ZAKHARIA 7:11 - Sura' Madatu

¹¹ Apa manoka ma’perangi tu tau iato mai, umpatanan palempengna la mangea sia nasissing tu talinganna, da naperangii.

ZAKHARIA 7:11 ပူးပေါင်းရင်းမြစ်များ

2 OSSORANNA DATU 33:10

Ma’kadamo tu PUANG lako Manasye sia lako taunna, apa tae’ naperangii.

NEHEMIA 9:17

Mengkailing tu tau iato mai ma’perangi sia tae’ nakilalai tu mintu’ tanda mangnga mangka Mipogau’ dio lu tau iato mai sia napabattuk tu penaanna sia unnangka’ misa’ pangulu lan kapabali-balianna la sule lako kakaunananna. Apa Kamumo tu Kapenomban ma’pagarri’ sia maturu-turu, sia mamase sia kalando pesuka’ sia kapua kamasokanamMi sia tae’ Mitampei tu tau iato mai.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

YESAYA 28:12

Tu Napokadamo lako tau iato mai kumua: Iamo kapelayoan te, benni kapelayoan tu to mata’ka’, iamote tu kamanamanan – apa tae’ anna perangii.

YESAYA 46:12

PerangiiNa’, e to matampo penaanna, to toyang dio mai kamaloloan.

YESAYA 6:10

Pabattukki tu penaanna bangsa iate sia patarui tu talinganna, sia pasipi’da’i tu matanna, da napatiro sia da naparangi sia da napaissan, naurungan tae’ anna mengkatoba’ sia tae’ nadipamaleke.

YESAYA 65:12

Kupamanassakomi la nakande pa’dang sia la umpatukkukomi kalemi la direre’ belanna metambaNa’, apa tae’ mipebalii, ma’kadaNa’, apa tae’ miperangii, sangadinna umpogau’komi apa kadake dio pentiroKu sia miporai tu apa tang naala penaangKu.

YEREMIA 11:10

Tibalikmo tu tau iato mai lako kakadakeanna nene’ to dolona, tu mengkailing umperangii kadangKu, sia menturu’ lako tu deata la umpenombai; iatu to Israel sia to Yehuda umpokamo basseKu, tu Kutanan Kusibassei nene’ to dolona.

YEREMIA 13:10

Iate bangsa kadake iate, tu mengkailing umperangii kadangKu sia iatu lolang unturu’ kamakarrasanna penaanna, naurunganni male mengkaola lako kapenomban senga’ sia tukku menomba lako kalena, la susite salipi’ iate, tu tae’mo apa la napatu.

YEREMIA 17:23

Apa manoka tu tau iato mai umperangii sia tae’ natananni talinga, sangadinna umpabattuk penaanna sia ungkanoka pangadaran.

YEREMIA 17:27

Apa iake manokakomi umperangiiNa’, kumua: la mipamadatu tu allo katorroan sia da mimamaa sia umbaa pamaan tama babangan Yerusalem ke allo katorroan, manassa la umpadukkuNa’ misa’ api lan babanganna, tu la ussappii mintu’ tongkonan layukna Yerusalem sia tang pa’de-pa’deanna.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEREMIA 35:15

Sia Kusua lako kalemi tu mintu’ taungKu, iamotu mintu’ nabi ke makale’ sia ke karoen umpokadai, kumua: Pada la mengkatoba’komi dio mai mintu’ lalan kadakemi sia pemeloi tu mintu’ penggaurammi sia damo mituru’ kapenomban senga’ la umpenombai; iake susito la tontongkomi lan tondok, tu Kukamaseangkomi sia nene’ to dolomi. Apa tae’ duka mitananni talinga sia tae’ miperangiiNa’.

YEREMIA 36:31

La Kupapakkanni lako kalena sia lako ampo bati’na sia lako mintu’ to mase’ponna tu mintu’na kakadakeanna sia la Kuparampoi mintu’ kamandasan tu tau iato mai sia mintu’ to lan Yerusalem sia mintu’ to Yehuda, tu mangka Kupokada la urrampoi, apa manoka umperangii.

YEREMIA 42:21

Belanna kupokadangkomi totemo, apa manokakomi umperangii tu kadanNa PUANG, Kapenombammi, iamotu mintu’ apa Nasuanna’, umparampoangkomi.

YEREMIA 44:16

Iatu kada mipokada lako kaleki tete dio sanganNa PUANG, tae’ kila umperangii.

YEREMIA 5:21

Perangiimi te, e bangsa baga sia tae’ tangnga’na, tu kemata, apa tae’ napatiro, tu ketalinga, apa tae’ naparangi.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YEREMIA 7:24

Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.

YEREMIA 8:5

Ma’apai te bangsa iate nadisangai: To sorong boko’ na iate Yerusalem: To sorong boko’ tarru’? La’ka’ bang lako pa’pakena, sia mengkailing tu tau iato mai mengkatoba’.

YEHEZKIEL 14:5

angKu patiakka’i tu penaanna to Israel, tu umboko’iMo’ sola nasangi sola mintu’ rapang-rapang dipodeatana.

YEHEZKIEL 3:7

Apa tae’ namorai umperangiiko to Israel, belanna tae’ namorai umperangiiNa’ belanna mintu’ to Israel makarra’ nasang batu kidena sia ma’penaa battuk.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

HOSEA 4:16

Belanna iatu to Israel tang sopati susi sapi tang sopati. Ma’dinraka la Nakambi’ PUANG susi misa’ domba dio lu padang kalua’?

ZEFANYA 3:2

Tae’ naperangii pa’pakilala, sia tae’ natarima peada’; tae’ naposande’ PUANG sia tae’ namengkareke’ lako Kapenombanna.

ZAKHARIA 1:4

Da misusi nene’ to dolomi, tu nanii mintu’ nabi dolona mangka ma’kada nakua: Inde sia tu kadanNa PUANGna mintu’ ma’dandan maritik, Nakua: Mengkatoba’komi dio mai kedo kadakemi sia penggauran kadakemi, apa tae’ naperangii tau iato mai sia tae’ nadampangNa’, kadanNa PUANG.

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

PENGGAURANNA RASULU’ 7:51

E kamu to battuk sia tang sopati sia tang to’tok, nenne’ bangkomi unnempai Penaa Masallo’. Tumba tu nene’ to dolomi, ten dukamoto tu kamu.

PENGGAURANNA RASULU’ 7:57

Apa maramba tu tau umpemandui gamaranna, sia untampun talinganna, napada ta’pa ulla’ka’i.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.