ZAKHARIA 8:4 - Sura' Madatu

⁴ Inde sia tu kadanNa PUANGna mintu’ ma’dandan maritik, Nakua: La den pole’ tu to matua muane sia baine unno’ko’ dio lu tana lapang Yerusalem, pantan untoe tekken, belanna tarru’ matuamo.

ZAKHARIA 8:4 ပူးပေါင်းရင်းမြစ်များ

AYUB 42:17

Matemi tu Ayub tonna matua indukmo banu’ karurungan.

AYUB 5:26

La banu’ karurungangko tama batu dilobang, susito sanguyun gandung diala ke attunnami.

KATASSURAN 21:19

ianna ke’de’mo sule sia ma’tekken lako salian, iatu to ungkambei tae’ nadiukung, sangadinna la nasondai bangri tu ruginna, belanna tang leto tu pengkaranganna sia napa’pedampian samondona.

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

YEREMIA 31:24

Indeto dio la nanii torro to Yehuda sola tau iato mai lan mintu’ kotana, la ma’pa’lak la to salamba salao ungkambi’ dombana ma’baanan,

ZAKHARIA 2:4

anna ma’kada lako tu malaeka’ senga’, nakua: Ma’dondoko male muma’kada lako tu to mangura, mukua: Iatu a’ganna Yerusalem la susi misa’ kota tang dibenteng, napobua’ kabudanna tau sia patuoan lan.

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

1 SAMUEL 2:31

Tonganna la sae tu allona angKu sembangi tu takia’mu sia takia’na to lan banuanna ambe’mu, naurungan moi misa’ to matua tae’mo lan banuammu.

1 SAMUEL 2:32

Launtiroko kamaparrisan dio banuangKu moi anNa padenanni Puang ma’rupa-rupa karongkosan tu to Israel, sia iatu mai to matua la tae’ lan banuammu sae lakona.