ZAKHARIA 7:3 - Sura' Madatu

³ sia la mekutana lako tu mai to minaa, tu dio banuanNa PUANGna mintu’ ma’dandan maritik, sia lako mintu’ nabi, nakua: Sipatura’ka la tumangi’ sia ma’puasa lan bulan ma’pellima, susitu kipogau’ ba’tu pirang-pirang taunmo lendu’na?

ZAKHARIA 7:3 ပူးပေါင်းရင်းမြစ်များ

EZRA 3:10

Iatonna mangkamo naoton mintu’ pande tu parandangan Banua kabusunganNa PUANG, ke’de’mi dio to’ inanna tu mai to minaa ma’pakean pangka’, sitangke tarompe’na sia mintu’ to Lewi, iamotu bati’na Asaf, sitangke taa’-taa’, la umpudi-pudi PUANG susitu napa’patuduan Daud datu to Israel.

TOMANGADA’ 3:4

Den tu attu katumangiran sia den tu attu kametaan, den tu attu dinii umbating sia den tu attu dinii ma’gellu’.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

YOËL 2:17

Iatu mintu’ to minaa, iamo tu to untoe pentoeanNa PUANG, la tumangi’ lan kasiallaranna sarambi sia inan pemalaran, anna ma’kada nakua: Kasayangi tu taumMi, PUANG sia da Misa’bianganni tu taa mana’Mi la ditatta, naurunganni napoparumbasan to kapere’ tu tau iato mai. Ma’apai nala ma’kada tu mai tau dio lu mintu’ bangsa, nakua: Umbara tu Kapenombanna tau iato mai?

HAGAI 2:11

Iatonna allo ma’penduangpulo nna’pa’ bulan ma’pengkasera, taun ma’penduan kadatuanna Darius, saemi tu kadanNa PUANG lako nabi Hagai, Nakua:

ZAKHARIA 7:4

Attu iato saemi kadanNa PUANGna mintu’ ma’dandan maritik lako kaleku, Nakua:

ZAKHARIA 7:5

Pokadai lako mintu’ tau lan lu tondok sia lako mintu’ to minaa, kumua: Iammi ma’puasa sia umbating lan bulan ma’pellima sia bulan ma’pempitu lan pitungpulomo taun lendu’na, tonganrokomika ma’puasa belanna Aku?

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

MALEAKHI 2:7

Belanna iatu pudukna to minaa unnanna kapaissanan sia lan mai sadangna nanii tau undaka’ pangadaran diona Sukaran aluk, belanna iamo misa’ pesuanNa PUANGna mintu’ ma’dandan maritik.

MATIUS 9:15

Nakuami Yesu ungkuanni: La makarorrongmoraka tu mai to pasolan ke sisolapi tu to la diparampo? Apa la sae tu allona, to ke dialami dio mai kalena tu to diparampo, namane ma’puasa.

1 KORINTUS 7:5

Da mima’pasitanan, bokoranna ke pada elo’mi patomalimmi ba’tu sangapa-apa, anna den kapalambirammi massambayang, mimane sisola sule, da anna rosokomi deata bulituk, apa tae’ mibelai untaloi kalemi.

PA’TOLE 33:10

Naada’imi tu Yakub diona atoramMi sia Israel diona sukaran alukMi; natunumi tu dupa, amMi udukki sia napatorro tu pemala’ ditunu pu’pu’ dao inan pemalaramMi.