ZAKHARIA 8:12 - Sura' Madatu

¹² Belanna iatu banne diambo’ la dadi, iatu garonto’na anggoro’ la membua, iatu padang la membura sia iatu langi’ la umpato’do ambunna; angKu pa’kamasean nasangi te lako te bangsa torronapa la napomana’.

ZAKHARIA 8:12 ပူးပေါင်းရင်းမြစ်များ

KADADIAN 26:12

Mangambo’mi tu Ishak lan tondok iato, nalan taun ia dukato, natammumi manglokkon pessaratu’, belanna Napamasakke PUANG.

KADADIAN 27:28

Na Puang Matuamora la umpasaeangko ambun dao mai langi’ sia lompona padang sia gandung manglokkon sia uai anggoro’!

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

PA’PUDIAN 72:3

Sangapaoi anna mintu’ buntu, sia tanete duka umpabu’tu kamarampasan lako tau iato diona kamaloloan.

PA’PUDIAN 85:12

Iatu kamarurusan la bu’tu diong mai atena padang. Na iatu kamaloloan la mentiro lumbang dao mai ba’tangna langi’.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

YESAYA 30:23

Puang la umpasaeanni uran tu banne muambo’ dio lu bela’mu, sia umpa’bengan roti bu’tu dio mai bura padangmu la mammi’ dikande sia ma’pamatoto’ sia allo iato mintu’ patuoammu la undaka’ kande dio lu padang malona’.

YESAYA 61:7

Iatu la diposondana siri’mi la dikasiri’komi penduan manglokkon sia iatu la diposondana kaditattammu la unnarrak-arrak tu tau iato mai belanna upa’na; iamoto anna la umpokataananni penduan manglokkon tu apa lan tondokna sia la unnappa’ kasendean masae lako.

YEREMIA 31:12

Iamoto anna sae tu tau iato mai unnarrak-arrak dao tanete Sion sia sangsaean sirampun lako pamengan melona PUANG, iamotu gandung sia uai anggoro’ ba’ru sia minna’ sia anak domba sia anak sapi; iatu penaanna tau iato mai susito pa’lak disakka’i, tae’mo nala kapu’duran len.

YEHEZKIEL 34:28

Natae’mo naporampanni mintu’ bangsa, sia tae’mo nala ungkandei olo’-olo’ dao kuli’na padang, sangadinna la torro marampa’ sia moi misa’ tau tae’mo umpatiramban lenni.

YEHEZKIEL 36:12

Sia la Kupalolangikomi tau, iamotu Israel, taungKu; tu unnalakomi napomana’ sia napotaa mana’komi, sia tae’mo mila umpasisayuranni anak.

YEHEZKIEL 36:30

Ondongpi la Kupatarri’ tu mai bua kayu sia la Kupopemba’ka’ tu bura padang, kumua damo naruakomi pelo’bo dio lu mintu’ bangsa napobua’ karorian.

YEHEZKIEL 36:9

Belanna manassa la saeNa’ lako kalemi sia la ma’palumati’Na’, ammi diposara’ sia diambo’i.

HOSEA 13:3

Iamoto anna la susi bang to gaun melambi’ sia susi damo’, tu pa’de, ke mane berre’i allo, sia susito ta’pian nasarombonan angin, sia susito rambu tassu’ dio pentiroan.

HOSEA 14:5

La Kuparapa’ tu kamembokoranna tau iato mai, la kalebu tallang tu penaangKu ungkamasei, belanna iatu kasengkeangKu toyangmo dio mai kalena.

YOËL 2:19

Mebalimi tu PUANG lako taunNa Nakua: Manassa la Kupasaeangkomi gandung, uai anggoro’ ba’ru sia minna’, ammi podia’i, sia tae’ lenmo Kula ussa’biangankomi natatta mintu’ bangsa.

YOËL 2:22

Da mimataku’, e mintu’ olo’-olo’ dao lu padang, belanna iatu mai kariuan dio lu padang pangallaran maluna, belanna membuamo tu mai garonto’ kayu sia garonto’ ara sia garonto’ anggoro’ umpatassu’i tu kasebaranna.

SURA’ KATOMINAAN 26:3

Iake mituru’i tu mintu’ aluk Kupondok sia mikaritutui tongan tu pepasanKu,

ZEFANYA 3:13

Iatu to torrona Israel tae’mo nala ma’pakario-rio ba’tu ma’kada tang tongan sia iatu lila pa’pakenan la tae’mo lan sadangna, belanna tau iato mai la ungkande riu dio padang kariuan sia la matindo sia tae’mo misa’ tau la umpatirambanni.

HAGAI 1:10

Iamoto na iatu langi’ umpatadangangkomi ambun, sia iatu kuli’na padang tae’mo napakendekangkomi burana.

HAGAI 2:18

Kuparampoikomi kalangkoan sia pasi sia mintu’ panggaraga limammi Kupata’pai uran batu, apa tae’ kapengkilalammi lako Kaleku, kadanNa PUANG.

HAGAI 2:19

Palan penaai tu mintu’ apa dolo na allo iate, iamotu allo ma’penduangpulo nna’pa’ bulan ma’pengkasera, randuk dio mai allo iato, tu dinii unnoton parandangan Banua kabusunganNa PUANG. Palan penaai:

ZAKHARIA 8:6

Inde sia tu kadanNa PUANGna mintu’ ma’dandan maritik, Nakua: Moi nakalle-kallean tu mintu’ apa iate dio pentirona te bangsa torronapa, umbaniapa nala kalle-kallean dio pentiroKu? KadanNa PUANGna mintu’ ma’dandan maritik.

MALEAKHI 3:11

Iake susito la Kutampakki ropu tu batik londong, ammi pomeloi, kumua da na sanggangi tu bura padangmi sia kumua iatu garonto’ anggoro’ dio pa’lakmi tae’ nala tang menta’bi’ lako kalemi, kadanNa PUANGna mintu’ ma’dandan maritik.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

1 KORINTUS 3:21

Iamoto dadi da naden misa’ tau ussattuan tolino. Belanna mintu’na angge maritik kamu nasang puangna,

PA’TOLE 32:2

Iatu pangadarangku la to’do ten to uran, iatu kadangku to’do-to’do susito ambun, susi uran kamban unta’pai riu maluna, sia susito uran bara’ unta’pai mennutanna,

PA’TOLE 33:13

Iatu diona Yusuf ma’kada nakua: Napamasakkemira PUANG tu tondokna, anNa kamasei pamengan mala’bi’ tongan dao mai langi’ sia ambun, sia kalimbuang lu diong mai posi’na padang,

PA’TOLE 33:28

Iamoto natorro marampa’ Israel, sia mata uainna Yakub tang dipatumba lan tondok, tu nanii gandung sia uai anggoro’ ba’ru; ondongpi iatu langi’na umpato’doanni ambun.

YAKOBUS 3:18

Anna buanna, iamotu kamaloloan, diambo’ situang kamarampasan lako mintu’ to ma’pasikaelo.