ZAKHARIA 7:7 - Sura' Madatu

⁷ Tang susi dukaraka to tu diona mintu’ kadanNa PUANG tu Napa’peissanan nalopian mintu’ nabi dolona, tonna torroipi tau tu Yerusalem sola mintu’ kota untikui sia tonna rapa’pa sia tonna torroipi tau tu padang rampe Lo’na lu sia Padang Merrantena? –

ZAKHARIA 7:7 ပူးပေါင်းရင်းမြစ်များ

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

YEREMIA 13:19

Mintu’ kota rampe sau’na titutu’mo, na moi misa’ tau tae’mo umbungka’i; mintu’ to Yehuda dipali’mo sia tae’mo torro, dipali’ nasangmo sia tae’ torro, dipali’ nasangmo sia tae’ bangmo torro.

YEREMIA 17:26

Sia la sae tu tau dio mai mintu’ kota Yehuda sia dio mai mintu’ lili’na Yerusalem sia dio mai padang Benyamin sia dio mai Padang Merrantena sia dio mai Ma’buntunna sia lo’ mai Pollo’na uai, anna umbaa pemala’ ditunu pu’pu’ sia pemala’ pangrere’ sia kande dipemalaran sia dupa sia la umbaa duka pemala’ pa’pudian tama banuanNa PUANG.

YEREMIA 22:21

Iatommu marampa’ siapa, ma’kadaNa’ lako kalemu; apa mukua: Manokana’ umperangii! Susimo lalanmu to, randuk dio mai mangurammu, belanna tae’ len muperangii tu gamarangKu.

YEREMIA 32:44

Iatu pa’lak la naalli tau doi’ sia unggaraga sura’ kasiallian, anna ca’i sia naalan sa’bi la ussa’bii dio tana Benyamin sia lili’na Yerusalem sia lan mintu’ kota Yehuda, sia lan mintu’ tondok dao Ma’buntunna sia lan mintu’ tondok dio Padang Merrantena sia lan mintu’ tondok lo’ Pollo’na uai; belanna la Kupopembali tu toto’na tau iato mai, kadanNa PUANG.

YEREMIA 33:13

Lan lu mintu’ kota dao ma’buntunna sia lan mintu’ kota dio Padang Merrantena sia lan mintu’ tondok lo’ Pollo’na uai sia dio tana Benyamin sia lili’na Yerusalem sia lan mintu’ kotana Yehuda la lendu’ pole’omo tu mintu’ domba diongna lu limanna to umbilangi, kadanNa PUANG.

YEREMIA 44:4

Moi Kusuamo lako tau iato mai tu mintu’ taungKu, iamotu mai nabi, ke makale’ sia ke karoen umpokadanni kumua: Da mipogau’i te apa megallian iate, tu Kukagi’gi’!

YEREMIA 7:23

sangadinna pepasan iate Kupokadan tau iato mai, kumua: La miperangii te kadangKu, iake susito iate Aku te KapenombammiNa’ na kamu taungKukomi; la mituru’ tu mintu’ lalan Kupasanangkomi, ammi makarimman.

YEREMIA 7:5

Tae’ natongan to, apa iake mipemeloi tonganni tu lalanmi sia penggaurammi, sia iake malambu’komi umpaolai salunna tu tau anna solana,

ZAKHARIA 7:12

Sia napamakarra’ tu penaanna susi intan, kumua da naperangii tu pangadaran sia kada, tu Naparampo PUANGna mintu’ ma’dandan maritik lako kalena tete dio PenaanNa, tu nalopian mintu’ nabi dolo. Iamoto napodenni kasengkean kapuaNa PUANGna mintu’ ma’dandan maritik.

ZAKHARIA 7:6

Sia iammi kumande sia mangiru’, tae’raka nakamu kalena kumande sia mangiru’?

ZAKHARIA 7:8

Lako duka Zakharia sae tu kadanNa PUANG –:

PA’TOLE 34:3

sia tondok rampe Lo’na lu sia Padang, sia iatu lombok Yerikho, iamotu tondok nanii koroma sae lako Zoar.