAKHARIA 9:7

La Kupatoyang tu rara lan mai sadangna sia iatu apa megi’giran lan mai alla’ isinna sia ia duka tu torronapa la Napotau Kapenombanta, naurunganni butung to misa’ pangulu suku lan Yehuda, na iatu to Ekron la susito Yebus.

PENGGAURANNA RASULU’ 7:34

Kutiro tonganmo tu kadipakario-rioanna taungKu dio Mesir, sia Kurangi tu sarrona, angKu mengkalao la urrampananni; dadi totemo maimoko, la Kusuamoko lako Mesir.

KADA OMBO’ LAKO RASULU’ YOHANES 20:9

Kendekmi ussitutu’i kuli’na padang, anna patama limbui tu inanna to pararinna mintu’ to masallo’ sia tondok Nakamali’na; songlo’mi tu api dao mai langi’ ummampu’i tu tau iato mai.