ZAKHARIA 8:8 - Sura' Madatu

⁸ La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.

ZAKHARIA 8:8 ပူးပေါင်းရင်းမြစ်များ

KADADIAN 17:8

La kukamaseangko sia la Kukamasean bati’mu te padang munii mempue totemo, te mintu’ lili’na padang Kanaan la napopadang tontong sae lakona; na Aku la napoKapenomban.

YEREMIA 11:4

tu Kupepasanan lako nene’ to dolomi to allo Kunii umpatassu’i lan mai tondok Mesir, lan mai dapo’ bassi, Kukua: Perangii tu gamarangKu sia pogau’i tu mintu’ apa tu Kupepasanan lako kalemi, ammi dadi taungKu anna Aku dadi Kapenombammi,

YEREMIA 23:8

sangadinna la lelukraka tuoNa PUANG tu ussolan sia umpasaei tu bati’na to Israel daa mai tondok daa ulunna salu sia lan mai mintu’ tondok, tu diniimo unnula’i male; sia iatu tau iato mai la torro dio padangna kalena.

YEREMIA 24:7

Sia la Kukamasean penaa la untandaiNa’, kumua Akumote tu PUANG, anna tau iato mai dadi taungKu sia Akumo dadi Kapenombanna, podo namengkatoba’ lako Kaleku sae rokko penaanna.

YEREMIA 30:22

Attu iato kamu la dadi taungKu na Aku la dadi Kapenombammi.

YEREMIA 31:1

Attu iato, kadanNa PUANG; la dadiNa’ Kapenombanna mintu’ pa’rapuanna Israel, anna tau iato mai la dadi taungKu.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YEREMIA 32:41

Sia la parannuNa’ diona tau iato mai sia la umpogau’Na’ melona lako sia la Kupatorro tontong lan tondok iate situang kaponnoan penaangKu sia deatangKu.

YEREMIA 4:2

sia la umpalaoko sumpa mukua: La lelukraka tuoNa PUANG situang kamanapparan, katonganan sia kamaloloan, anna mintu’ bangsa sipalakuan kamasakkean sia massattuan tete dio sanganNa PUANG.

YEHEZKIEL 11:20

Anna turu’i tau iato mai tu apa Kupondok sia nakaritutui tu atorangKu sia napogau’i, anna mendadi taungKu tu tau iato mai, angKu dadi Kapenombanna.

YEHEZKIEL 36:28

La torrokomi lan tondok mangka Kukamasean nene’ to dolomi, angKu potaukomi, na Aku mipo Kapenomban.

YEHEZKIEL 36:33

Inde sia tu kadanNa Puangta PUANG Nakua: Iake Kupamaserokomi dio mai mintu’ kakadakeammi, la Kupakeissi sule tu kota sia la Kubangun sule tu inan daun-lauan.

YEHEZKIEL 37:25

Anna torro lan tondok Kukamasean Yakub, taungKu, tu mangka nanii torro nene’ to dolona; manassa la torro lan, la tau iato mai la anakna la mintu’ lanto mimi’na sae lakona, na Daud, taungKu, la napoarung sae lakona.

YEHEZKIEL 37:27

Iatu inanKu la dio tau iato mai; la napoKapenombanNa’ tu tau iato mai sia la Kupotau.

HOSEA 11:11

La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.

YOËL 3:20

Apa la tontong sae lakona tu Yehuda sia la manda’ disiosso’i tu Yerusalem.

SURA’ KATOMINAAN 26:12

apa la Kusalongikomi sia la dadiNa’ Kapenombammi, angKu potaukomi.

ZAKHARIA 10:10

Ondongpi la Kusolan sule tu tau iato mai lan mai tondok Mesir sia la Kurampun dio mai Asyur, angKu solanni lako padang Gilead sia lako Libanon; apa tang la ganna’mo lako tau iato mai.

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

KADA OMBO’ LAKO RASULU’ YOHANES 21:3

Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.

KADA OMBO’ LAKO RASULU’ YOHANES 21:7

Na iatu to patalo la umpomana’ mintu’ apa iate; Akumo la mendadi Puang Kapenombanna na ia la Kupoanak.