ZAKHARIA 8:16 - Sura' Madatu

¹⁶ Inde sia tu mintu’ apa la mipogau’, iamotu la sipokadangkomi tu tonganna, ma’paolaikomi salu lan lu babanganmi situang kamalamburan, anna bu’tu karapasan,

ZAKHARIA 8:16 ပူးပေါင်းရင်းမြစ်များ

PA’PUDIAN 15:2

Iamo tu to lolang situang penaa masallo’na sia umpogau’ kamalamburan sia umpokada tonganna tu lanna penaanna.

PA’PUDIAN 34:15

Lempanganni tu kakadakean sia pogau’i tu kameloan, daka’i tu kamarampasan sia ula’i.

SARAMBU PEADA’ 12:17

Minda-minda tu ma’kada tongan, umpasombo malolona, apa misa’ to sa’bi tang tongan umpasombo pa’pakena.

SARAMBU PEADA’ 12:19

Iatu puduk ma’kada tongan la tontong sae lakona, apa iatu lila pa’pakena melo sakkattu’ bangri.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEREMIA 22:3

Inde sia tu kadanNa PUANG, Nakua: Paolai salunna sia karitutui tu kamalamburan, sia rampananni tu to dirampa apanna lan mai limanna to ma’pakario-rio, da miparugii sia da mipandasai tu to sae ba’tu pia biung ba’tu baine balu; sia da mipatibollo rarana to tang kasalan dao inan iate.

YEHEZKIEL 18:8

tae’ napalaku denne’, ke ma’peindanni sia tae’ nasanta’ denne’, tae’ narumbui limanna tu apanna tau, sia malambu’ ma’paolai salu, ke den tau sisakka,

YEHEZKIEL 45:9

Inde sia tu kadanNa Puangta PUANG, Nakua: Tarru’ budamo to, e mintu’ arung to Israel. Tibemi tu kamasa’garan sia pa’pakario-rio, ammi pogau’i tu salunna sia kamaloloan; lendokanni tu taungKu dio mai pa’pandasammi, kadanNa Puangta PUANG.

SURA’ KATOMINAAN 19:11

Da miboko, da mima’kada tang tongan sia da misipakena len.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

AMOS 5:24

Sangadinna iatu salunna la tikalulun-lulun susi uai sia iatu kamaloloan susi salu’-salu’ tontong lolong.

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.

MATIUS 5:9

Maupa’ tu mintu’ to ma’pasikaelo, belanna tau iato la disa’bu’ AnakNa Puang Matua.

EFESUS 4:17

Inde sia tu kadangku sia kukatottongi lan Puang, kumua da’mo nasusi gau’na to kapere’ tu gau’mi, unturu’i tu tangnga’ tae’na gai’na,

EFESUS 4:25

Iamoto la mitibe tu kamo’rangan, ammi pantan ma’kada tongan lako padammi tolino, belanna sipolesoan kaleki’.

1 TESALONIKA 4:6

sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.