ZAKHARIA 5:3 - Sura' Madatu

³ Ma’kadami lako kaleku nakua: Iamote tu tampak ropu, tu tassu’ lako mintu’ tondok: situru’ sura’ iate minda-minda tu boko manassa la disabu’i randuk attu iate, sia situru’ sura’ iate minda-minda tu umpalao sumpa tang tongan la disabu’i randuk attu iate.

ZAKHARIA 5:3 ပူးပေါင်းရင်းမြစ်များ

KATASSURAN 20:15

Da’ muboko.

SARAMBU PEADA’ 29:24

Minda-minda mantaa sola to boko, iamo ungkabiri’ kalena; moi narangimo tu tampak ropu, apa tae’ napokada lenni tu kara-karana.

SARAMBU PEADA’ 3:33

Iatu tampak ropunNa PUANG lan lu banuanna to tang mekaaluk, apa iatu inan nanii torro to malambu’ Napamasakke.

SARAMBU PEADA’ 30:9

Dikua da kupeonganniKomi, ke kala’biammo’ sia da kuma’kada kumua: Mindara tu PUANG? sia da duka kuboko, kenarampoina’ kabongkoan sia da kutodotinting sanganNa Kapenombangku.

YESAYA 24:6

Iamoto anna ampello’i tampak ropu te lino, sia iatu to untongkonni narampoi parri’ natumang kasalanna; iamoto anna mampu’ tu to untongkonni lino, anna sidi’mora tinampe.

YESAYA 43:28

Iamoto angKu sallangi tu mintu’ pangulu inan maindan, angKu eloranni tu Yakub disabu’i butung pepayu sia dilo’bo-lo’bo tu Israel.

YESAYA 48:1

Perangii te, e bati’na Yakub, tu ungganti kalena Israel, sia tu bu’tu lan mai kalimbuangna Yehuda, umposumpa sanganNa PUANG sia ungkatonganni Kapenombanna to Israel, – apa tae’ nasituang kamanapparan sia kamaloloan –

YEREMIA 23:10

Belanna tondok iate nanii ponno to pasandak salu lako rampanan kapa’; sia belanna padang iate makarorrong napobua’ tampak ropu, sia mintu’ padang kariuan marangke; tonganna apa kadake manna natuntun sia iatu apa tang malambu’ nasanga napomatoto’.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

YEREMIA 5:2

Moi anna ma’kada tu tau iato mai kumua: La lelukraka tuoNa PUANG umpalao duka ia sumpa tang tongan.

YEREMIA 7:9

Umba nakua? Bokomokomi sia papatean sia pasandak salu lako rampanan kapa’ sia umpalao sumpa tang tongan sia memala’komi lako Baal sia mengkaola lako kapenomban, tu tang mitandai –

YEHEZKIEL 2:9

Attu iato kutiromi, manassa den misa’ lima untadoina’, sia manassa den sura’ tilulun dio lima iato.

DANIEL 9:11

Ondongpi mintu’na to Israel untengkaimo Sukaran alukMi sia memboko’mo, belanna tae’ naperangii tu gamaramMi. Iamoto anna dibarrakan lako kaleki tu tampak ropu, tu diarra’i sumpa, tu mangka disura’ lan Sukaran alukna Musa, taunNa Puang Matua, belanna kasalammokan lako Kalena.

HOSEA 4:2

Ma’tampakki ropu, mo’rang, papatean, boko sia pasandak salu lako rampanan kapa’! Kamasa’garan sia kaumpatibolloan rara situru’-turu’.

SURA’ KATOMINAAN 19:11

Da miboko, da mima’kada tang tongan sia da misipakena len.

SURA’ KATOMINAAN 19:12

Da mipalao sumpa tang tongan ussa’bu’ sangangKu, belanna iake susito umpamatunakomi sanganNa Kapenombammi. Akumo tu PUANG.

AMOS 3:10

Ondongpi tae’ naissanni umpogau’ malambu’na, kadanNa PUANG, iamo tu to umpasipapa’ pa’pandasa sia pa’pakario-rio lan mintu’ bentengna.

ZAKHARIA 5:4

Aku umpatassu’i te tampak ropu iate, kadanNa PUANGna mintu’ ma’dandan maritik, anna rampo tama banuanna to boko sia tama banuanna to umpalao sumpa tang tongan tete dio sangangKu sia ma’bongi lan banuanna, anna sanggangi tu kayu pa’pasitammuanna sia ia duka tu batunna.

ZAKHARIA 8:17

sia da misitangnga’ kadake lan penaammi sia da miporai tu umpalao sumpa tang tongan, belanna Kukagi’gi’ te mintu’ apa iate, kadanNa PUANG.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

MALEAKHI 4:6

Iamo la umpatibalikki tu penaanna mintu’ ambe’ lako anakna sia penaanna mintu’ anak lako ambe’na, kumua da Kusae ussabu’i tu tondok butung pepayu.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

LUKAS 21:35

Belanna la narua tu angganna to untorroi tana kalua’.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

1 TIMOTIUS 1:9

sia ke nakanassai kumua iatu Sukaran aluk, tangia dipadenan to malambu’, sangadinna to battuk sia to matoro, to tang mekaaluk, to ponno kasalan, to tang ungkasiri’ kamaindanan sia tang massipa’, to umpatei ambe’na sia indo’na sia mintu’ to papatean,

YAKOBUS 5:12

Apa iatu ma’iringanna tongan, e sangsiulurangku, da ammi menggata, la umpopenggata langi’ ba’tu lino, ba’tu penggata senga’, sangadinna la mikua tonganna, ke tonganni, sia tae’, ke tae’i, da naruakomi pangra’ta kadiukungan.

YAKOBUS 5:4

Tiromi, iatu sarona to umpeparei bela’mi, tu milando pa’dui mipatadang, metamba sia iatu sarona to mepare tamamo talinganNa Puang Zebaot.

YOSUA 9:20

Inde sia tu la tapogau’ lako tau iato mai, iamotu la tapatuo, da narampoiki’ kasengkean diona tu sumpa tapake sibasse.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.