ZAKHARIA 7:9 - Sura' Madatu

⁹ Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

ZAKHARIA 7:9 ပူးပေါင်းရင်းမြစ်များ

2 SAMUEL 9:7

Ma’kadami Daud lako kalena nakua: Da mumataku’, belanna inang la umpogau’na’ kamasokanan lako kalemu belanna ambe’mu, Yonatan, la kupasule nasang tu mintu’ pa’lakna nene’mu, sia tontong dukaki’ la kumande sola.

AYUB 31:20

ianna tae’ napassakkena’ aakna sia tae’ napemalassui bulu dombaku tu kalena,

AYUB 6:14

Minda-minda umpadapa kamamasean dio mai sangmanena, iamo tang umpalan penaa ungkasiri’ To umpoissan angga maritik.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

YEREMIA 21:12

Nakua PUANG: Madomi’komi umpaolai salunna sia rampananni tu to dirampa apanna lan mai limanna to ma’pakario-rio, da namendelok tu kare’dekangKu susi api sia dukku naurungan moi misa’ tau tae’ nakulle umpa’deanni, napobua’ kakadakeanna mintu’ penggaurammi.

YEREMIA 22:3

Inde sia tu kadanNa PUANG, Nakua: Paolai salunna sia karitutui tu kamalamburan, sia rampananni tu to dirampa apanna lan mai limanna to ma’pakario-rio, da miparugii sia da mipandasai tu to sae ba’tu pia biung ba’tu baine balu; sia da mipatibollo rarana to tang kasalan dao inan iate.

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.

YEREMIA 7:5

Tae’ natongan to, apa iake mipemeloi tonganni tu lalanmi sia penggaurammi, sia iake malambu’komi umpaolai salunna tu tau anna solana,

YEHEZKIEL 18:8

tae’ napalaku denne’, ke ma’peindanni sia tae’ nasanta’ denne’, tae’ narumbui limanna tu apanna tau, sia malambu’ ma’paolai salu, ke den tau sisakka,

YEHEZKIEL 45:9

Inde sia tu kadanNa Puangta PUANG, Nakua: Tarru’ budamo to, e mintu’ arung to Israel. Tibemi tu kamasa’garan sia pa’pakario-rio, ammi pogau’i tu salunna sia kamaloloan; lendokanni tu taungKu dio mai pa’pandasammi, kadanNa Puangta PUANG.

HOSEA 12:7

Iamoto tibalikmoko sule lako Kapenombammu, karitutui tu kamasokanan sia katonganan sia tontongko ma’rannuan lako Kapenombammu.

SURA’ KATOMINAAN 19:15

Da mibimbang ma’paolai salu; da mikaturu-turui to baitti’ ba’tu umpelindo to kapua, sangadinna la musanda tonganni tu kara-karana padammu ma’rupa tau.

AMOS 5:24

Sangadinna iatu salunna la tikalulun-lulun susi uai sia iatu kamaloloan susi salu’-salu’ tontong lolong.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

ZAKHARIA 7:7

Tang susi dukaraka to tu diona mintu’ kadanNa PUANG tu Napa’peissanan nalopian mintu’ nabi dolona, tonna torroipi tau tu Yerusalem sola mintu’ kota untikui sia tonna rapa’pa sia tonna torroipi tau tu padang rampe Lo’na lu sia Padang Merrantena? –

ZAKHARIA 7:8

Lako duka Zakharia sae tu kadanNa PUANG –:

MATIUS 23:23

Upu’ allomi, e pandita Sura’ sia to belo puduk! Belanna ianna dipa’sangpulo tu kamangi sia salasi sia dintan, sangtaanna mipennoloan, apa mipasalai tu ma’iringanna lan Sukaran aluk, susinna tu katonganan sia kamamasean sia kamarurusan. Iari ia to tu sipatu dipogau’ sia iatu senga’na da duka nadipaboko’i penaa.

LUKAS 11:42

Apa upu’ allomi, e to Farisi, belanna iake sangpuloi tu salasi na kamangi sia mintu’ utan, misa’ mipennoloan, mipasalai penaa tu pa’paressan sia kamamaliran lako Puang Matua. Iari te tu sipatu la dipogau’, sia iatu senga’na da miboko’i.

YOHANES 7:24

Da na ia manna tu nabasanna mata minii ma’pasala, sangadinna pakalambu’ tonganni, ke mangra’ta’komi.

YOHANES 7:51

Umpasalaraka tau tu Sukaran alukta, ke tae’pi nadirangi tu natuntunna, sia tae’pa nadiissan tu napogau’na?

PA’TOLE 22:1

Iake mutiroi tu misa’ sapi ba’tu misa’ domba ba’tu bembe’na siulu’mu pusa, la mukaritutui da musa’bianganni, sangadinna manassa la mubaa sule lako siulu’mu.