ZAKHARIA 8:6 - Sura' Madatu

⁶ Inde sia tu kadanNa PUANGna mintu’ ma’dandan maritik, Nakua: Moi nakalle-kallean tu mintu’ apa iate dio pentirona te bangsa torronapa, umbaniapa nala kalle-kallean dio pentiroKu? KadanNa PUANGna mintu’ ma’dandan maritik.

ZAKHARIA 8:6 ပူးပေါင်းရင်းမြစ်များ

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

2 DATU 7:2

Apa mebali tu kamandang, tu nanii datu sissare takia’na, lako taunNa Puang Matua, nakua: Moi Napadadi PUANG tu pentiroan dao langi’, umba nakua la dadi tu iannato? Apa nakua tu Elisa: Manassa la natiro matammu, apa tae’ mukande lenni.

PA’PUDIAN 118:23

Iatu iannato, PUANG umpogau’i, sia memangngan untiroi.

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

YEREMIA 32:27

Tonganna Akumo, PUANG, Kapenombanna angge kepenaa; umbani apa nala den apa tang dadi dio Kaleku?

MATIUS 19:26

Mentiromi tu Yesu lako tinde tau Nama’kada, Nakua: Iake tolino tae’ nadadi te iannate, apa iake Puang Matua tae’ apa tang dadi.

LUKAS 1:20

Dadi la mamang todako, tang la muissan ma’kada sae lako dadinna nasang tu mintu’na te, tu belanna tae’ mupatonganni te kadangku, natae’ nasalai ke allu’namo.

LUKAS 1:37

Belanna denraka tang dadi ke Napokadami Puang Matua?

LUKAS 18:27

Nakuami Yesu: Iatu nasanganna tolino tae’ nadadi tae’ natang dadi ke Puang Matua.