ZAKHARIA 9:1 - Sura' Madatu

¹ Inde sia tu kada Napa’petanggungan Puang Matua, iamotu kadanNa PUANG. Iatu Puang diomo tondok Hadrakh, sia Damsyik tu inan Nanii torro, belanna PUANG, umpata’pai mata tu mintu’ to senga’, susi dukato tu mintu’ suku Israel;

ZAKHARIA 9:1 ပူးပေါင်းရင်းမြစ်များ

KADADIAN 14:15

Nataa-taami tu solana ullaoi uali tonna bongi, anna taloi, naula’i sae lako Hoba rampe rekkena Damsyik.

2 OSSORANNA DATU 20:12

O Kapenombangki, tae’raka Mila unnukungi tu tau iato mai? Belanna iake kami tang pa’belakanni la umpatananni tu surodadu pada budannato, tu sae ullaoikan, sia tae’ kitandai tu apa sipatu la kipogau’, apa lako Kalemi kinii mentingara.

PA’PUDIAN 145:15

Mintu’ tau untayanKomi, amMi benni barra’ karoenna, ke attunnai.

PA’PUDIAN 25:15

Tontong bang tu matangku mentingara langngan PUANG, belanna Ia urriu’ lentekku lan mai porro’.

YESAYA 13:1

Inde sia tu kada Napa’petanggungan Puang Matua diona Babel, tu mangka dipasombo lako Yesaya, anakna Amos:

YESAYA 52:10

Nakalili’mo PUANG tu takia’ maseroNa dio tingayona mintu’ bangsa sia la natiro mintu’ randan langi’ tu kasalamaran dio mai Kapenombanta.

YEREMIA 16:19

O PUANG, Kamumo kamatotorangku sia tambakukungku sia pentirerungangku ke allo kapussakan! Lakomo Kalemi la nanii sae tu mintu’ bangsa dio mintu’ randan langi’ sia ma’kada nakua: Kabuttokan manna tu mana’na nene’ to doloki sia apa tae’ gai’na, tu moi misa’ tae’ apa kebattuan napaden.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.

AMOS 1:9

Inde sia tu kadanNa PUANG, Nakua: Belanna tallu tu kapatodo-tintinganna Tirus, ondongpi belanna a’pa’, iamoto natae’ Kula undampai to. Belanna mangkamo nasorong tu mintu’ pa’tondokan lako Edom sia tae’ nakilalai tu basse kasiuluran,

AMOS 3:12

Inde sia tu kadanNa PUANG Nakua: Susi ke misa’ to manglaa unnalai da’dua buku bi’ti’ ba’tu sangira’ talinga lan mai sadang singa, susi dukato tu to Israel la dirampanan, iamotu to torro dio Samaria, tu unno’ko dao tetuk inan katindoan sia dao sambo malamma’na bale-bale.

NAHUM 1:1

Kada Napa’petanggungan Puang Matua diona Niniwe. Sura’ patiro mendeatanna Nahum, to Elkosh.

ZAKHARIA 4:10

Belanna mindara tu untapa’ allo nanii bitti’pa tu mintu’ apa? Manassa la parannu penaanna tu tau iato mai, ke natiroi tu batu petimbang lan lu limanna Zerubabel. – Iate pitu apa iate iamotu matanNa PUANG tu umpenunu mintu’ lino tiku lao.

ZAKHARIA 5:4

Aku umpatassu’i te tampak ropu iate, kadanNa PUANGna mintu’ ma’dandan maritik, anna rampo tama banuanna to boko sia tama banuanna to umpalao sumpa tang tongan tete dio sangangKu sia ma’bongi lan banuanna, anna sanggangi tu kayu pa’pasitammuanna sia ia duka tu batunna.

MALEAKHI 1:1

Inde sia misa’ kada Napa’petanggungan Puang Matua, iamotu kadanNa PUANG lako Israel nalopian Maleakhi.