ZAKHARIA 8:7 - Sura' Madatu

⁷ Inde sia tu kadanNa PUANGna mintu’ ma’dandan maritik, Nakua: Tonganna la Kurampanan tu taungKu dio mai tondok kabu’tuan allo sia dio mai tondok kalambunan allo.

ZAKHARIA 8:7 ပူးပေါင်းရင်းမြစ်များ

NEHEMIA 1:9

Apa iake mengkatoba’komi lako Kaleku sia iake mikaritutui tonganni tu pepasanKu – moi ammi den diula’i sae lako randan langi’, manassa la Kurampun tu tau iato mai inde to dio mai angKu solanni lako inan tu mangka Kupilei la Kunii umpaunnisung sangangKu.

PA’PUDIAN 113:3

Iatu sanganNa PUANG sipatu dipudi randuk dio mai kadellekan allo landa’ lako kabotoan kulla’.

PA’PUDIAN 147:2

PUANG tu umbangun Yerusalem, sia umpasipulungi sae tu mintu’ to Israel diula’i lan mai tondokna.

PA’PUDIAN 50:1

Pa’pudianna Asaf. Puang Matua undaoanni mintu’ deata, Iamo PUANG, ma’kada sia untambai mintu’ banne lino randuk lan mai matallo landa’ rokko kalambunan.

YESAYA 49:12

Iate tau iate mai lu dio mai padang mambela, lu daa mai ulunna salu sia dio mai matampu’, na iatu senga’na to dio mai tondok Sinim.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

YEREMIA 31:8

Manassa la Kusolan tu tau iato mai lan mai tondok daa ulunna salu sia Kurampun dio mai mintu’ biring langi’; dio lu tau iato mai den to buta sia to kupi’, to ma’tambuk sia to kianak; iamo misa’ kasirampunan kapua tu sangke’deran la sule dio mai.

YEHEZKIEL 11:17

iamoto ma’kadako mukua: Inde sia tu kadanNa Puangta PUANG nakua: La Kupasipulungkomi dio mai mintu’ bangsa sia la Kupasirampunkomi lan mai mintu’ tondok tu minii ditale’ male sia la Kukamaseangkomi te padang Israel.

YEHEZKIEL 36:33

Inde sia tu kadanNa Puangta PUANG Nakua: Iake Kupamaserokomi dio mai mintu’ kakadakeammi, la Kupakeissi sule tu kota sia la Kubangun sule tu inan daun-lauan.

ZAKHARIA 10:6

Tenmoto la Kupamatoto’ tu to Yehuda sia urrampanan to Yusuf, ondongpi, la Kupasulei tu tau iato mai, belanna Kukamasei, sia iatu a’ganna la susi tonna tae’pa Kutibei. Belanna Akumo tu PUANG, Kapenombanna, sia la Kuperangii tu tau iato mai.

MALEAKHI 1:11

Belanna dio mai tu inan nanii berre’ mata allo sae lako naninna lambun, pasareongan tu sangangKu dio lu mintu’ bangsa, sia dio mintu’ inan dinii umpennoloan dupa sia pemala’ masero tu sangangKu, belanna pasareongan sangangKu dio lu mintu’ bangsa, kadanNa PUANGna mintu’ ma’dandan maritik.

PA’TOLE 30:3

namane iatu PUANG, Kapenombammu, la ungkamaseiko sia Puang la umpasirampunkomi dio mai mintu’ bangsa, tu Nanii PUANG, Kapenombammi, umpatisambo’komi.