ZAKHARIA 9:7 - Sura' Madatu

⁷ La Kupatoyang tu rara lan mai sadangna sia iatu apa megi’giran lan mai alla’ isinna sia ia duka tu torronapa la Napotau Kapenombanta, naurunganni butung to misa’ pangulu suku lan Yehuda, na iatu to Ekron la susito Yebus.

ZAKHARIA 9:7 ပူးပေါင်းရင်းမြစ်များ

1 OSSORANNA DATU 1:14

sia iatu to Yebusi sia to Amori sia to Girgasi

1 OSSORANNA DATU 21:15

Nasua duka Puang Matua tu misa’ malaeka’ lako Yerusalem la ussanggangi, apa iatonna randukmo umpogau’i to, Natiromi PUANG, anNa penassanni Puang tu kamandasan iato. Ma’kadami lako malaeka’ pasanggang, Nakua: Silasamo to! Riu’mi sule tu limammu. Attu iato iatu malaeka’Na PUANG bendan sikandappi’ panglulluranna Ornan, to Yebus.

PA’PUDIAN 3:7

Tae’ angku kataku’i tu ma’pulo-pulo sa’bunna tau, tu limbu mangatta unneana’.

PA’PUDIAN 58:6

Tu noka umperangii gamaranna to ma’balik mata, iamotu to manarang umbasa-basa sengona.

YESAYA 65:4

Sia to unno’ko’ diong lamunan sia to ma’bongi lan kabunianna sia to ungkande duku’ bai sia iatu kande megallian diong nasang lu kandianna.

YEREMIA 48:47

Apa allo ma’katampakanna la Kupopembali tu toto’na Moab, kadanNa PUANG. Rampo indete dinii ussa’bu’i tu ukunganna Moab.

YEREMIA 49:39

Apa allo ma’katampakanna la Kupopembali tu toto’na Elam, kadanNa PUANG.

YEREMIA 49:6

Namangka to Kumane umpopembali toto’na tu to Amon, kadanNa PUANG.

AMOS 3:12

Inde sia tu kadanNa PUANG Nakua: Susi ke misa’ to manglaa unnalai da’dua buku bi’ti’ ba’tu sangira’ talinga lan mai sadang singa, susi dukato tu to Israel la dirampanan, iamotu to torro dio Samaria, tu unno’ko dao tetuk inan katindoan sia dao sambo malamma’na bale-bale.

ZAKHARIA 8:23

Inde sia tu kadanNa PUANGna mintu’ ma’dandan maritik Nakua: Allo ia dukato la sangpulo tu tau dio mai mintu’ bangsa ma’rupa-rupa basana la untoe, ondongpi la natoe tongan tu tampak bayu lamba’na to Yahudi, anna ma’kada nakua: La moraikanni undi unturu’komi, belanna kirangimo, kumua Narondongkomi Puang Matua.

ZAKHARIA 9:6

Lan Asdod la nanii torro tu to disese, sia la Kusabu’i tu mintu’ apa napokapua penaanna to Filistin.

ZAKHARIA 9:8

La torroNa’ ungkampai banuangKu tiku lao unnea tuntunan surodadu tu male sule, sia tae’mo nala ullaoi tu to ma’pakario-rio, belanna totemo matangKu kalenamo untiroi.

GALATIA 3:28

Tae’mo to Yahudi lan, ba’tu to Yunani, tae’mo kaunan ba’tu to makaka, tae’mo muane ba’tu baine; belanna iatu kamu sola nasang mendadi misamorokomi lan Kristus Yesu.