ZAKHARIA 8:9 - Sura' Madatu

⁹ Inde sia tu kadanNa PUANGna mintu’ ma’dandan maritik, Nakua: Pamatoto’i tu limammi, e kamu, tu urrangii te kada iate sun dipudukna nabi allo iate, tu tuo tonna dioton tu parandangan banuanNa PUANGna mintu’ ma’dandan maritik, iamotu Banua kabusungan, la dibangun.

ZAKHARIA 8:9 ပူးပေါင်းရင်းမြစ်များ

1 OSSORANNA DATU 22:13

Manasa la maupa’ko, ke muingaranni sia mukaritutui tonganni tu mintu’ apa mangka Napondok PUANG sia mintu’ atoran, mangka Napasan PUANG lako Musa, anna papassananni to Israel. La batta’ko sia la baraniko; da mumataku’ sia da mutiramban.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

2 OSSORANNA DATU 15:7

Iamoto pabatta’mi tu penaammi, da nalangga’ tu limammi, belanna iatu pengkarangammi la den poleanna.

EZRA 6:14

Iatu mintu’ pekaamberanna to Yahudi umpatarru’ marampa’ umbangunni tu Banua Kabusungan, tonna attunna ma’nubua’ tu nabi Hagai sia Zakharia, anakna Ido; anna sundunni umbangunni susi pepasanNa Kapenombanna to Israel sia susi parentana Koresh, Darius na Artahsasta, datu Persia.

YESAYA 35:3

Pamatoto’i tu lima langga’ sia pabatta’i tu guntu’ ma’parondo.

YESAYA 35:4

Pokadanni tu to magiang penaanna kumua: Pabatta’i tu penaammi, da mimataku’! Manassa iatu Kapenombammi la sae ma’papakkanni, la sae umbaa pa’pabala’Na Puang Matua; la sae anNa rampanangkomi.

HAGAI 1:1

Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

HAGAI 1:12

Attu iato naperangiimi Zerubabel, anakna Sealtiel sia Yosua, anakna Yozadak, tominaa kapua, sia mintu’ to buda, tu torronapa, tu gamaranNa PUANG, Kapenombanna, sia iatu kadanna nabi Hagai, tu Nasua PUANG, Kapenombanna, umparampoi lako tau iato mai, anna mataku’ tu to buda dio olona PUANG.

HAGAI 2:18

Kuparampoikomi kalangkoan sia pasi sia mintu’ panggaraga limammi Kupata’pai uran batu, apa tae’ kapengkilalammi lako Kaleku, kadanNa PUANG.

HAGAI 2:21

Iatonna ma’penduanna saemi kadanNa PUANG lako Hagai tonna allo ma’penduangpulo nna’pa’ bulan iato, Nakua:

ZAKHARIA 8:13

Susitu mangkakomi dadi kada tampak ropu dio lu mintu’ bangsa, e to Yehuda sia to Israel, la susi dukakomito la dadi pa’passakke, belanna Kukamaseangkomi kasalamaran; da mimataku’, pamatoto’i tu limammi.

ZAKHARIA 8:18

Sia rampo duka tu kadanNa PUANGna mintu’ ma’dandan maritik lako kaleku, Nakua:

EFESUS 6:10

Nama’katampakanna la bintinkomi lan Puang sia umpomatoto’ kamatotoran kuasanNa.

2 TIMOTIUS 2:1

Iamoto, e anakku, mananna’ko lan pa’kamasean tete dio Kristus Yesu.

YOSUA 1:6

La batta’ko sia lalongko, belanna iko la umposara’i te bangsa iate la umpomana’i tu tondok tu Kupalaoan sumpa lako nene’ to dolona la ungkamaseanni.

YOSUA 1:8

Da nalessu’ dio mai pudukmu tu sura’ Sukaran aluk iate, sangadinna la muparinaa bang ke allo sia ke bongi, ammu turu’ tongan-tonganni tu mintu’ apa disura’ lan, belanna iake susito, la umpamaupa’ko mintu’ lalanmu, sia la rongko’ko.