ZAKHARIA 9:6 - Sura' Madatu

⁶ Lan Asdod la nanii torro tu to disese, sia la Kusabu’i tu mintu’ apa napokapua penaanna to Filistin.

ZAKHARIA 9:6 ပူးပေါင်းရင်းမြစ်များ

TOMANGADA’ 6:2

iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

YESAYA 23:9

Iatu ullampakki, iamo PUANGna mintu’ ma’dandan maritik, la umpa’dei tu kamala’biranna nasattuan, sia umpamatuna mintu’ to la’bi’ lan te lino.

YESAYA 28:1

Upu’ allona tu makota matampona to malangona Efraim sia bunga-bunga malayu, napobelo maramba’ dao ulunna lombok malompo masapi, tu natongkonni to natumang uai anggoro’.

YEREMIA 47:1

Inde sia tu kada sae lako nabi Yeremia, iamotu kadanNa PUANG diona to Filistin, tonna tae’pa nataloi Firaun tu tondok Gaza.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

AMOS 1:8

Sia la Kusabu’i tu pa’tondokan lan mai Asdod sia iatu tekken kapayungan lan mai Askelon, sia la Kubalik tu limangKu unta’pai Ekron, naurungan iatu mintu’ to Filistin tinampepa la sanggang, kadanNa Puangta PUANG.

ZEFANYA 2:10

Iate apa iate la urrampoi tau iato mai pakkanna kamatampoanna, belanna ullo’bo sia umpakapua penaanna unnea taunNa PUANGna mintu’ ma’dandan maritik.

ZEFANYA 2:4

Belanna iatu Gaza la ditampe sia iatu Askelon la dipopempadang lo’bang, iatu Asdod la diula’i tu tau lan mai, ke tangngai allo, sia Ekron la didu’dukki.

ZAKHARIA 9:5

La natiro Askelon anna mataku’, susi duka tu Gaza anna ma’parondo sia Ekron, belanna iatu apa narannuan la dipakasiri’; attu iato iatu datu la pa’de dio mai Gaza sia iatu Askelon tae’mo tau la untorroi.

ZAKHARIA 9:7

La Kupatoyang tu rara lan mai sadangna sia iatu apa megi’giran lan mai alla’ isinna sia ia duka tu torronapa la Napotau Kapenombanta, naurunganni butung to misa’ pangulu suku lan Yehuda, na iatu to Ekron la susito Yebus.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.