ZAKHARIA 5:9 - Sura' Madatu

⁹ Kubangunammi tu matangku kutiroi, den da’dua baine mengkareke’, umballa’ pani’na lan angin, belanna ma’pani’ susi tambolang. Anna angka’i tu epa iato tama alla’na langi’ na lino.

ZAKHARIA 5:9 ပူးပေါင်းရင်းမြစ်များ

PA’PUDIAN 104:17

Tu nanii manuk-manuk messerang, sia iatu tambolang lolok buangin nanii messerang.

YEREMIA 8:7

Moi anna tambolang dao lu langi’ untandai tu attunna sia bu’ku’ sola kaluppini’ na kaloko’ ungkilalai duka attu karampoanna, sangadinna taungKu manna tu tang untandai katongananNa PUANG.

HOSEA 8:1

Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

SURA’ KATOMINAAN 11:13

Inde sia tu mintu’ manuk-manuk la mikagi’gi’ tu tae’ nama’din dikande belanna dipomagiang, iamotu langkan maega, langkan sia langkan tasik,

SURA’ KATOMINAAN 11:19

tambolang ballau, mintu’ tambolang sanda rupanna, dora’ na ledo.

ZAKHARIA 5:10

Mekutanamo’ lako tu malaeka’ kusipa’kadan, kukua: Umba la naolai te tau iate umbaai tu epa?

MATIUS 24:28

Belanna umba-umba nanii batang rabuk, iamo nanii pa’duku’ sirampun.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,