ZAKHARIA 8:3 - Sura' Madatu

³ Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.

ZAKHARIA 8:3 ပူးပေါင်းရင်းမြစ်များ

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 48:1

Misa’ sengo. Pa’pudianna to Korah.

KATASSURAN 29:45

La unnisungNa’ lan lu tangngana to Israel sia Aku la dadi Kapenombanna.

YESAYA 1:21

A’a, umba nakua tu tondok maruru’ namembalimo passulo bongi? Iato pirangbongi’ ponno ia katonganan sia natonangi kamaloloan, anna totemo to papatean mannamo lan.

YESAYA 1:26

AngKu ben poleko to ma’paolai salu susito mangka diboko’ sia pa’bisara susito lendu’namo; mangkato ammu disanga pole bamba natonangi kamaloloan sia tondok maruru’.

YESAYA 11:9

Tae’mo tau la umpogau’ kakadakean ba’tu la umpabu’tu mesangganginna dao lili’na buntu maindanKu. Belanna la naponnoi kapaissanan diona PUANG tu mintu’ lino susi uai buda ussamboi salinna tasik.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 32:16

Attu iato la unnisung tu katonganan lan padang pangallaran sia la tongkon tu kamaloloan lan pa’lak ballo.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

YESAYA 65:25

Iatu guruk na domba sibaa ungkande riu, sia iatu singa la ungkande dalame susi sapi, sia iatu barra’-barra’ la napotuo ula’; tae’ nala umpogau’ kadake sia tae’ nala umpabu’tui tu mesangganginna dao lili’na buntu maindanKu, kadanNa PUANG.

YESAYA 66:20

Anna tau iato mai ussolanni dio mai mintu’ bangsa tu mintu’ siulu’mi butung to pemala’ lako PUANG; tau iato mai la ma’darang sia ma’kareta sia dibulle dao kadera; sia ma’bagala’ sia ma’unta malinta’ rampo lako buntu maindanKu, iamo Yerusalem, kadanNa PUANG, sangtinti to Israel umpennoloan pemala’ lan pa’pannian maindan tama banuanNa PUANG.

YESAYA 8:18

Tiromi, aku na iatu mai pia Nakamaseanna’ PUANG, iamo tanda sia tanda nubua’ dio lu to Israel dio mai PUANGna mintu’ ma’dandan maritik tu unnisung dao buntu Sion.

YEREMIA 14:9

Ma’apai amMi susito misa’ to maling sia butung to misa’ pa’barani tu tang nakulle patunduan? LanKomi lu tangngaki, o PUANG, sia iatu sangamMi disa’bu’ lako kaleki, iamoto da Mitampekan.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 31:23

Nakua kadanNa PUANGna mintu’ ma’dandan maritik, Kapenombanna to Israel: Iatu kada iate la napake pole’ tau dio tana Yehuda, sia lan mintu’ kotana, ke mangkami Kupopembali tu toto’na, nakua: Napamasakkemoroko PUANG e inan kamaloloan sia buntu masero!

YEREMIA 33:16

Allo iato iatu Yehuda la dirampanan na iatu Yerusalem la torro marampa’, anna sangai tau tu tondok iato: PUANG tu kamaloloanta.

YEHEZKIEL 48:35

Iatu mengguririkna lao sangpulo karua sa’bunna siku; naranduk dio mai allo iato iatu kota la disangai: Naisungi PUANG.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

YOËL 3:17

Sia la miissan, kumua Akumo tu PUANG, Kapenombammi tu unnisung dao Sion, buntu maindanKu, sia Yerusalem la dadi misa’ inan maindan sia tae’mo nala unnolai lendu’ to tama sae.

YOËL 3:21

Sia la Kupamanassa, kumua iatu rarana tau iato mai tang sala, tu tae’pa Kupamanassai, kumua tang sala. Sia iatu PUANG la tontong unnisung dao Sion.

MIKHA 4:1

Sia la dadi, ke allo ma’katampakannai, kumua iatu buntu banuanNa PUANG la bantang butung tu buntu malangka’na mintu’ buntu, sia la layuk untongloi mintu’ tanete, anna mintu’ bangsa lolong sae lako kalena.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

ZAKHARIA 12:6

Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

ZAKHARIA 14:10

Iatu mintu’ padang tiku lao la dadi susi Padang marante randuk dio mai Geba sae lako Rimon, rampe lo’na lu Yerusalem; iatu kota iato la dipamatande sia la tontong dio inanna, randuk dio mai babangan Benyamin sae lako inan babangan dolo, sae lako babangan Tetuk, sia randuk dio mai menara Hananeel sae lako pa’parran anggoro’ datu.

ZAKHARIA 8:16

Inde sia tu mintu’ apa la mipogau’, iamotu la sipokadangkomi tu tonganna, ma’paolaikomi salu lan lu babanganmi situang kamalamburan, anna bu’tu karapasan,

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

2 KORINTUS 6:16

Sia apara nasikandei banuanNa Puang Matua tu deata? Belanna kitamote tu banuanNa Puang Matua matontongan, susitu kadanNa Puang Matua, Nakua: La torroNa’ sia la sumalongNa’ dio lu naninna tau iato, sia la mendadiNa’ Puangna tau iato, anna tau iato la mendadi taungKu.

KOLOSE 2:9

belanna lan Kristus Nanii membanua sia merrupa kagannaranNa batangNa Puang Matua,

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 21:27

Apa inang tae’ anna la tama len tu apa maruttak, ba’tu to umpogau’ pagi’giranna sia to ma’kada mo’rang, sangadinna ia manna tu to tisura’ tu sanganna lan sura’ katuoanNa Anak domba.

KADA OMBO’ LAKO RASULU’ YOHANES 21:3

Kurangimi misa’ gamara kapua dao mai isungan kapayungan iato ma’kada nakua: Kilalai kumua iatu tendaNa Puang Matua nanii sola tolino, sia la torro Ia sisola tau iato mai, na tau iato mai mendadi taunNa, na Puang Matua Kalena la urrondongi.