ZAKHARIA 9:12 - Sura' Madatu

¹² La sulekomi tama kota benteng, e to ditarungku, tu den siapa rannunna; allo ia duka te Kupa’peissananni, kumua la Kupakkanniko melo manglokkon penduan.

ZAKHARIA 9:12 ပူးပေါင်းရင်းမြစ်များ

AYUB 42:10

Napopembalimi PUANG tu dalle’na Ayub, tonna mangka umpassambayanganni tu sangmanena, Nakamasei PUANG tu Ayub Napopanglokkon tu mintu’ apa mangka naampui dolona.

YESAYA 24:22

Tau iato mai la dipopa’misa, susito ditarungku lan lo’ko’, sia la dipattang lan pa’tarungkuan, na undinna to ke masaimi, ditambaimi la diukung.

YESAYA 38:18

Belanna iatu lino to mate tae’ napudi-pudiKomi sia iatu kamatean tae’ napakala’bi’Komi; minda-minda tu rokkomo lamunan tae’ narannuanni tu kamarurusamMi.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YESAYA 49:9

sia la umpokadanni to dipattang kumua: Tassu’komi sia lako to lan mapi’tukna kumua: Sunkomi lako masiangna! Iatu tau iato mai la dikambi’ dio lu lalan sia mintu’ tanete nanii undaka’ kande.

YESAYA 52:2

Tambakki tu barra’-barra’ dio mai kalemu, maiko ammu unno’ko’, e Yerusalem, e anak dara Sion, tu dirampa.

YESAYA 61:7

Iatu la diposondana siri’mi la dikasiri’komi penduan manglokkon sia iatu la diposondana kaditattammu la unnarrak-arrak tu tau iato mai belanna upa’na; iamoto anna la umpokataananni penduan manglokkon tu apa lan tondokna sia la unnappa’ kasendean masae lako.

YEREMIA 14:8

O Pa’rannuananna to Israel! o Patunduanna, ke attu kapussakan, ma’apai amMi la butung to sae lan tondok iate, sia butung to lendu’ lalan, tu lendu’ bangri ma’bongi?

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 17:13

sia pa’rannuanna to Israel, o PUANG! iatu mintu’ to untampeKomi la kasirisan; minda-minda tu memboko’ dio mai Kalemi, la disura’ tu sanganna diong padang, belanna natampemo tu kalimbuang boba iamotu PUANG.

YEREMIA 31:17

Tonganna den dirannuan dio tu apa urrampoiko undinna, kadanNa PUANG: belanna mintu’ anakmu la sule tama lili’ tondokna.

YEREMIA 31:6

Belanna bu’tumo tu allona, ke metambai tu to ma’kampa dao buntu Efraim, nakua: Maikomi, takendek langngan Sion mennolo lako PUANG, Kapenombanta.

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

YEREMIA 51:10

PUANG umpasomboi tu katongananta; maikomi talao umpa’peissananni tu penggauranNa PUANG, Kapenombanta lako Sion.

YEHEZKIEL 37:11

Ma’kadaMi lako kaleku, Nakua: E ma’rupa tau, iate mintu’ buku iate, iamo mintu’ to Israel. Tonganna ma’kada tu tau iato mai nakua: Iatu mai bukungki marangkemo sia ka’tumo tu rannungki, upu’mo alloki.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

YOËL 3:16

Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni tigega’ tu langi’ sia lino. Apa PUANGmo tu misa’ pentilindungan lako taunNa sia misa’ kota tambakuku lako to Israel.

MIKHA 4:8

Na iatu iko, e Migdal-Eder, e Ofelna anak dara Sion, la nareke’moko sia narampoiko kaparentan dolo, iamotu kadatuanna anak dara Yerusalem.

NAHUM 1:7

Iatu PUANG masokan sia misa’ pentirerungan lan attu kapussakan; Natandai duka Ia tu mintu’ to umpentirerungI.

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,