ZAKHARIA 7:14 - Sura' Madatu

¹⁴ Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.

ZAKHARIA 7:14 ပူးပေါင်းရင်းမြစ်များ

2 OSSORANNA DATU 36:21

dikua anna dipalanda’ tu kadanNa PUANG nalopian Yeremia; sae lako disondaimo taun katorroanna tu padang iato. Natorroimi tu padang iato lan mintu’ allo kasangganganna, kumua anna ganna’i pitungpulo taunna.

PA’PUDIAN 58:9

Melo ke lollo’i susi suso marassan menono’, susi anak dadi sala tang untiropa allo.

YESAYA 17:13

Da’ito anna marukka tu mintu’ bangsa susi uai kapua mariak, apa Nata’tan, anna mallai toyang tu tau iato mai sia sisarombonan lao susi ta’pian napettiaran angin langngan buntu sia susi daun tallang naguririkan talimpuru’.

YESAYA 21:1

Inde sia tu kada Napa’petanggungan Puang Matua diona padang aak dio randan tasik. Susito talimpuru’ ma’pamumbuk Lo’ mai pollo’na uai, lu dio mai padang aak, dio mai padang mekarrangan bulu.

YESAYA 60:15

Iatommu disitampei pirambongi’ sia disayu pallan, naurunganni tae’mo tau unnolaiko. Akumo tu la umpamala’bi’ko sae lakona sia Kupadadiko kasendean disituran-turananni.

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

YEREMIA 12:10

Buda tu to mangkambi’ ussanggang pa’lak anggoro’Ku sia ullunggenak pa’lakKu, sia umpopempadang aak pa’lak balloKu,

YEREMIA 23:19

Tonganna la tassu’ tu angin bara’Na PUANG, iamotu kare’dekan sia talimpuru’ ma’pamumbuk, tu la ta’pa dao ulunna mintu’ to tang mekaaluk.

YEREMIA 30:23

Tonganna la tassu’ tu angin bara’Na PUANG, iamotu kare’dekan sia talimpuru’ ma’pamumbuk, tu la ta’pa dao ulunna mintu’ to tang mekaaluk.

YEREMIA 36:19

Nakuami tu mintu’ arung iato lako Barukh: Malemokomi membuni, la iko la Yeremia; moi misa’ tau da naissanni tu mininna.

YEREMIA 44:6

Iamoto anna tibarrakmo kare’dekanna ara’Ku sia kasengkeangKu, sia ma’lana-lana lan lu mintu’ kota Yehuda sia dio lu batatta Yerusalem, naurungan daun lauan nasangmo, sia mempadang lo’bangmo susite allo iate.

YEREMIA 5:15

Tonganna la Kupasaeangkomi mintu’ bangsa mambela, e to Israel, kadanNa PUANG, iamo misa’ bangsa matontongan tu inang den dolona, misa’ bangsa tang mutandai basana sia tang mupebuyu’ tu kadanna.

YEREMIA 52:30

Iatonna taun ma’penduangpulo ntallu kadatuanna Nebukadnezar, napali’mi Nebuzaradan, pangulu to ma’kampa tu to Yehuda pituratu’ patangpulo llima. Mintu’i tu tau iato mai patangsa’bu annan ratu’.

YEHEZKIEL 12:19

Sia la ma’kadako lako tau lan tondok, kumua: Inde sia tu kadanNa Puangta PUANG diona pa’tondokan Yerusalem dio lu padang Israel, Nakua: iatu tau iato mai la ungkande rotinna situang karossoan penaanna sia la unniru’ uainna situang kamagianganna – kumua anna iatu tondokna tau iato mai masopu tu mintu’ apa lan sia mempadang lo’bang napobua’ kamasa’garanna mintu’ pa’tondokanna.

YEHEZKIEL 22:15

La Kupatitale’komi dio lu mintu’ bangsa sia la Kupatisambo’komi dio lu mintu’ tondok, sia la Kulossokan nasang tu kamaruttakammi dio mai kalemi.

YEHEZKIEL 5:10

Iamoto lan lu tangngamu iatu ambe’ la ungkande anakna na iatu mai anak la ungkande ambe’na. Aku la umpaolaiko salunna, na mintu’ tu torrona dio mai kalemu la Kuambo’ lako mintu’ matanna angin.

DANIEL 8:9

Iato misa’na mentaruk misa’ tanduk lan mai, tu pamulanna bitti’, apa tarru’ mengkapua ma’palusau’, ma’palulako rampe matallo sia ma’palulako Padang ballo.

HOSEA 9:17

La Natibe Kapenombangku tu tau iato mai, belanna tae’ naperangii; iamoto anna salamba salao dio lu mintu’ bangsa.

YOËL 2:3

Dio tingayona den tu misa’ api tontong ma’kande, nadio boko’na tu dukku api ma’pamampu’; iatu padang dio tingayona susi pa’lak Eden, sia dio boko’na padang lo’bang sanggang; moi misa’ duka apa tae’ natilendok dio mai kalena.

SURA’ KATOMINAAN 26:22

La Kurampanan tu olo’-olo’ masuru lako kalemi, anna pasisayurangkomi anak sia la napisanni tu mai patuoammi sia la napososso’ lu rokko tu bilangammi, anna iatu mintu’ lalanmi makarorrong.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

AMOS 1:14

iamoto angKu la umpadukkui api tu lanna lu rinding tembo’na Raba, naurungan unnimbakanni tu bentengna, naturu’ arrak ke attu kasirarian, sia ongngo’ angin bara’, ke attu talimpuru’;

NAHUM 1:3

Iatu PUANG kalando pesuka’, moi anna kapua kamatotoranNa, tae’ duka Ia na la tang mangukung. Lumingka naturu’ talimpuru’ sia angin bara’, sia salebu’ butung barra’-barra’ diong to’ lette’Na.

HABAKUK 3:14

Anak panana duka ia la Mitossokan tarru’i, tu ulunna surodadunna, tu sae palaoan la mela’tek umpatisambo’na’, butung to unnampello’ to mandasa lan inan kabunianna.

ZEFANYA 3:6

Kusabu’imo tu ba’tu pira-pira bangsa; sanggangmo tu manarana dio tetuk kota; Kusanggangngimo tu batattana, naurunganni moi misa’ tau tae’mo unnolai; iatu mintu’ kotana daun lauanmo, tae’mo tau lan sia tae’mo tau umpa’tondokki.

ZAKHARIA 2:6

Madoi’komi, madoi’komi. Mallaikomi lan mai tondok rampe daanna lu! kadanNa PUANG, belanna mangkamokomi Kupatisambo’ lako a’pa’ matanna angin, kadanNa PUANG.

ZAKHARIA 8:1

Undinnato saemi kadanNa PUANGna mintu’ ma’dandan maritik susite:

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

PA’TOLE 28:64

PUANG la umpatisambo’-sambo’ko dio lu mintu’ to sangpetayanan, randuk dio mai randan langi’ sae lako randan langi’; inde to dio la munii umpenombai, kapenomban senga’, tu tae’ mutandai la iko la iatu mai nene’ to dolomu, iamotu kayu sia batu.

PA’TOLE 4:27

La Napatisambo’-sambo’komi PUANG dio lu mintu’ sangpetayanan, ammi torromora tang pira dio lu bangsa, tu la Nanii umpali’komi PUANG.